२ कोरिन्‍थी 6:9 - नेवाः बाइबल

⁹ जिपिं म्‍हमस्‍यूपिं जूसां जिमित सकसिनं म्‍हस्‍यू। सी थें च्‍वंसां जिपिं आः तक म्‍वानाच्‍वना। जिमित बाम्‍हसिक्‍क दायाहल।

२ कोरिन्‍थी 6:9 ပူးပေါင်းရင်းမြစ်များ

प्रेरित 17:18

छन्‍हु पावलं इपिक्‍युरी व स्‍तोइकी दार्शनिकतय्‌त नापलात। पावलं इमित येशूयागु खँ व येशू सिनाः म्‍वानावःगु खँ न्‍यंकल। गुलिं गुलिंसिनं वयात थथे नं धाल – “थ्‍व मनू छु धकाः हालाच्‍वंगु?” गुलिसिनं धाल – “थ्‍वं ला अजू चायापुपिं द्यःतय्‌गु खँ न्‍यंकाजूगु थें च्‍वं।”

प्रेरित 19:26

एफिससय् जक मखु, सारा एशियाय् हे थ्‍व पावलं मनूतय्‌त ल्‍हातं दय्‌कूम्‍ह द्यः ला द्यः हे मखु धकाः स्‍यनाः विश्‍वास याकाः ल्‍हातय्‌ कया जूगु ला छिकपिन्‍सं सि हे स्‍यू, अले न्‍यंगु नं द हे दु।

प्रेरित 25:19

इमिसं ला इमिगु धर्मयागु खँ व सी धुंकूम्‍ह येशूयागु खँ कयाः जकं पाः याना हल। पावल धाःसा सी धुंकूम्‍ह येशू अज्‍जं म्‍वानाच्‍वंगु दनि धकाः धाइम्‍ह जुयाच्‍वन।

प्रेरित 25:26

“वयागु द्वंबिद्वं कैसरयात च्‍वया छ्वयेत जिके छुं हे खँ मन्‍त। अय्‌जूगुलिं जिं वयात छिकपिनिगु, अज्‍ज ला हे जुजु अग्रिपास, छिगु न्‍ह्यःने थने हयागु दु। छिकपिन्‍सं माःकथं जाँचय् यानाः जितः च्‍वयेत सल्‍लाह बियादिसँ,

रोमी 15:19

जिं अजू चायापुगु चिं व ज्‍या नं याना, पवित्र आत्‍मायागु शक्तिं यरूशलेमंनिसें इल्‍लुरिकन तक फुक्‍कभनं ख्रीष्‍टयागु भिंगु खँ न्‍यंकागु दु।

रोमी 8:36

थ्‍व हे खँ भजन सफुलिइ नं थथे च्‍वयातःगु दु – “अय्‌नं जिपिं छिगु लागि न्‍हियान्‍हिथं सी मालाच्‍वंगु दु। स्‍यायेत हःपिं फैचातय्‌त थें जिमित व्‍यवहार याइगु।”

१ कोरिन्‍थी 11:32

सजाँय फयेबलय् संसारयापिं मनूतनापं नाश मजुइमा धकाः प्रभुं झीत कजय् यानाः ख्‍याच्‍वः बियादीगु खः।

१ कोरिन्‍थी 15:31

यःपिं दाजुकिजापिं, छिमिगु विश्‍वासं यानाः जिं प्रभु येशू ख्रीष्‍टया न्‍ह्यःने छ्यं धस्‍वाकाः धयाच्‍वना – “जि न्‍हिन्‍हिं सिना च्‍वना।”

१ कोरिन्‍थी 4:9

मनूतय्‌त स्‍याये यंकीबलय् तमासा क्‍यने थें जिमित नं परमेश्‍वरं प्रेरितत दय्‌कादिल। उकिं हे ला खः नि मनूतय्‌गु न्‍ह्यःने व स्‍वर्गदूततय्‌गु न्‍ह्यःने नं थ्‍व संसारय् जिपिं तमासा जुयाच्‍वंगु।

२ कोरिन्‍थी 11:6

नवायेत जि बांलाक मसये फु, अय्‌नं जिके बुद्धि मगाः मजू। थ्‍व खँय् जिमिसं छिमित तःकः मछि धयाः थुइकाबी नं धुन।

२ कोरिन्‍थी 4:2

जिमिसं मछालापुसे च्‍वंगु ज्‍या मयाना। जिमिसं सुयातं झंगः लानाः मनया। परमेश्‍वरयागु वचनयात जिमिसं बांमलाका मजुया। जिपिं सत्‍यया जलय् परमेश्‍वरया न्‍ह्यःने म्‍वानाच्‍वना। अले सकसिनं खंक मनूतय्‌गु मिखा न्‍ह्यःने थःपिन्‍त न्‍ह्यब्‍वयाच्‍वना।

२ कोरिन्‍थी 5:11

अय्‌जूगुलिं प्रभुया भय कायेगु छु खः व जिमिसं बांलाक थूगुलिं मेपिं मनूतय्‌त नं प्रभुयात मानय् याकेत कुतः यानाच्‍वनागु खः। परमेश्‍वरं जिमित बांलाक म्‍हस्‍यू, छिमिसं नं जितः बांलाक म्‍हसी धयागु आशा यानागु दु।