२ कोरिन्‍थी 7:15 - नेवाः बाइबल

¹⁵ छिमिसं वयात ग्‍याग्‍यां जूसां लसकुस यात, अले वं धाःगु खँ न्‍यनेत छिपिं फुक्‍क न्‍ह्यचिल। उकिं वं छिमित तसकं माया यानाच्‍वंगु दु।

२ कोरिन्‍थी 7:15 ပူးပေါင်းရင်းမြစ်များ

उत्‍पत्ति 43:30

थःकिजा खनाः नुगः मछिना वःगुलिं व अनं फहिलाः थःगु क्‍वथाय् वनाः ख्‍वल।

१ राजा 3:26

जुजुं उलि धायेवं म्‍वाःम्‍ह मचाया मांयात मचा खनाः तसकं माया वन। अले वं जुजुयात धाल, “महाराज! मचायात स्‍यानादी मते! म्‍वाःम्‍ह मचा वयात हे बियादिसँ।” मेम्‍ह मिसां धाःसा थथे धाल, “जिपिं निम्‍हय्‌सितं मचा बियादी मते। वयात निब्‍व यानादिसँ।”

एज्रा 10:9

स्‍वन्‍हुया दुने, गुंगूगु लाया निइन्‍हुखुन्‍हु यहूदा व बेन्‍यामीनया सकलें मनूत यरूशलेमय् मुन। सकलें मनूत थ्‍व तःधंगु घटनां यानाः दुखी जुयाः अले तसकं वा वयाः चिकुसे च्‍वंगुलिं थुरथुर खानाः परमप्रभुया देगःया न्‍ह्यःने चुकय् च्‍वनाच्‍वन।

एज्रा 9:4

अले ज्‍वनायंकाः लित छ्वयाहःपिन्‍सं याःगु अपराधया कारणं इस्राएलया परमेश्‍वरयागु वचनपाखें ग्‍याःपिं सकल मनूत जिथाय् मुंवल। सन्‍ध्‍याया बां बीगु इलय् तक जि अथे हे वातां जुयाः च्‍वनाच्‍वना।

अय्‍यूब 21:6

जिं थुकिया बारे बिचाः यायेबलय् जि ग्‍याः, अले जिगु म्‍ह छम्‍हं थुरथुर खाइगु।

भजनसंग्रहया सफू 119:120

छिगु भयं यानाः जिगु म्‍ह खाइ, अले छिगु विधि खनाः जि ग्‍याना।

भजनसंग्रहया सफू 2:11

परमप्रभुया भय कयाः वय्‌कःयात तःधंकि। अले थरथर खानाः न्‍ह्यइपुकि।

श्रेष्‍ठगीत 5:4

जिमि यःम्‍ह प्रियनं लुखाया चुकू चाय्‌केत वंबलय् जिगु मन तसकं भाराभारा मिन।

यशैया 66:2

छु थःगु हे ल्‍हातं जिं आकाश व पृथ्‍वी दय्‌कागु मखु ला? अले फुक्‍कं थथे जू वःगु मखु ला? परमप्रभुं घोषणा यानादी। “आत्‍माय् चीमि खनीपिं व नुगः ख्‍वःपिन्‍त अले जिगु वचनय् थरथर खाइपिन्‍त जिं दयां स्‍वये।

होशे 13:1

एफ्राइम कुलं नवाइबलय् मनूत ग्‍यानाः थरथर खाइगु। इस्राएलय् एफ्राइम कुलयात तःधंकल, तर बालद्यःयात पुजा याःगुलिं इपिं दोषी जुल, अले इपिं सित।

यूहन्‍ना 16:21

प्‍वाथय् दुम्‍ह मिसायात ब्‍यथा जुइबलय् तसकं दुःख जुइ, तर मचा बुइधुंकाः मचां यानाः वं थःत जूगु दुःख फुक्‍कं ल्‍वःमंका छ्वइ।

प्रेरित 16:29

थ्‍व न्‍यनाः व हाकिम मत ज्‍वनाः झ्‍यालखानाय् दुने ब्‍वाँय् वन। अले थरथर खाखां पावल व सिलासया तुतिइ भ्‍वसू वन।

१ कोरिन्‍थी 2:3

जि आम्‍कन वयाबलय् कमजोर जुयाः ग्‍याःगुलिं थरथर खात।

२ कोरिन्‍थी 2:9

जिं धयागु खँ छिमिसं मानय् याः ला कि मयाः धकाः स्‍वयेत जिं थथे च्‍वयागु खः।

२ कोरिन्‍थी 6:12

छिमित मधासे छुं नं खँ जिमिसं सुचुका तयागु मदु। बरु छिमिसं थःपिनिगु नुगः कय्‌कुंका तःगु दु।

एफिसी 6:5

दासतय्‌सं थः मालिकयागु आज्ञायात मनय् ग्‍याःभय तयाः ख्रीष्‍टयागु आज्ञा थें ताय्‌काः मानय् यायेगु या।

फिलिप्‍पी 1:8

ख्रीष्‍ट येशूं थें जिं छिमित दुनुगलंनिसें माया यानाच्‍वनागु दु। थ्‍व खँ परमेश्‍वरं स्‍यू।

फिलिप्‍पी 2:12

यःपिं दाजुकिजापिं, जि छिपिंनाप दुबलय् छिमिसं जिगु फुक्‍क खँ न्‍यना का। अथे हे जि मदइबलय् नं झन छिमिसं जिगु खँ न्‍यनेमाः। अले भय कयाः मुक्तिया ज्‍या क्‍वचाय्‌केत मेहनत या।

कलस्‍सी 3:12

छिपिं परमेश्‍वरं ल्‍ययातःपिं पवित्रपिं व वय्‌कःया यःपिं मनूत खः। उकिं छिमिसं दया माया यायेगु, क्‍वमिलु जुइगु, स्‍वजा जुइगु, सह यानाच्‍वनेगु यायेमाः।

२ थेसलोनिकी 3:14

आम्‍कन च्‍वंपिं सुनानं जिमिसं च्‍वयाहयागु खँ मन्‍यन धाःसा अज्‍याःपिन्‍त म्‍हसीकाः इपिं नाप तापाक हे च्‍वनेगु या। अले इपिं थथःम्‍हं मछाली।

१ यूहन्‍ना 3:17

तःमिम्‍ह मनुखं थः दाजुकिजापिनि नये मखं धकाः सियाः नं इमित माःगु ग्‍वाहालि मब्‍यूसा, अज्‍याःम्‍ह मनुखं परमेश्‍वरयात माया याना धकाः गथे धाये फइ?