२ कोरिन्‍थी 6:10 - नेवाः बाइबल

¹⁰ नुगः ख्‍वःपिं थें जूसां न्‍ह्याबलें लय्‌तायाच्‍वना। जिपिं गरीब जूसां मेपिन्‍त तःमि यानाबिया। जिमिके छुं हे मदु थें च्‍वंसां जिमिके सकतां दु।

२ कोरिन्‍थी 6:10 ပူးပေါင်းရင်းမြစ်များ

भजनसंग्रहया सफू 84:11

परमप्रभु परमेश्‍वर सूर्य व ढाल खः, परमप्रभुं दया माया यानादी अले इज्‍जत बियादी। भिंगु ज्‍या याइपिन्‍त वय्‌कलं फुक्‍क भिंगु बियादी।

हितोपदेश 13:7

गुलिसिनं थःके छुं मदुसां थःत तःमि धकाः क्‍यनाजुइ, अले गुलिसिनं थःके दक्‍वं दयां नं चीमि धकाः क्‍यनाजुइ।

हितोपदेश 16:16

लुँ दइगु स्‍वयाः बुद्धि दइगु गुलि बांलाः, अले वहः दइगु स्‍वयाः भिंगु न्‍याय दइगु गुलि बांलाः।

मत्ती 5:12

छिपिं स्‍वयाः न्‍हापायापिं अगमवक्तातय्‌त नं थथे हे दुःखकष्‍ट ब्‍यूगु खः। उकिं लय्‌ताया जु, छाय्‌धाःसा स्‍वर्गय् छिमित बीत तःधंगु सिरपाः तयातःगु दु।

मत्ती 5:4

नुगः मछिंका जुइपिं मनूत धन्‍यपिं खः, परमेश्‍वरं हे इमित ह्यय्‌कादी।

लूका 6:21

छिपिं नयेपित्‍याका च्‍वंपिं धन्‍यपिं खः, छाय्‌धाःसा छिमिसं लुधंके खनीतिनि। आः ख्‍वया च्‍वंपिं धन्‍यपिं खः, छाय्‌धाःसा छिपिं लय्‌ताये दइतिनि।

यूहन्‍ना 16:22

छिमित नं आः थथे हे दुःख ला जुइ। तर जि छिमित हानं नापलाः वये, अले छिपिं हानं लय्‌लय्‌ताइ। अले सुनानं छिमिगु आनन्‍द लाकाकाये फइ मखु।

प्रेरित 16:25

चान्‍हय् पावल व सिलासं प्रार्थना यायां परमेश्‍वरयागु म्‍ये हालाच्‍वंगु अन च्‍वंपिं कैदीतय्‌सं न्‍यनाच्‍वन।

प्रेरित 3:6

अले पत्रुसं धाल – “छितः बीत जिके लुँ, वहः मदु, अय्‌नं जिके दुगु छितः बी। नासरतयाम्‍ह येशू ख्रीष्‍टयागु नामं दनाः न्‍यासि झासँ।”

प्रेरित 5:41

थथे येशू ख्रीष्‍टयागु नामय् दाय्‌काः दुःख सी बहःपिं जूगुलिं प्रेरितत तसकं लय्‌लय्‌तायाः सभां पिहां वन।

रोमी 11:12

थुकथं इमिसं पाप याःगुलिं संसारयात यक्‍व हे भिन, अथे हे इपिं स्‍यनाः यहूदीमखुपिन्‍त यक्‍व आशिष दत धाःसा झन इस्राएलीत फुक्‍कसिनं विश्‍वास याइबलय् गुलि जक भिनिगु जुइ।

रोमी 12:15

लय्‌ताय्‌त च्‍वंपिं नाप छिपिं नं लय्‌ता। अले ख्‍वया च्‍वंपिं नाप छिपिं नं ख्‍व।

रोमी 15:13

छिमिसं विश्‍वास याःगुलिं भरोसा याये बहःम्‍ह परमेश्‍वरं छिमिगु नुगलय् आनन्‍द व शान्‍ति जाय्‌कादीमा। थुकथं पवित्र आत्‍मायागु शक्तिं छिमिगु आशा व भरोसा अप्‍वः दयावनेमा।

रोमी 8:32

सुनां थःकाय्‌यात हे ल्‍यंका मतसे झी सकसिगु निंतिं स्‍याकेत बियादीम्‍ह परमेश्‍वरं वय्‌कःया काय्‌पाखें झीत माःगु फुक्‍कं गथे बियामदी?

रोमी 9:2

जितः यःपिं इस्राएली दाजुकिजापिं खनाः जि तसकं नुगः मछिं अले जिगु नुगः हीसे च्‍वंगु दु।

१ कोरिन्‍थी 1:5

ख्रीष्‍टयात विश्‍वास याःगुलिं छिपिं फुक्‍क खँय् तःमि जुल। छिमिके सकतां ज्ञान नं दत, अले बांलाक थुइकाः खँ नं ल्‍हाये सल।

२ कोरिन्‍थी 2:4

तसकं हे नुगः मछिंकाः दुःख तायाः मिखाय् दंक ख्‍वबि तयाः छिमित पौ च्‍वयाहयागु खः। छिमित नुगलय् स्‍याकेत अथे च्‍वयाहयागु मखु, बरु जिं छिमित गुलि माया यानाच्‍वनागु दु धकाः सीकेत जक खः।

