२ कोरिन्‍थी 7:5 - नेवाः बाइबल

⁵ माकेडोनियाय् वयाः नं जिमित सुख दुगु मखु। अन न्‍ह्याथासं नं दुःखकष्‍ट जक जूवल। पिने ल्‍वापु, दुने भय हे भय दु।

२ कोरिन्‍थी 7:5 ပူးပေါင်းရင်းမြစ်များ

उत्‍पत्ति 8:9

बँय् लःया लः जक जुयाच्‍वंगुलिं जुइगु थाय् तकं मदयाः सुकुभत्तु जहाजय् तुं लिहां वल। नोआं थःगु ल्‍हाः पित हयाः सुकुभत्तुयात ज्‍वनाः जहाजय् दूत काल।

अय्‍यूब 18:11

वयागु छचाःखेरं आतंक दइ, अले पलाः पलाखय् वयात लिनायंकी।

यशैया 33:12

मनूत ह्यंग्‍वाः च्‍याःथे च्‍याइतिनि। पाला तःगु झाःत च्‍याःथें च्‍याइतिनि।

यर्मिया 20:10

यक्‍वसिनं खुसखुस खँ ल्‍हाःगु जिं न्‍यनागु दु, “प्‍यखें भय हे भय दु, उकिया बारे खबर बीनु, खः, उकिया बारे खबर बीनु!” जिमि फुक्‍क पासापिन्‍सं थथे धयाः जिगु पतन पियाच्‍वंगु दु, “सके वं धोखा नइ ला? अले झीसं वयात त्‍याकाः वयाके बदला काये फइ।”

यर्मिया 45:3

छं धाल, ‘धिक्‍कार जितः! छाय्‌धाःसा परमप्रभुं जिगु दुःखय् दुःख तनादिल! झसुकाः ततं जि त्‍यानुइ धुंकल, जितः गनं नं आराम मदु।’

यर्मिया 6:25

बुँइ वने मते, लँय् नं वने मते! छाय्‌धाःसा शत्रु तरवार ज्‍वनाः च्‍वनाच्‍वंगु दु। प्‍यखें आतंक हे आतंक दु।

यर्मिया 8:18

हे जितः दुःखबलय् सान्‍त्‍वना ब्‍यूपिं, जिगु नुगः दुने कमजोर जुयावंगु दु।

प्रेरित 20:1

हाहू दी धुंकाः पावलं विश्‍वासीतय्‌त सःताः साहस बीकथं स्‍यनेकने यानाः बिदा जुयाः माकेडोनियाय् वन।

रोमी 15:26

यरूशलेमय् च्‍वंपिं चीमिपिं विश्‍वासीतय्‌त ग्‍वाहालि बीत माकेडोनियाय् व अखैयाय् च्‍वंपिं मण्‍डलीयापिन्‍सं लय्‌तातां भेटी बिल।

१ कोरिन्‍थी 15:31

यःपिं दाजुकिजापिं, छिमिगु विश्‍वासं यानाः जिं प्रभु येशू ख्रीष्‍टया न्‍ह्यःने छ्यं धस्‍वाकाः धयाच्‍वना – “जि न्‍हिन्‍हिं सिना च्‍वना।”

१ कोरिन्‍थी 16:5

माकेडोनिया वने माःगुलिं जि माकेडोनिया जुयाः जक छिमिथाय् वये।

२ कोरिन्‍थी 2:13

अय्‌नं किजा तीतसयात लुइके मफुगुलिं जितः तसकं सुख मन्‍त। अय्‌जूगुलिं जि अनं बिदा कयाः माकेडोनिया वना।

२ कोरिन्‍थी 2:3

अय्‌जूगुलिं हे खः जिं व पौ च्‍वयाः छ्वयाहयागु। जितः लय्‌ताय्‌कीपिंलिसे हे नुगलय् स्‍याके म्‍वाःलेमा धकाः जिं मवयेगु क्‍वःछिनागु खः, छाय्‌धाःसा जि लय्‌ताःसा हे जक छिपिं लय्‌ताइ धकाः जिं स्‍यू।

२ कोरिन्‍थी 2:9

जिं धयागु खँ छिमिसं मानय् याः ला कि मयाः धकाः स्‍वयेत जिं थथे च्‍वयागु खः।

गलाती 4:11

उकिं छिपिं स्‍यनावनी धकाः जितः तसकं पीर जुयाच्‍वन। छिमिथाय् वयाः उलिमछि दुःखकष्‍ट सियाः जिं ज्‍या याना थकागु सितिं वनीगु जुल ला?

व्‍यवस्‍था 32:25

तरवारं इमित लँय् लँय् मस्‍त मदुपिं यानाबी, छेँय् छेँय् इपिं ग्‍यानाः च्‍वनेमाली, ल्‍याय्‌म्‍ह-ल्‍यासे, अले दुरु त्‍वनीम्‍ह मचांनिसें बुरा बुरीपिं तकं न्‍हनावनी।

१ थेसलोनिकी 3:5

अय्‌जूगुलिं हे जिं थःत पी मफयाः शैतानं छिमित पापय् लाकाः जिमिगु ज्‍या सितिं वन ला धकाः ग्‍यानाः तिमोथीयात छिमिथाय् स्‍वके छ्वयाहयागु खः।