२ कोरिन्‍थी 6:8 - नेवाः बाइबल

⁸ जिमित तःधंकूसां, क्‍वह्यंकूसां, भिंकूसां, मभिंकूसां जिमिसं परमेश्‍वरयागु सेवा याना। सत्‍य खँ ल्‍हाना जूसां जिपिं फताहा थें जुइ माल।

२ कोरिन्‍थी 6:8 ပူးပေါင်းရင်းမြစ်များ

मत्ती 10:25

चेला थः गुरु थें जुइ दुगुलिं, अले च्‍यः थः मालिक थें जुइ दुगुलिं लुधनेमाः। छेँ थुवाःयात हे भूतया जुजु बालजिबुल धाल धाःसा वया जहानतय्‌त झन छु जक धाइगु जुइ?”

मत्ती 22:16

इमिसं थः चेलातय्‌त हेरोदया मनूत नाप वय्‌कःयाथाय् छ्वल। इमिसं वनाः वय्‌कःयात थथे धाल – “गुरु, छि धात्‍थें भिंम्‍ह मनू खः। छिं मनूतय्‌त परमेश्‍वरयागु भिंगु लँपु जक क्‍यनादी। मनूतय्‌सं धाइ ल्‍हाइगु खँय् छिं च्‍यूताः तयामदी, छाय्‌धाःसा छिं ख्‍वाः स्‍वयाः खँ ल्‍हानामदी।

मत्ती 27:63

थथे धाल – “हजुर, व ध्‍वंलाइम्‍हं म्‍वानाच्‍वंबलय् – ‘सिनाः स्‍वन्‍हु दय्‌काः हानं म्‍वाना वये’ धकाः धाःगु जिमि अज्‍ज लुमंनि।

मर्कूस 12:14

इमिसं वयाः वय्‌कःयात थथे धाल – “गुरुजु, छि धात्‍थें भिंम्‍ह मनू खः। छिं मनूतय्‌त परमेश्‍वरयागु भिंगु लँपु जक क्‍यनादी। मनूतय्‌सं धाइ ल्‍हाइगु खँय् छिं च्‍यूताः तयामदी, छाय्‌धाःसा छिं ख्‍वाः स्‍वयाः खँ ल्‍हानामदी। छता खँ धयादिसँ, कैसरयात झीसं कर पुले ज्‍यू ला कि मज्‍यू? कर पुले ला कि मपुले?”

यूहन्‍ना 7:12

अले अन वय्‌कःयागु खँय् मनूतय् दथुइ भुनु भुनु खँ जुल। छखलःसिनं “वय्‌कः भिंम्‍ह मनू खः” धकाः धाःसा मेपिन्‍सं “मखु, व मनूतय्‌त स्‍यंका जुइम्‍ह खः” धकाः धाइगु।

प्रेरित 10:22

इमिसं धाल – “कर्नेलियस धाःम्‍ह परमेश्‍वरयात मानय् याइम्‍ह व भिंम्‍ह छम्‍ह कप्‍तान दु। वय्‌कःयात यहूदीतय्‌सं नं मानय् याः। पवित्रम्‍ह स्‍वर्गदूतं दर्शन बियाः छितः सःताः छिगु खँ न्‍यँ धकाः वय्‌कःयात धयादीगुलिं जिपिं वयागु खः।”

प्रेरित 16:39

इमिसं वयाः पावल व सिलासयाके माफी फ्‍वन। अले इमित झ्‍यालखानां पित हयाः शहर त्‍वःता झासँ धकाः धाल।

प्रेरित 22:12

“अन च्‍वंपिं यहूदीतय्‌सं मानय् यानातःम्‍ह अले मोशायागु व्‍यवस्‍थाय् धयातःथें यानाजुइम्‍ह हननिया धाःम्‍ह छम्‍ह मनुखं वयाः

प्रेरित 24:5

थ्‍व मनू तसकं ग्‍यानापुम्‍ह, संसारय् च्‍वंपिं फुक्‍क यहूदीतय्‌त ल्‍वाका जूम्‍ह खः। अले थ्‍व नासरी पुचःयाम्‍ह नायः नं खः।

प्रेरित 28:22

अय्‌नं छिं थःगु खँ जिमित नं कनादिसँ, छाय्‌धाःसा थ्‍व लँय् जुइपिन्‍त न्‍ह्याथाय् नं मभिंकाः खँ ल्‍हाइगु जिमिसं स्‍यू।”

प्रेरित 4:21

इमिसं याःगु अजू चायापुगु ज्‍या खनाः अन च्‍वंपिं फुक्‍क मनूत परमेश्‍वरयागु नां कयाः लय्‌लय् ताया च्‍वंगुलिं व सजाँय बीत त्‍वहः लुइके मफयाः ख्‍या जक ख्‍यानाः इमित त्‍वःता छ्वल।

