२ कोरिन्‍थी 7:9 - नेवाः बाइबल

⁹ जिगु पौपाखें छिमित नुगलय् स्‍याके फत धकाः जि लय्‌तायागु मखु, बरु छिपिं थज्‍याःगु ज्‍याखं लिचिलाः परमेश्‍वरयाथाय् वःगुलिं लय्‌तायागु खः। छिमित नुगलय् स्‍याकेगु ज्‍या यानादीम्‍ह ला परमेश्‍वर हे जुयादीगुलिं जिमिसं यानाः छिमित भिं हे जुल।

२ कोरिन्‍थी 7:9 ပူးပေါင်းရင်းမြစ်များ

भजनसंग्रहया सफू 38:18

जिं जिगु पाप नालाकाये, जिं यानागु ज्‍याखँय् जितः दुःख ताः।

उपदेशक 7:3

न्‍हिलीगु स्‍वयाः नुगः ख्‍वःगु हे बांलाः। छाय्‌धाःसा शोकया ख्‍वाः नुगःया निंतिं पाय्‌छि जू।

जकरिया 12:10

“दाऊदया घराना व यरूशलेमयापिं मनूतय्‌त दया व प्रार्थनाया आत्‍मां जाय्‌काबी। इमिसं थःपिन्‍सं सुयाब्‍यूम्‍ह मनू, जितः स्‍वइ। अले मनूत याक काय्‌या निंतिं शोक याःगु थें वयागु निंतिं इपिं दुखं च्‍वनी। दकलय् न्‍हापा बूम्‍ह काय्‌या निंतिं थें दुखं च्‍वनी।

मत्ती 3:8

पश्‍चाताप याःथें छिमिसं थःगु चालचलन नं अथे हे या।

लूका 15:10

जिं छिकपिन्‍त धाये – अथे हे परमेश्‍वरयापिं स्‍वर्गदूतत नं पश्‍चाताप याःम्‍ह छम्‍ह पापी खनाः लय्‌लय्‌ताइ।”

लूका 15:32

थौं ला भ्‍वय् न्‍याय्‌काः लय्‌ताय् माःगु दिं खः, छाय्‌धाःसा छं किजा सी धुंकूम्‍ह हानं म्‍वानावल, तने धुंकूम्‍ह हानं लुल।’”

लूका 15:7

जिं छिकपिन्‍त धाये – थुकथं हे पश्‍चाताप याःम्‍ह छम्‍ह पापी मनू खनाः परमेश्‍वर लय्‌तायादी। तर छिकपिं थें ज्‍याःपिं गुइगुम्‍ह ‘जिपिं धर्मीपिं खः’ धकाः धाइपिं मनूत खनाः परमेश्‍वर लय्‌तायादी मखु।”

प्रेरित 20:21

जिं यहूदीतय्‌त व यहूदीमखुपिन्‍त पश्‍चाताप यानाः परमेश्‍वरयाथाय् लिहां वयेत व झी प्रभु येशू ख्रीष्‍टयात विश्‍वास यायेत न्‍यंका जुया।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 2:16

नाश जुइपिनिगु निंतिं थ्‍व नवःगु नरक थें खः, मुक्ति काइपिनिगु निंतिं थ्‍व नस्‍वाःगु जीवन थें खः। थथे याये फुम्‍ह सु दु?

२ कोरिन्‍थी 7:8

जिगु पौ ब्‍वनाः छिमिसं नुगलय् ला स्‍याकल हे जुइ, थ्‍व खँय् जि न्‍हापा पस्‍ताय् चायागु जूसां आः जि पस्‍ताय् चाये मखुत। छाय्‌धाःसा जिं स्‍यू, जिगु पौपाखें छिमित पलख जूसां नुगलय् स्‍याकूगु दु।