२ कोरिन्‍थी 6:14 - नेवाः बाइबल

¹⁴ विश्‍वासी मखुपिं मनूत नाप बुला जुयाः इमिसं थें ज्‍या सना जुइ मते। इमिसं याना जू थें झीसं याना जुइ मज्‍यू। भिंगु व मभिंगु मिलय् जुइ फइ ला? अले जः व खिउँ मिलय् जुइ फइ ला?

२ कोरिन्‍थी 6:14 ပူးပေါင်းရင်းမြစ်များ

उत्‍पत्ति 24:3

“स्‍वर्ग व पृथ्‍वीया परमप्रभुया नामय् छं जिमि काय्‌यात थन कनानय् च्‍वंपिं मिस्‍त ब्‍याहा यानाबी मखु धकाः बचं ब्‍यु।

१ राजा 18:21

एलियां मनूतय् न्‍ह्यःने वनाः थथे धाल, “छिपिं गुबलय् तक दोमन जुयाच्‍वनेगु? परमप्रभु हे परमेश्‍वर खःसा वया ल्‍युने हुँ। बाल परमेश्‍वर खःसा वया ल्‍युने हुँ।” तर मनूतय्‌सं छुं मधाः।

२ इतिहास 19:2

हनानीया काय् अगमवक्ता येहूं वयात नापलाः वन। येहूं यहोशापातयात थथे धाल, “छिं मभिंपिं मनूतय्‌त छाय् ग्‍वाहालि यानादियागु? छिं परमप्रभुयात मयय्‌कीपिन्‍त छाय् माया यानादियागु? छिं थथे यानादीगु खनाः परमप्रभु तंचायादीगु दु।

एज्रा 10:19

इमिसं थःथः कलाः त्‍वःतेगु बचं बिल, अले इमिसं दोषबलिकथं थथःगु बथानं छम्‍ह छम्‍ह भ्‍याःचा नं हल।

भजनसंग्रहया सफू 106:35

अय्‌नं इपिं उपिंनापं भेलय् पुनाजुल, इमिगु चलन स्‍यनाकाल।

भजनसंग्रहया सफू 119:63

छिगु भय काइपिं व छिगु उपदेश पालन याइपिं सकसिया जि छम्‍ह पासा खः।

भजनसंग्रहया सफू 16:3

देशय्‌ दुपिं पवित्र मनूत फुक्‍कं तःधंके बहःपिं जू, इपिंलिसे च्‍वनेदयाः जि लय्‌ताः।

प्रस्‍थान 34:16

अले छिमिसं उपिं जातयापिं भौमचात हयाः इमिसं थः द्यःतय्‌गु पुजा याइबलय् छिमि काय्‌पिन्‍त नं अथे हे याकेबी।

हितोपदेश 22:24

तंगुलु मनूतलिसे जुइ मते।

हितोपदेश 29:27

धर्मी मनूतय्‌सं दुष्‍ट मनूतय्‌त यय्‌की मखु, दुष्‍ट मनूतय्‌सं धर्मी मनूतय्‌त यय्‌की मखु।

लेवी 19:19

“‘छिमिसं जिगु नियम मानय् यायेमाः। “‘अले निगू जातियापिं पशुत छथाय् हयाः ज्‍वःचिंके मते। “‘छगू हे बुँइ निथी किसिमयागु पुसा ह्वले मते। “‘छिमिसं निगू किसिमयागु सुका दुगु वसः पुने मते।

मलाकी 2:11

यरूशलेमय् व इस्राएल देश न्‍यंकं यहूदायापिं मनूत विश्‍वासघाती जूगु दु अले घच्‍चाइपुगु ज्‍या याःगु दु। यहूदाया मिजंतय्‌सं परदेशी द्यःत पुजा याइपिं मिस्‍तलिसें ब्‍याहा यानाः परमप्रभुं माया यानादीगु पवित्र थाय्‌यात अपवित्र याःगु दु।

मलाकी 2:15

वय्‌कलं छ व छिमि कलाःयात छम्‍ह हे यानाः दय्‌कादीगु मखु ला? म्‍हय् व आत्‍माय् छिपिं वय्‌कःया हे खः। अले वय्‌कलं छु इच्‍छा यानादी? छिमिगुपाखें परमेश्‍वरयागु भय काइपिं सन्‍तान मालाच्‍वंगु दु। अथे जुयाः छिमिसं थःगु मनयात रक्षा या, अले थः ल्‍याय्‌म्‍हबलय्‌याम्‍ह कलाःयात ध्‍वंलाये मते।

यूहन्‍ना 7:7

संसारय् च्‍वंपिन्‍सं छिमित हेला याये फइ मखु। जिं संसारय् च्‍वंपिन्‍सं याना जूगु ज्‍याखँ मभिं धकाः धयागुलिं इमिसं जितः हेला याइ।

प्रेरित 4:23

थथे त्‍वःता हये धुंकाः पत्रुस व यूहन्‍ना थः पासापिन्‍थाय् वन। इमिसं तःधंपिं पुजाहारीतय्‌सं व थकालिपिन्‍सं धयाहःगु खँ फुक्‍कं इमित कन।

१ कोरिन्‍थी 10:21

छिमिसं प्रभुयागु ख्‍वल्‍चां व भूतआत्‍मातय्‌गु ख्‍वल्‍चां छक्‍वलं त्‍वनेफइ मखु। अथे हे छिमिसं प्रभुयागु टेबिलं व भूतआत्‍माया टेबिलंनापं नये फइ मखु।

१ कोरिन्‍थी 15:33

मूर्ख जुइ मते, “मभिंपिं लिसे बुला जूसा भिंपिं नं स्‍यनावनी।”

१ कोरिन्‍थी 5:9

जिं न्‍हापा नं व्‍यभिचार याइपिं नाप बुला जुइ मते धकाः च्‍वया हये धुनागु खः।

१ कोरिन्‍थी 6:6

परमेश्‍वरयात म्‍हमस्‍यूपिन्‍त दाजुकिजापिनिगु ल्‍वापु छिंके बीगु बांमलाः।

१ कोरिन्‍थी 7:39

ब्‍याहा जुइ धुंकूम्‍ह मिसां थः भाःत दतले हानं ब्‍याहा याये मज्‍यू। भाःत सीधुंकाः धाःसा थःत यःम्‍ह मेम्‍ह मिजंनाप ब्‍याहा याःसां ज्‍यू। बरु विश्‍वासी नाप हे जक यायेमाः।

फिलिप्‍पी 2:15

उकिं छिपिं दोष मदुपिं व स्‍वजापिं जुयाः पापी व मभिंगु मनूतय्‌गु पुचलय् छुं हे ख्‍वं मदय्‌क परमेश्‍वरया मस्‍त जुयाच्‍वँ। नगुतय्‌सं आकाशय् झल्‍ल थीकू थें छिपिं नं इमिगु पुचलय् थिना च्‍वँ।

याकूब 4:4

हे विश्‍वास त्‍वःतूपिं मनूत, संसारयात माया याइपिं परमेश्‍वरया शत्रु खः धकाः छिमिसं मस्‍यू ला? संसार नाप मिलय् जुइपिन्‍सं परमेश्‍वरयात शत्रु याइ।