२ कोरिन्‍थी 6:11 - नेवाः बाइबल

¹¹ कोरिन्‍थय् च्‍वंपिं यःपिं दाजुकिजापिं, धायेमाःगु खँ फुक्‍कं सुमचुकूसे छिमित धयाबियागु हे दु। जिमिगु नुगः चक्‍कं।

२ कोरिन्‍थी 6:11 ပူးပေါင်းရင်းမြစ်များ

अय्‍यूब 32:20

शान्‍ति काय्‌त जिं न्‍ववायेमाः, जिं थःगु म्‍हुतुप्‍वाः चाय्‌काः लिसः बीमाः।

भजनसंग्रहया सफू 119:32

जि छिगु आज्ञाया लँपुइ ब्‍वाँय् वने, छाय्‌धाःसा छिं जिगु नुगःयात स्‍वतन्‍त्र यानादीगु दु।

भजनसंग्रहया सफू 51:15

हे परमप्रभु, जिगु म्‍हुतु चायेकादिसँ, अले जिं छितः प्रशंसा याये।

यशैया 60:5

अनंलि छ थ्‍व खनाः तसकं ज्‍वालं थी अले छंगु नुगः तसकं लय्‌ताइ। समुद्रया सम्‍पत्ति छन्‍थाय् हइ, जाति जातिया सम्‍पत्तित छन्‍थाय् वइ।

इजकिएल 33:22

व मनू थ्‍यंकः वःगु दिंया छन्‍हु न्‍ह्यःयागु सन्‍ध्‍याकाः इलय् परमप्रभुया शक्ति जिके वल। सुथय् व मनू थ्‍यंकः वये न्‍ह्यः वय्‌कलं जिगु म्‍हुतु चाय्‌काबिल। उकिं जिगु म्‍हुतु चाल, उबलय्‌ निसें जि सुम्‍क मच्‍वना।

हबकूक 2:5

धात्‍थें हे मनूतय्‌त दाखमद्यं ध्‍वखा बी, व तःधंछुया जुइ अले व गुबलें याउँक च्‍वने फइ मखु, छाय्‌धाःसा व चिहान थें लोभी खः। व मृत्‍यु थें गुबलें लुधनी मखु। वं दक्‍व जात जतितय्‌त थःथाय् मुंकी, अले दक्‍व मनूतय्‌त कुनी।

प्रेरित 18:1

अनंलि पावल एथेन्‍सं न्‍यासि वनाः कोरिन्‍थय् थ्‍यंकः वल।

प्रेरित 18:8

अन च्‍वंम्‍ह कजी क्रिस्‍पस व वया जहानपिं फुक्‍कसिनं प्रभुयात विश्‍वास यात। अले हानं यक्‍व हे कोरिन्‍थीतय्‌सं पावलयागु खँ न्‍यनाः विश्‍वास यानाः बप्‍तिस्‍मा काल।

२ कोरिन्‍थी 12:15

छिमित ग्‍वाहालि यायेत जिके दुगु फुक्‍कं बी। थथे याये दःसा जि लय्‌ताः। थुलि जक मखु, छिमिगु निंतिं सी माःसां जि लय्‌ताः। जिं छिमित थथे यक्‍व माया यानागुलिं हे छिमिपाखें जिं कम माया काये खंगु ला कि छु?

२ कोरिन्‍थी 2:4

तसकं हे नुगः मछिंकाः दुःख तायाः मिखाय् दंक ख्‍वबि तयाः छिमित पौ च्‍वयाहयागु खः। छिमित नुगलय् स्‍याकेत अथे च्‍वयाहयागु मखु, बरु जिं छिमित गुलि माया यानाच्‍वनागु दु धकाः सीकेत जक खः।

गलाती 3:1

अय् मूर्ख गलातीत, छिमित सुनां स्‍यंकल? येशू ख्रीष्‍टयात क्रूसय् यख्‍खानाः स्‍याःगु खँ छिमिगु हे न्‍ह्यःने ध्‍वाथुइक कनागु मखु ला?

गलाती 4:12

यःपिं दाजुकिजापिं, जिं छिमित बिन्‍ति याये – जिं याना थें तुं छिमिसं नं या। जि छम्‍ह यहूदी खःसां छिपिंनाप यहूदीमखुपिं थें जुयाच्‍वने धुन। छिमिसं जितः छुं हे मभिंकूगु मदु।

एफिसी 6:19

जिगु निंतिं नं छिमिसं प्रार्थना यानाब्‍यु। जिं नवाइबलय् परमेश्‍वरं जितः वचन व नवायेत साहस बियादीमा, अले जिं वय्‌कःयागु भिंगु खँ नं मेपिन्‍त बांलाक ध्‍वाथुइका बी फयेमा धकाः प्रार्थना या।

एफिसी 6:8

दास जूसां मजूसां भिंगु ज्‍या याःपिं न्‍ह्याम्‍हय्‌सित नं परमेश्‍वरं सिरपाः बियादी धकाः ला छिमिसं सि हे स्‍यू।

फिलिप्‍पी 1:8

ख्रीष्‍ट येशूं थें जिं छिमित दुनुगलंनिसें माया यानाच्‍वनागु दु। थ्‍व खँ परमेश्‍वरं स्‍यू।

फिलिप्‍पी 4:15

थ्‍व खँ छिमिसं सि हे स्‍यू माकेडोनियां भिंगु खँ न्‍यंकाः वने त्‍यनाबलय् नं छिमिगु मण्‍डलीं हे जक जितः ग्‍वाहालि यात, मेगु गुगुं नं मण्‍डलीं मयाः।

प्रकाश 22:12

“स्‍व, जि याकनं हे वयेत्‍यनागु दु। मनूतय्‌गु ज्‍या स्‍वयाः जिं इमित बीमाःगु इनाम बी।

१ शमूएल 2:1

हन्‍नाहं थथे धकाः प्रार्थना यात, “परमप्रभुं जिगु मन तसकं लय्‌ताय्‌कादीगु दु, वय्‌कलं यानादीगु ज्‍या खनाः जि तसकं खुसी जुयागु दु। जि जिमि शत्रुतय् न्‍ह्यःने न्‍हिले, अले परमप्रभुं जितः ग्‍वाहालि यानादीगुलिं जि तसकं लय्‌तायागु दु।