२ कोरिन्‍थी 5:7 - नेवाः बाइबल

⁷ अय्‌जूगुलिं हे जिपिं विश्‍वासं म्‍वानाच्‍वनागु खः, मिखां खंगुलिइ मखु।

२ कोरिन्‍थी 5:7 ပူးပေါင်းရင်းမြစ်များ

१ कोरिन्‍थी 13:12

आः ला झीसं न्‍हाय्‌कनय् थें जक बुल्‍लुक खनाच्‍वना। अबलय् धाःसा झीसं चूलाक हे स्‍वये दइतिनि। आः ला जिं पूवंक मस्‍यूनि। अबलय् धाःसा परमेश्‍वरं जिगु खँ पूवंक स्‍यू थें तुं जिं नं पूवंक सी।

२ कोरिन्‍थी 1:24

छिमिगु विश्‍वासयात जिमिसं थःगु ल्‍हातय् कायेत स्‍वयागु मखु। छिमिसं क्‍वात्तुक विश्‍वास यानाच्‍वंगु दु। छिमित लय्‌ताय्‌केत हे जिपिं छिपिंनाप ज्‍या यानाच्‍वनागु खः।

२ कोरिन्‍थी 4:18

अय्‌जूगुलिं मिखां खंगुलिइ जिमिसं मन तयाच्‍वनागु मखु, बरु मिखां मखंगुलिइ मन तयाच्‍वनागु खः। छाय्‌धाःसा मिखां खनेदुगु छुं ईया लागिं खः, मिखां खने मदुगु धाःसा सदां दयाच्‍वनी।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

व्‍यवस्‍था 12:9

छाय्‌धाःसा छिपिं याउँक च्‍वनेगु थाय् व परमप्रभु परमेश्‍वरं छिमित बियादीत्‍यंगु सर्बयलय् आः तक नं मथ्‍यंनि।

हिब्रू 10:38

जिम्‍ह धर्मी मनू धाःसा विश्‍वासं हे म्‍वाइ। सुनानं जितः त्‍वःतावन धाःसा जिं वयात यय्‌के मखु।”

१ पत्रुस 1:8

वय्‌कःयात छिमिसं मखंनिसां माया यानाच्‍वंगु दु। आः नं वय्‌कःयात छिमिसं मखंनि, अय्‌नं छिमिसं विश्‍वास यानाच्‍वंगु दु। अले धयां मब्‍याक छिपिं लय्‌तायाच्‍वंगु दु।

१ पत्रुस 5:9

विश्‍वासय् बल्‍लानाः शैतानयागु विरोध या। थ्‍व संसारय् च्‍वंपिं दाजुकिजापिन्‍सं नं छिमिसं थें दुःखकष्‍ट सियाच्‍वंगु दु धकाः छिमिसं सि हे स्‍यू।