२ कोरिन्‍थी 4:15

थ्‍व फुक्‍कं छिमित भिं यायेत खः। गुलि अप्‍वः मनूतय्‌सं परमेश्‍वरयात विश्‍वास याइ, उलि हे अप्‍वः मनूतय्‌सं परमेश्‍वरयात तःधंकेत सुभाय् बी व प्रार्थना याइ।

२ कोरिन्‍थी 4:7

चायागु थलय् तःजिगु धन तः थें परमेश्‍वरं जिमिगु मनय् झल्‍ल मत थीकादिल। थुकिं हे जिमिगु शक्ति मखु, बरु वय्‌कःयागु शक्ति खः धकाः सी दइ।

२ कोरिन्‍थी 8:9

झी प्रभु येशू ख्रीष्‍ट गुलि ग्‍वाहालि यानादीम्‍ह प्रभु खः धकाः ला छिमिसं सि हे स्‍यू। वय्‌कः तःमि जुयाः नं छिमिगु निंतिं चीमि जुयादिल। थः चीमि जुयाः छिमित तःमि यायेत वय्‌कलं थथे यानादिल।

एफिसी 3:16

वय्‌कःयागु तःधंगु आशिषं व वय्‌कःयागु आत्‍मापाखें छिमित शक्ति दयेमा, अले व हे शक्तिं छिपिं दुनुगलंनिसें बल्‍लाना च्‍वनेमा धकाः जिं प्रार्थना यानाच्‍वनागु दु।

एफिसी 3:8

परमेश्‍वरया चिधंम्‍ह स्‍वयाः नं अज्‍ज चिधंम्‍ह मनू जितः हे ख्रीष्‍टयागु तःजिगु भिंगु खँ यहूदीमखुपिन्‍त न्‍यंकः वनेगु ज्‍या परमेश्‍वरं लःल्‍हानादिल।

फिलिप्‍पी 2:17

छिमिगु विश्‍वासयागु बलिदान व सेवाय् थःगु हि तकं हाय्‌के माःसां जि लय्‌ताः। अले जि छिपिंनापं लय्‌ताये।

फिलिप्‍पी 4:4

प्रभुयाके न्‍ह्याबलें लय्‌ताया च्‍वँ। जिं हानं धाये – “लय्‌ताया च्‍वँ।”

कलस्‍सी 1:24

छिमिगु निंतिं थथे दुःखसिया च्‍वने दुगुलिं जितः तसकं लय्‌ता वः। ख्रीष्‍टयागु म्‍ह मण्‍डलीयागु निंतिं फये मानिगु वय्‌कःयागु दुःख जिं थःगु म्‍हय् फयाः पूवंके।

कलस्‍सी 3:16

ख्रीष्‍टयागु वचनं छिमिगु नुगः जायाच्‍वनेमा। छिमिसं थःथवय् स्‍यनेकने यानाः दुनुगलंनिसें भजन व म्‍ये हालाः परमेश्‍वरयात तःधंकि।

१ थेसलोनिकी 1:6

छिमिसं उलिमछि दुःखकष्‍ट जुल नं पवित्र आत्‍मां यानाः भिंगु खँ न्‍यनाः विश्‍वास यात। थुकथं छिपिं जिमिसं व प्रभुं यानादी थें याइपिं जुल।

१ थेसलोनिकी 5:16

न्‍ह्याबलें लय्‌ताया च्‍वँ।

१ तिमोथी 4:8

म्‍हयागु ज्‍याखँ यानाः कम हे जक ज्‍यालगय् जुइ। आत्‍मायागु ज्‍याखँ धाःसा आः व लिपा तकं ज्‍यालगय् जुयाच्‍वनी।

१ तिमोथी 6:18

भिंगु ज्‍या यायेगु, भिंगु ज्‍याय् तःमि जुइगु व नुगः चक्‍कंकाः मेपिन्‍त ग्‍वाहालि यायेगु या धकाः इमित धयाब्‍यु।

हिब्रू 10:34

झ्‍यालखानाय् लाःपिन्‍त छिमिसं दयामाया यानाः ग्‍वाहालि यात, अले हानं छिमिगु सम्‍पत्ति लुतय् यानाकाःसां छिपिं लय्‌ताया हे च्‍वन, छाय्‌धाःसा छिमिके सदां दयाच्‍वनीगु दक्‍वसिबय् तःधंगु सम्‍पत्ति दु धकाः छिमिसं स्‍यू।

याकूब 2:5

यःपिं दाजुकिजापिं, जिं धयागु खँ न्‍यँ – संसारय् चीमिपिन्‍त हे परमेश्‍वरं विश्‍वासय् तःमि यायेत व वय्‌कःयात माया याःपिन्‍त दुकाये धकाः धयादीगु राज्‍यय् दुकायेत ल्‍ययादीगु मखु ला?

१ पत्रुस 4:13

येशू ख्रीष्‍टं थें थथे दुःख फये दयाः छिपिं लय्‌ताया च्‍वँ। वय्‌कः झाइबलय् छिपिं तसकं लय्‌ताये दइ।

प्रकाश 2:9

“छिमिसं कष्‍ट फयाच्‍वंगु व चीमि जुयाच्‍वंगु जिं स्‍यू। अय्‌नं छिपिं ला तःमि खः। यहूदी मखुसां यहूदी खः धकाः धया जुइपिन्‍सं छिमित मभिंका जूगु नं जिं स्‍यू। इपिं शैतान नाप मिलय् जूपिं खः।

प्रकाश 21:7

त्‍याकावइपिन्‍त थ्‍व हे अंश दइ। जि वया परमेश्‍वर जुइ, अले व जिम्‍ह काय् जुइ।