२ कोरिन्‍थी 8:16 - नेवाः बाइबल

¹⁶ परमेश्‍वरं यानाः तीतसं नं जिं थें छिमित ग्‍वाहालि बी मास्‍ति वय्‌काच्‍वंगुलिं जिमिसं परमेश्‍वरयात सुभाय् बियाच्‍वनागु दु।

२ कोरिन्‍थी 8:16 ပူးပေါင်းရင်းမြစ်များ

२ इतिहास 31:8

हिजकिया व वया भारदारत अन वःबलय् इमिसं मुंकातःगु द्वँ खन। अले इमिसं परमप्रभुयात व वय्‌कःया प्रजा इस्राएलया मनूतय्‌त धन्‍य धाल।

एज्रा 7:27

परमप्रभु झी पुर्खातय् परमेश्‍वर धन्‍य खः। वय्‌कलं हे यरूशलेमय् दुगु परमप्रभुया देगःयात हनाबना तयेत जुजुयागु मनय् थ्‍व बिचाः तयादिल,

नहेम्‍याह 2:12

जि चान्‍हय् दना थःनाप छुं मनूत ज्‍वनाः जि शहरं पिहां वना। परमेश्‍वरं जितः यरूशलेमय् छु यायेत छ्वयाहयादीगु खः व खँ जिं सुयातं मधया। जिं गयाम्‍ह पशु त्‍वःताः जिके मेपिं पशु मदु।

यर्मिया 31:31

परमप्रभुं धयादी, “इस्राएलयापिं व यहूदायापिंलिसे जिं न्‍हूगु बाचा चीत्‍यनागु ई वयाच्‍वंगु दु।

यर्मिया 32:40

जिं इपिं लिसे न्‍ह्याबलेंया निंतिं बाचा चिने। इमिगु भिं जुइगु ज्‍या यायेगु जिं गुबलें त्‍वःते मखु। इपिं जिपाखें फस्‍वया मवनेमा धकाः जिं जिगु भय इमिगु मनय् तयाबी।

२ कोरिन्‍थी 7:12

थथे जिं पौ च्‍वयाहयागु दुःख बियाच्‍वंम्‍ह मनूया लागि मखु, अले दुःख फया च्‍वंम्‍हय्‌सिगु लागि नं मखु, बरु परमेश्‍वरया न्‍ह्यःने छिमिसं जितः गुलि तक माया याः धकाः ध्‍वाथुइकेत च्‍वयाहयागु खः।

२ कोरिन्‍थी 7:7

तीतस वयाः जक जिपिं लय्‌तायागु मखु, छिमिसं वयात सान्‍त्‍वना बीगु खँ न्‍यनाः नं जिपिं लय्‌तायागु खः। जितः स्‍वयेत छिपिं तसकं हे आय्‌बुया च्‍वंगु, व थथे जूगु खँय् छिमिसं दुःख मन ताय्‌कूगु, अले जिगु पंलिनाः नवाना जूगु खँ न्‍यने दयाः जि झन तसकं लय्‌तायागु दु।

२ कोरिन्‍थी 8:23

तीतस जक जि लिसे जानाः छिमित ग्‍वाहालि बीगु ज्‍या यानाच्‍वंम्‍ह खः। व नाप वःपिं मेपिं दाजुकिजापिं मण्‍डलीयापिं मनूत खः, इपिं नं ख्रीष्‍टयागु नां तःधंकेत ज्‍या याइपिं खः।

२ कोरिन्‍थी 8:6

तीतसं न्‍हापा हे छिमिथाय् शुरु याये धुंकूगु भिंगु ज्‍या पूवंकेत जिमिसं वयात हे छ्वयाहयागु खः।

फिलिप्‍पी 2:20

तिमोथीं थें छिमिगु च्‍यूताः कयाजुइपिं मेपिं सुं हे मदु।

कलस्‍सी 3:17

छिमिसं न्‍ह्यागु याःसां, न्‍ह्यागु धाःसां प्रभु येशूयागु नामं या, अले वय्‌कःया नामं परमेश्‍वर बाःयात सुभाय् ब्‍यु।

प्रकाश 17:17

परमेश्‍वरयागु इच्‍छा पूवंकेत इपिं छप्‍पँ जुयाः वय्‌कःया वचन पूमवंतले इमिसं थःगु अधिकार व पशुयात बी, छाय्‌धाःसा थ्‍व इच्‍छा परमेश्‍वरं हे इमिगु नुगलय् तयादीगु खः।