२ कोरिन्‍थी 7:2 - नेवाः बाइबल

² जिमित छिमिगु नुगलय् तयाति। जिमिसं सुयातं अन्‍याय यानागु मदु, सुयातं स्‍यंकागु मदु, अले सुयाकें थगय् यानाकयागु मदु।

२ कोरिन्‍थी 7:2 ပူးပေါင်းရင်းမြစ်များ

गन्‍ती 16:15

अले मोशां तसक्‍कं तंचायाः परमप्रभुयात धाल, “इमिगु देछा नाला कयादी मते! जिं इमिके छम्‍ह गधा तक नं कयागु मदु, न जिं इमिगु छुं स्‍यंकागु दु।”

मत्ती 10:14

गुगुं नं छेँय् अथवा शहरय् छिमित दुमकाःसा व छिमिगु खँ तकं मन्‍यंसा छिपिं अनं वनाछ्व। अनं वनेत छिमिसं थःगु पालिइ थाःगु धू तकं थाथा यानाः हुँ।

मत्ती 10:40

“छिमित दुकाःम्‍हय्‌सिनं जितः दुकाःगु जुइ। जितः दुकाःम्‍हय्‌सिनं जितः छ्वया हयादीम्‍हय्‌सित दुकाःगु जुइ।

लूका 10:8

“अथे हे शहरय् वनेबलय् नं छिमित सुनानं सःताः नकूसा इमिसं ब्‍यूगु न।

प्रेरित 20:33

“स्‍वयादिसँ, जिं सुयाकें धिबा व वसः फ्‍वनागु मदु।

रोमी 16:18

थज्‍याःपिं मनूतय्‌सं झी प्रभु येशू ख्रीष्‍टयागु सेवा याइ मखु, बरु थथःगु प्‍वाःया निंतिं सेवा याना जुइ। म्‍हुतुं घ्‍यः थें नाइसे च्‍वंक खँ ल्‍हानाः स्‍वजासिजापिन्‍त ध्‍वं लाइ।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 11:16

जिं हानं धाये – सुनानं जितः मूर्ख भाःपी मते। छिमिसं जितः मूर्ख हे खः धकाः मतिइ तःसां छिमिसं जिगु खँ मानय् या, अले भतिचा जक जूसां जिं फुइँ यायेथाय् दइ।

२ कोरिन्‍थी 11:9

जि छिपिंलिसे च्‍वना च्‍वनाबलय् धिबा मालं नं जिं छिमिके मफ्‍वना। अबलय् माकेडोनियां वःपिं दाजुकिजापिन्‍सं जितः माक्‍व हयाबिल। न्‍हापा नं जिं छिमिके छुं कयागु मदु, अथे हे लिपा नं जिं छिमिके छुं काये मखु।

२ कोरिन्‍थी 4:2

जिमिसं मछालापुसे च्‍वंगु ज्‍या मयाना। जिमिसं सुयातं झंगः लानाः मनया। परमेश्‍वरयागु वचनयात जिमिसं बांमलाका मजुया। जिपिं सत्‍यया जलय् परमेश्‍वरया न्‍ह्यःने म्‍वानाच्‍वना। अले सकसिनं खंक मनूतय्‌गु मिखा न्‍ह्यःने थःपिन्‍त न्‍ह्यब्‍वयाच्‍वना।

फिलिप्‍पी 2:29

अय्‌जूगुलिं वयात थः हे किजा भाःपियाः दुनुगलंनिसें लसकुस या। थज्‍याःपिन्‍त ला हने हे माः।

कलस्‍सी 4:10

जिनापं झ्‍यालाखानाय् कुनातःम्‍ह अरिस्‍तार्खसं नं छिमित ज्‍वजलपा धयाहःगु दु। अथे हे बारनाबासया किजा मर्कूसं नं छिमित ज्‍वजलपा धयाहःगु दु। वयागु खँ ला छिमित न्‍हापा हे धायेधुन। व वल धाःसा छिमिसं वयात दुनुगलंनिसें लसकुस या।

१ थेसलोनिकी 2:10

छिपिं साक्षी हे दु, विश्‍वासीतय्‌गु न्‍ह्यःने जिमिसं पवित्रकथं, धार्मिकताकथं व छुं दोष मदय्‌क गुलि बांलाक व्‍यवहार यानाः छिमिसं सि हे स्‍यू, अले परमेश्‍वरं नं स्‍यू।

फिलेमोन 1:12

जिं वयात छन्‍थाय् हे लिछ्वयाहया च्‍वना। व जिगु नुगःचु थें खः।

फिलेमोन 1:17

छं जितः पासा धकाः गथे दुकायेगु खः, वयात नं अथे हे दुका।

२ यूहन्‍ना 1:10

अय्‌जूगुलिं येशू ख्रीष्‍टं स्‍यनादीगु खँ नाप पाय्‌छि मजुइक मेकथं हे स्‍यना जुइपिं मनूत छिमिगु छेँय् वःसा इमित दुकाये मते। थज्‍याःपिं मनूतय्‌त ज्‍वजलपा नं याये मते।