प्रेरित 5:13

विश्‍वास मयाःपिं मनूत इपिं नाप च्‍वंवये मछाः, अय्‌नं इमिसं इमित हनाबना तयेगु याः।

प्रेरित 6:3

अय्‌जूगुलिं दाजुकिजापिन्‍सं, छिपिं मध्‍ये नांजाःपिं, आत्‍मां जाःपिं व बुद्धिं जाःपिं न्‍हय्‌म्‍ह मनूयात ल्‍ययादिसँ। अले इमित नयेत्‍वनेगु ज्‍याय् तयाबी।

रोमी 3:8

गुम्‍हं गुम्‍हय्‌सिनं जितः तसकं बांमलाकाः जिं थथे धाल धकाः धाइ – “मभिंगु यानाः भिं जुया वइगु खःसा मभिंगु जक छाय् मयायेगु?” थज्‍याःपिं मनूतय्‌सं तःधंगु सजाँय फयेमाली।

२ कोरिन्‍थी 1:18

गथे परमेश्‍वर विश्‍वास याये बहःम्‍ह खः, अथे हे जिमिसं नं म्‍हुतुं छता ज्‍यां छता याना मजुया।

२ कोरिन्‍थी 11:21

इमिसं याःथें यायेत जिके आँट मदु, थथे धायेत जितः लज्‍या चाः। सुनानं छुं खँय् घमण्‍ड याःसा जिं नं याये फु। तर थ्‍व मूर्ख ज्‍या जक खः।

२ कोरिन्‍थी 12:16

थुकथं जिं छिमित दुःख बियागु मदु धकाः ला छिमिसं सि हे स्‍यू। अय्‌नं छिपिं मध्‍ये सुनानं जिं छिमित झंगः लात धकाः धायेफु।

२ कोरिन्‍थी 4:2

जिमिसं मछालापुसे च्‍वंगु ज्‍या मयाना। जिमिसं सुयातं झंगः लानाः मनया। परमेश्‍वरयागु वचनयात जिमिसं बांमलाका मजुया। जिपिं सत्‍यया जलय् परमेश्‍वरया न्‍ह्यःने म्‍वानाच्‍वना। अले सकसिनं खंक मनूतय्‌गु मिखा न्‍ह्यःने थःपिन्‍त न्‍ह्यब्‍वयाच्‍वना।

१ थेसलोनिकी 2:3

जिमिसं छिमित न मखुगु खँ हे स्‍यनागु खः, न मभिंगु मतिइ तयाः हे स्‍यनागु खः, न सुयातं झंगःलाय्‌त हे स्‍यनागु खः।

१ तिमोथी 3:7

अले मण्‍डलीं पिने नं नांजाःम्‍ह जुइमाः, अथे जूसा जक वयात मनूतय्‌सं हेबाय्‌चबाय् याइ मखु, अले शैतानयागु जालय् नं लाइ मखु।

१ तिमोथी 4:10

अय्‌जूगुलिं हे झीसं म्‍वाःम्‍ह परमेश्‍वरयाके आशा यानाः थथे दुःखकष्‍ट सियाः ज्‍या यानाच्‍वनागु खः। फुक्‍क मनूतय्‌त मुक्ति बीम्‍ह, अप्‍वः यानाः वय्‌कःयात विश्‍वास याःपिन्‍त मुक्ति बीम्‍ह थ्‍व हे परमेश्‍वर खः।

हिब्रू 13:13

अय्‌जूगुलिं झीपिं नं वय्‌कःया निंतिं हेला फयाः ध्‍वाखां पिने वय्‌कःयाथाय् वनेनु।

१ पत्रुस 4:14

ख्रीष्‍टयात विश्‍वास यानाः छिमित हेला यात धाःसा ला छिपिं धन्‍यपिं खः, छाय्‌धाःसा थुकिं हे छिमिके परमेश्‍वरयागु तःधंगु आत्‍मा दी धकाः सी दइ।

३ यूहन्‍ना 1:12

फुक्‍क मनूतय्‌सं डेमेत्रियसयात भिं धकाः धाः। अले हानं वयागु चालचलनं नं व भिंम्‍ह मनू खः धकाः सीका धायेफु। व भिंम्‍ह मनू खः धकाः जिं नं धायेफु। जिं धयागु खँ सत्‍य खः धकाः छं स्‍यू।

प्रकाश 3:9

स्‍व, यहूदीत मखुसां यहूदीत खः धकाः मखुगु खँ ल्‍हानाजुइपिं शैतानयागु बाखं कनीगु छेँय् मुनिपिन्‍त जिं यायेगु स्‍यू। स्‍व, जिं इमित छिमिथाय् छ्वयाहयाः छिमिगु तुति भागि याकेहये। अले जक जिं माया याना तयापिं मनूत छिपिं हे खः धकाः इमिसं सीकी।