२ कोरिन्‍थी 8:23 - नेवाः बाइबल

²³ तीतस जक जि लिसे जानाः छिमित ग्‍वाहालि बीगु ज्‍या यानाच्‍वंम्‍ह खः। व नाप वःपिं मेपिं दाजुकिजापिं मण्‍डलीयापिं मनूत खः, इपिं नं ख्रीष्‍टयागु नां तःधंकेत ज्‍या याइपिं खः।

२ कोरिन्‍थी 8:23 ပူးပေါင်းရင်းမြစ်များ

लूका 5:10

व नाप ज्‍या याइपिं जब्‍दिया काय्‌पिं याकूब व यूहन्‍ना नं अजू चाल। अले वय्‌कलं सिमोनयात धयादिल – “ग्‍याये मते, छं न्‍या लाः जुइ म्‍वाल, आवंनिसें छ मनू लाइम्‍ह जुइ।”

लूका 5:7

अय्‌जूगुलिं इमिसं पासापिन्‍त ग्‍वाहालि याः वा धकाः ल्‍हाःभाय् यानाः सःतल। इपिं वयाः जाः साला काःबलय् निगः नांचा जाय्‌क न्‍या दत। न्‍या यक्‍व दुगुलिं नांचा निगलं लखय् तुना वनी थें च्‍वन।

यूहन्‍ना 13:16

जिं छिमित खःगु खँ धाये – दास मालिक स्‍वयाः तःधं जुइ मखु। अथे हे खबर छ्वया हइम्‍ह स्‍वयाः ज्‍वना वइम्‍ह तःधं जुइ मखु।

१ कोरिन्‍थी 11:7

मिजंतय्‌सं थःगु छ्यं त्‍वपुइ म्‍वाः छाय्‌धाःसा मिजंत परमेश्‍वरयागु रूप व शोभा खः, तर मिसा मिजंया शोभा खः।

२ कोरिन्‍थी 12:18

जिं तीतस व मेम्‍ह किजायात नं छिमिथाय् छ्वयाहयागु दु। तीतसं छिमिथाय् वःबलय् छिमिके छुं कयाहःगु दु ला? जिमिसं थथे यानागुलिं जिमिगु मन छगू हे खः अले ज्‍या नं छगू हे खः धकाः छिमिसं थुइका काये म्‍वाः ला?

२ कोरिन्‍थी 7:6

अय्‌नं नुगः ख्‍वःपिन्‍त सान्‍त्‍वना बियादीम्‍ह परमेश्‍वरं तीतसयात छ्वयाहयाः जिमित लय्‌ताय्‌कादिल।

२ कोरिन्‍थी 8:16

परमेश्‍वरं यानाः तीतसं नं जिं थें छिमित ग्‍वाहालि बी मास्‍ति वय्‌काच्‍वंगुलिं जिमिसं परमेश्‍वरयात सुभाय् बियाच्‍वनागु दु।

२ कोरिन्‍थी 8:18

भिंगु खँ न्‍यंकाः जुइम्‍ह फुक्‍क मण्‍डलीयापिन्‍सं भिं धयातःम्‍ह छम्‍ह विश्‍वासी किजायात नं व नाप छिमिथाय् छ्वयाहयागु दु।

२ कोरिन्‍थी 8:19

थुलि जक मखु, विश्‍वासीतय्‌त ग्‍वाहालि बीत जिपिं नाप वयाः भेटी कायेत मण्‍डलीयापिन्‍सं थ्‍व हे किजायात ल्‍ययादीगु खः। थुकिं प्रभुयात तःधंकेत जिमिसं गुलि ग्‍वाहालि बी मास्‍ति वय्‌काच्‍वनागु दु धकाः सी दइ।

२ कोरिन्‍थी 8:22

अय्‌जूगुलिं जिमिसं इपिं नाप मेम्‍ह किजायात नं छ्वयाहयागु दु। तःकः जाँचय् यानाः स्‍वयाः जिमिसं वयात ज्‍या याये तसकं इच्‍छा दुम्‍ह धकाः सीका। अज्‍ज ला छिमिके अप्‍वः भरोसा दुगुलिं थौंकन्‍हय् व ग्‍वाहालि यायेत अप्‍वः न्‍ह्यचिलाच्‍वंगु दु।

२ कोरिन्‍थी 8:6

तीतसं न्‍हापा हे छिमिथाय् शुरु याये धुंकूगु भिंगु ज्‍या पूवंकेत जिमिसं वयात हे छ्वयाहयागु खः।

फिलिप्‍पी 2:25

जितः ग्‍वाहालि याके छ्वयाहःम्‍ह किजा इपाफ्रोडिटसयात छिमिथाय् हे लिछ्वया हयेमाः थें जिं ताय्‌का। जिपिं निम्‍हय्‌सिनं नं नापं ज्‍या याना, अले भिंगु खँ न्‍यंकेगु ज्‍याय् नं जिपिंनापं हे जुया।

फिलिप्‍पी 4:3

अले विश्‍वास याये बहःम्‍ह पासा, थुपिं मिसातय्‌त ग्‍वाहालि या। छाय्‌धाःसा इमिसं जि नाप भिंगु खँ न्‍यंकेगु ज्‍या याःगु दु। थुलि जक मखु, इमिसं क्‍लेमेस व जि नाप ज्‍या याःपिं जीवनयागु सफुलिइ नां दुथ्‍याःपिं मेमेपिं मनूतलिसे नं भिंगु खँ न्‍यंकूगु दु।

कलस्‍सी 1:7

थ्‍व हे वचन छिमिसं जिपिं थें ज्‍याःम्‍ह प्रभुया दास इपाफ्रासयापाखें सय्‌का काःगु दु। व विश्‍वास याये बहःम्‍ह ख्रीष्‍टया छम्‍ह दास खः।

१ थेसलोनिकी 2:2

आम्‍कन वये न्‍ह्यः फिलिप्‍पी च्‍वंपिन्‍सं जिमित दुःख बियाः नं जिमिगु इज्‍जत तकं काल धकाः ला छिमिसं सि हे स्‍यू। अय्‌नं परमेश्‍वरं जिमित साहस बियादीगुलिं जिमिसं न्‍ह्याक्‍व हे विरोधीत दःसां छिमित भिंगु खँ न्‍यंकेगु मत्‍वःता।

२ तिमोथी 4:10

डेमास थ्‍व संसारयात माया यानाः जितः त्‍वःताः थेसलोनिकाय् वने धुंकल। क्रेसेन्‍स गलातियाय् वन, तीतस दलमातियाय् वन।

तीतस 1:4

तीतस, झीगु विश्‍वासं यानाः छन्‍त जिं थः हे काय् थें यानातयागु दु। झी परमेश्‍वर बाः व झीत मुक्ति बियादीम्‍ह ख्रीष्‍ट येशूं छन्‍त दया माया व शान्‍ति बियादीमा।

फिलेमोन 1:17

छं जितः पासा धकाः गथे दुकायेगु खः, वयात नं अथे हे दुका।

फिलेमोन 1:24

जिनापं ख्रीष्‍ट येशूयागु ज्‍या यानाच्‍वंपिं मर्कूस, अरिस्‍तार्खस, डेमास व लूकां नं छिमित ज्‍वजलपा धयाहःगु दु।

३ यूहन्‍ना 1:8

अय्‌जूगुलिं झी विश्‍वासीतय्‌सं अथे ख्रीष्‍टयागु ज्‍या याना जूपिन्‍त माक्‍व ग्‍वाहालि बीमाः। थुकथं झीपिं नं सत्‍ययागु लागि ज्‍या याःपिं जुइ।