२ कोरिन्‍थी 6:3 - नेवाः बाइबल

³ जिमिसं सुयातं पंगः जुइकथं ज्‍याखँ मयाना। मखुसा जिमिगु ज्‍याखँयात क्‍वह्यंकाः खँ ल्‍हाइ।

२ कोरिन्‍थी 6:3 ပူးပေါင်းရင်းမြစ်များ

मत्ती 17:27

अय्‌जूसां झीसं थुमित तं पिकाय्‌के मज्‍यू, उकिं समुद्रय् वनाः बल्‍छी ति। दकलय् न्‍हापां क्‍यंम्‍ह न्‍यायात सालाः का। वयागु म्‍हुतुइ छंगु व जिगु देगःयागु कर पुलेत गाक्‍क धिबा दइ। अले उकिं हे कर पुलाब्‍यु।”

मत्ती 18:6

“सुनानं जितः विश्‍वास याइम्‍ह चिधंम्‍ह छम्‍ह मनूयात पापय् लाकेत स्‍वल धाःसा वयात गःपतय् ल्‍वहंघः घाकाः समुद्रय् क्‍वफायेगु हे बांलाइ।

प्रेरित 19:27

थथे हे जुया च्‍वंसा ला झीगु मूर्ति दय्‌केगु ज्‍या जक छखे लाइगु मखु, अपाय्‌धंम्‍ह आर्तेमिसयागु देगःनापं ज्‍यालगय् जुइ मखुत। अले हानं सारा एशियायापिं व सारा संसारयापिन्‍सं पुजा यानातःम्‍ह अपाय्‌धंम्‍ह द्यःमय्‌जुयात पुजा यायेगु नं त्‍वःता हइ।”

रोमी 14:13

अय्‌जूगुलिं झीसं दाजुकिजापिन्‍त कुंखिनेगु त्‍वःताछ्वये माल, अले इमित क्‍वथलेगु व पापय् लाकेगु ज्‍या गुब्‍सं याये मखु धकाः झीसं पक्‍का याये नु।

१ कोरिन्‍थी 9:12

मेपिन्‍सं ला छिमिके अथे कयाच्‍वंगु दु धासेंलि जिमिसं जक काये मथ्‍याः ला? जिमिसं ला छिमिके छुं कयागु मदुनि। ख्रीष्‍टयागु भिंगु खँ न्‍यंका जुइबलय् छुं पंगः मवय्‌मा धकाः जिमिसं थथे सह यानाच्‍वनागु खः।

१ कोरिन्‍थी 9:22

विश्‍वासय् बमलानिपिं मनूतय्‌त थुइकेत नं जि इपिं थें जुया। थुकथं इपिं गथे खः जि नं अथे हे जुया। थुकथं फुक्‍क मनूतय्‌त विश्‍वासय् हयेत जि न्‍ह्याम्‍हं जुया।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

२ कोरिन्‍थी 8:20

थुलिमछि धिबा जिमिसं कयाः यंकाच्‍वनागुलिइ सुनानं जिमित मभिंगु खँ ल्‍हाये मफयेमा धकाः जिमिसं होश यानाच्‍वनागु दु।