२ कोरिन्‍थी 6:13 - नेवाः बाइबल

¹³ छिपिं जिम्‍ह मस्‍त थें जूगुलिं थथे धयाच्‍वनागु खः। छिमित जिमिसं माया यानाच्‍वना थें छिमिसं नं जिमित माया याना च्‍वँ। छिमिसं नं थःगु नुगः चक्‍कंकि।

२ कोरिन्‍थी 6:13 ပူးပေါင်းရင်းမြစ်များ

भजनसंग्रहया सफू 119:32

जि छिगु आज्ञाया लँपुइ ब्‍वाँय् वने, छाय्‌धाःसा छिं जिगु नुगःयात स्‍वतन्‍त्र यानादीगु दु।

भजनसंग्रहया सफू 81:10

मिश्र देशं छिमित लिगनाः हयाम्‍ह जि हे छिमि परमप्रभु परमेश्‍वर खः। छिमिसं थःपिनिगु म्‍हुतु चाय्‌कि, जिं जाय्‌काबी।

मर्कूस 11:24

अय्‌जूगुलिं जिं छिमित धाये – प्रार्थना यानाः छिमिसं छु फ्‍वंगु खः व जितः दये धुंकल धकाः विश्‍वास यात धाःसा छिमित व द हे दइ।

गलाती 4:12

यःपिं दाजुकिजापिं, जिं छिमित बिन्‍ति याये – जिं याना थें तुं छिमिसं नं या। जि छम्‍ह यहूदी खःसां छिपिंनाप यहूदीमखुपिं थें जुयाच्‍वने धुन। छिमिसं जितः छुं हे मभिंकूगु मदु।

गलाती 4:19

छिपिं ख्रीष्‍ट थें मजुतले जितः मचाबू ब्‍यथा थें दुःख जुयाच्‍वनी।

१ थेसलोनिकी 2:11

बौनं थः मस्‍तय्‌त गथे याना तइ, अथे हे जिमिसं नं छिमित याना तया।

१ यूहन्‍ना 2:1

अय् जि यःपिं मस्‍त, छिपिं ला जिम्‍ह मस्‍त थें खः। छिमिसं पाप याये मते धकाः थ्‍व खँ जिं च्‍वयाच्‍वनागु खः। छुं जुयाः छिमिसं पाप याये लात धाःसा निराश जुइ मते, छाय्‌धाःसा झीत ग्‍वाहालि याइम्‍ह येशू ख्रीष्‍टं बाःया न्‍ह्यःने झीगु निंतिं बिन्‍ति यानादी।

१ यूहन्‍ना 3:18

अय् जि यःपिं मस्‍त, झीसं म्‍हुतुं जक माया याना धयां मज्‍यू। ज्‍याखँय् नं धात्‍थेंगु माया यानाक्‍यने फयेमाः।

१ यूहन्‍ना 3:7

अय् जि यःपिं मस्‍त, छिमित सुनानं मखुगु लँय् यंके मफयेमा। गथे ख्रीष्‍ट धर्मी खः अथे हे भिंगु ज्‍या याइपिं मनूत नं धर्मी खः।

३ यूहन्‍ना 1:4

थः सन्‍तान सत्‍ययागु लँपुइ वनाच्‍वंगु दु धकाः न्‍यनेगुति लय्‌ताः मेगु छु दइ?