२ कोरिन्‍थी 7:14 - नेवाः बाइबल

¹⁴ छिमिगु खँ जिं वयात फुइँ यानाः धया। जिं वयात फुइँ यानाः धया थें छिमिसं यानाक्‍यन। जिमिसं छिमित न्‍ह्याबलें सत्‍य खँ धयाच्‍वनागु दु। अथे हे तीतसयात जिमिसं धयागु खँ नं सत्‍य जुल।

२ कोरिन्‍थी 7:14 ပူးပေါင်းရင်းမြစ်များ

यूहन्‍ना 17:19

सत्‍यं इमित नं पवित्र यायेमा धकाः जि थः हे तुं इमिगु निंतिं पवित्र जुया।”

२ कोरिन्‍थी 10:8

परमेश्‍वरं जितः बियादीगु अधिकारया खँय् छुं भचा घमण्‍ड यानागु जूसां जि लज्‍या चाये मखु, छाय्‌धाःसा थथे यानागु छिमित हे भिंकेत खः, स्‍यंकेत मखु।

२ कोरिन्‍थी 12:6

जिं फुइँ हे याये मास्‍ति वय्‌कूसां जि मूर्ख जुइ मखु, छाय्‌धाःसा जिं सत्‍य खँ जक धयाच्‍वनागु दु। अय्‌नं जिं फुइँ याना जुइ मखु, छाय्‌धाःसा जिं धाःगु खँ ताःपिन्‍सं व जिं याना जूगु ज्‍या खंपिन्‍सं जि गुलि ग्‍यं धकाः सि हे स्‍यू, थुलिं अप्‍वः सुनानं तःधंकूगु नं जितः मयः।

२ कोरिन्‍थी 2:13

अय्‌नं किजा तीतसयात लुइके मफुगुलिं जितः तसकं सुख मन्‍त। अय्‌जूगुलिं जि अनं बिदा कयाः माकेडोनिया वना।

२ कोरिन्‍थी 7:13

थुकिं हे यानाः जिमित सान्‍त्‍वना दुगु खः। छिमिसं तीतसयात माक्‍व ग्‍वाहालि बियाः लय्‌ताय्‌काः छ्वयाहःगुलिं जिपिं नं लय्‌ताया।

२ कोरिन्‍थी 7:4

छिमित जिं यक्‍व हे पत्‍याः यानाच्‍वनागु दु। छिमिगुपाखें जिं फुइँ यायेथाय् दु। छिमिगुपाखें सान्‍त्‍वना दयाः न्‍ह्यागु दुःखकष्‍ट जूसां जितः लय्‌ता वः।

२ कोरिन्‍थी 7:6

अय्‌नं नुगः ख्‍वःपिन्‍त सान्‍त्‍वना बियादीम्‍ह परमेश्‍वरं तीतसयात छ्वयाहयाः जिमित लय्‌ताय्‌कादिल।

२ कोरिन्‍थी 8:24

अय्‌जूगुलिं इमित नं माया यानाः छिमिसं थःगु मायायागु दसु क्‍यँ। अले जिमिसं छिमिगु खँ ल्‍हाना च्‍वनागु फुक्‍क सत्‍य खः धकाः फुक्‍क थासय् च्‍वंगु मण्‍डलीयापिन्‍सं सीकी।

फिलिप्‍पी 1:26

जि छिमिथाय् हाकनं वयेबलय् जि वःगुलिं छिमिसं ख्रीष्‍ट येशूयात अज्‍ज अप्‍वः तःधंकी।

२ थेसलोनिकी 1:4

छिमिसं उलिमछि दुःखकष्‍ट सिया च्‍वनेमालं नं क्‍वात्तुक विश्‍वास यानाः सह यानाच्‍वंगु खँ जिमिसं थाय् थासय् परमेश्‍वरयागु मण्‍डलीइ च्‍वंपिन्‍त छ्यं धस्‍वाकाः कनेफु।