२ कोरिन्‍थी 5:21 - नेवाः बाइबल

²¹ ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

२ कोरिन्‍थी 5:21 ပူးပေါင်းရင်းမြစ်များ

यर्मिया 23:26

मखुगु व थःगु हे मनया छलया अगमवाणी ल्‍हाइपिं थुपिं फताहा अगमवक्तातय्‌गु मनय् गुबलय् तक थ्‍व खँ दयाच्‍वनी?

यर्मिया 33:16

अबलय् यहूदायात बचय् याइ, अले यरूशलेम याउँक च्‍वनाच्‍वनी। वयागु नां थ्‍व तइ, परमप्रभु जिमि धार्मिकता।’

दानिएल 9:24

“पाप व मभिंपाखे छिमिगु जाति व पवित्र शहरयात त्‍वःतकेत, पाप क्षमा यायेत व अधर्मया प्रायश्‍चित यायेत परमेश्‍वरं न्‍हयेगू वाः क्‍वछिनादीगु दु। उकिं दर्शन व अगमवाणी पूवनी व पवित्र देगः हानं अभिषेक जुइ।

दानिएल 9:26

“अले खुइनिगू वाः लिपा व अभिषेक जूम्‍ह मनूयात स्‍याइगु जुइ अले वयाके छुं ल्‍यं दइ मखु। अले हमला याःवइम्‍ह छम्‍ह शासकया सेनां शहर व देगः नाश याइ। खुसिबाः वःगु थें अन्‍त वइ। उकिं परमेश्‍वरं तयार यानादीगु लडाइँ व विनाश हइ।

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

गन्‍ती 21:9

थथे मोशां कँय्‌याम्‍ह छम्‍ह सर्प दय्‌काः उकियात छगू थामय् यख्‍खानाबिल। अले सर्पं न्‍याःपिं मध्‍ये सुनां सुनां व कँय्‌याम्‍ह सर्पयात स्‍वल व मनू म्‍वात।

गन्‍ती 7:45

होमबलिया निंतिं छम्‍ह द्वहंचा, छम्‍ह भ्‍याःचा व छम्‍ह दच्‍छि दुम्‍ह चिधिकःम्‍ह भ्‍याःचा,

गन्‍ती 7:64

पापबलिया निंतिं छम्‍ह दुगु,

लूका 1:35

अले स्‍वर्गदूतं वयात लिसः बिल – “पवित्र आत्‍मा हे छंके झायादी। दकलय् तःधंम्‍ह परमेश्‍वरयागु शक्तिं बूम्‍ह मचा पवित्रम्‍ह जुइ, अले परमेश्‍वरया काय् धकाः नां जाइ।

प्रेरित 3:14

थथे छिकपिन्‍सं पवित्रम्‍ह व धर्मीम्‍ह मनूयात मयय्‌काः छम्‍ह ज्‍यानमारायात त्‍वःतके बिल।

रोमी 1:17

थ्‍व भिंगु खँ परमेश्‍वरं मनूतय्‌त गुकथं उद्धार यानादी धकाः क्‍यनी। विश्‍वासं हे जक मनूत धर्मी ठहरय् जुइ। धर्मशास्‍त्रय् नं थथे च्‍वयातःगु दु – “धर्मीत विश्‍वासं हे म्‍वाइ।”

रोमी 4:25

झीत पापं छुतय् यायेत येशूयात स्‍याकेत लःल्‍हानादिल, अले झीत धर्मी ठहरय् यायेत हानं म्‍वाकादिल।

रोमी 5:19

अले हानं गथे छम्‍ह मनुखं परमेश्‍वर मानय् मयाःगुलिं यक्‍व मनूतय्‌त पापी यात, अथे हे छम्‍ह मनुखं परमेश्‍वरयात मानय् याःगुलिं यक्‍व मनूतय्‌त धर्मी यात।

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

२ कोरिन्‍थी 5:17

अथे जुयाः सुं मनू ख्रीष्‍टनाप दु धाःसा व न्‍हूम्‍ह मनू जुइ। पुलांगु मदयावन, फुक्‍क न्‍हूगु जुल।

गलाती 3:13

येशू ख्रीष्‍टं व्‍यवस्‍थाया सरापं झीत मू पुलाः त्‍वःतकादिल। वय्‌कलं क्रूसय् यग्‍गानाः झीगु सराः थःम्‍हं फयादीगु दु। व्‍यवस्‍थाय् धयातःगु दु “सिँयागु थामय् यख्‍खाइम्‍हय्‌सित सराः लाइ।”

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

फिलिप्‍पी 3:9

व्‍यवस्‍थां धाःथें यानाजुयागुलिं जि धर्मी ठहरय् जूगु मखु बरु येशू ख्रीष्‍टयात विश्‍वास यानागुलिं परमेश्‍वरं हे जितः धर्मी ठहरय् यानादीगु खः।

हिब्रू 4:15

झी दकलय् तःधंम्‍ह पुजाहारी झी बमलाइबलय् छुं याये मफुम्‍ह मखु, बरु झीत थें वय्‌कःयात नं फुक्‍क खँय् शैतानं जाँचय् यात, अय्‌सां वय्‌कलं पाप यानामदी।

हिब्रू 7:26

झीत मालाच्‍वंम्‍ह दकलय् तःधंम्‍ह पुजाहारी येशू हे खः। वय्‌कः पवित्रम्‍ह व दोष मदुम्‍ह खः। वय्‌कःयात पापीतय्‌गु पुचलं अलग तयादीगु दु, अले स्‍वर्गय् नं दकलय् तःधंम्‍ह यानादीगु दु।

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।

१ यूहन्‍ना 3:5

झीगु पाप मदय्‌केत हे ख्रीष्‍ट झायादीगु खः। ख्रीष्‍टयाके पाप द हे मदु।