२ कोरिन्‍थी 6:2 - नेवाः बाइबल

² परमेश्‍वरं थथे धयादीगु दु – “पाय्‌छिगु इलय् जिं छिमिगु खँ न्‍यनागु दु। अले उद्धारया दिनय् जिं छिमित ग्‍वाहालि यानागु दु।” स्‍व, पाय्‌छिगु ई थ्‍व हे खः, उद्धारया दिं नं आः हे खः!

२ कोरिन्‍थी 6:2 ပူးပေါင်းရင်းမြစ်များ

भजनसंग्रहया सफू 69:13

जि धाःसा छिगु प्रार्थना यानाच्‍वना, हे परमप्रभु। जितः छिं ल्‍ययादीगु इलय् लिसः बियादिसँ, हे परमेश्‍वर! छिगु न्‍ह्याबलें दयाच्‍वनीगु मायाया कारणं छिगु धात्‍थेंया उद्धारं जितः लिसः बियादिसँ।

यशैया 49:8

परमप्रभुं थथे धयादी, “जिं दयामाया यायेगु इलय् छन्‍त लिसः बी, अले उद्धारया दिनय् छन्‍त जिं ग्‍वाहालि याये। जिं छन्‍त जिमि मनूतलिसें जिगु बाचा चिनेत, देश हाकनं पलिस्‍था यायेत व उकिया नाश जूगु फुक्‍क सम्‍पत्ति हाकनं छिमिगु अधिकारय् हयेत,

यशैया 61:2

वय्‌कलं जितः परमप्रभुं दयामाया याइगु दँ व झी परमेश्‍वरया बदला कायेगु दिं घोषणा यायेत, फुक्‍क दुखं च्‍वनाच्‍वंपिंन्‍त सान्‍त्‍वना बीत छ्वयाहयादीगु खः।

इजकिएल 16:8

“‘अनंलि जि छंगु लिक्‍क जुयाः वनाबलय् जिं छन्‍त मतिना याये ज्‍यूगु उमेरय् थ्‍यंगु खना। स्‍व, जिं थःगु गाः चक्‍कंकाः छंगु नांगा म्‍हय् फाय्‌काबिया। जिं छलिसें पाफयाः ब्‍याहाया बाचा चिना, अले छ जिम्‍ह जुल, परमप्रभु परमेश्‍वरं धयादी।

लूका 18:37

इमिसं वयात धाल – “नासरतयाम्‍ह येशू थनं झायाच्‍वंगु दु।”

लूका 4:19

अले परमप्रभुं दया माया यानादीगु थुबलय् हे खः धकाः नं न्‍यंका जुइत जितः छ्वयाहयादीगु खः।”

हिब्रू 3:13

“थौं” धयागु ई दतले छिमिसं थःथवय् साहस बीगु याना च्‍वँ। मखुसा पापं यानाः छिमिगु नुगः तसकं छाइ।

हिब्रू 3:7

पवित्र आत्‍मां थथे धयादीगु दु – “थौं छिमिसं परमेश्‍वरयागु सः ताल धाःसा,

हिब्रू 4:7

अय्‌जूगुलिं परमेश्‍वरं झीत हानं “थौं” धकाः मौका बियादीगु दु। दाऊदयापाखें नं वय्‌कलं थ्‍व हे खँ धाय्‌कादीगु खः – “थौं छिमिसं परमेश्‍वरयागु सः ताल धाःसा छिपिं जिद्दी जुइ मते।”