२ कोरिन्‍थी 5:5 - नेवाः बाइबल

⁵ झीत थज्‍याःगु न्‍हूगु म्‍ह बियादीम्‍ह परमेश्‍वर हे खः। वय्‌कलं थथे यानादी तिनि धकाः सीकेत झीत पवित्र आत्‍मा बैनाकथं बियादीगु खः।

२ कोरिन्‍थी 5:5 ပူးပေါင်းရင်းမြစ်များ

यशैया 29:23

इमिसं थः यक्‍व काय्‌म्‍ह्याय्‌पिं व जिं इमित बियागु आशिष खनीबलय् इमिसं जिगु नांयात पवित्र याइ। इमिसं याकूबया तच्‍वकं पवित्रम्‍ह परमेश्‍वरयात धात्‍थें हे पवित्रम्‍ह खः धकाः नाला काइ, अले इस्राएलया परमेश्‍वरया भय काइ।

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

रोमी 8:23

सृष्‍टि जक मखु, झीपिं नं आत्‍माया न्‍हापांयागु फल दुपिं झीपिं थःपिं हे नं परमेश्‍वरया लहिनातःपिं सन्‍तान थें जुयाः उद्धारया निंतिं आय्‌बुयाच्‍वना।

२ कोरिन्‍थी 1:22

झीपिं वय्‌कःया मनूत खः धकाः म्‍हसीकेत वय्‌कलं चिं थें झीगु नुगलय् पवित्र आत्‍मा बैनाकथं बियातयादीगु दु।

२ कोरिन्‍थी 4:17

छुं ई तक जक जिमिसं थन भचा जक दुःखकष्‍ट स्‍यूसां परमेश्‍वरं स्‍वर्गय् जिमित सदां दयाच्‍वनीगु आनन्‍द बियादी।

एफिसी 2:10

छाय्‌धाःसा झीपिं भिंगु ज्‍याया निंतिं ख्रीष्‍ट येशूपाखें सृष्‍टि यानातःपिं वय्‌कःया ल्‍हाःया सीप खः। वय्‌कलं न्‍हापांनिसें दय्‌कातःगु भिंगु ज्‍याखँ झीगुपाखें जुइ फयेमा धकाः झीत तयार यानादीगु खः।

एफिसी 4:30

थुलि जक मखु, पवित्र आत्‍मायात दुःख बी मते, छाय्‌धाःसा पवित्र आत्‍मा उद्धार बी खुन्‍हुयात धकाः झीत बियातःगु चिं खः।

१ यूहन्‍ना 3:24

परमेश्‍वरयागु आज्ञा मानय् यानाच्‍वंम्‍ह मनू वय्‌कः नाप दइ, अले वय्‌कः व नाप दइ। झीगु नुगलय् पवित्र आत्‍मा तयादीगुलिं झीसं थ्‍व स्‍यू।