२ कोरिन्‍थी 5:17 - नेवाः बाइबल

¹⁷ अथे जुयाः सुं मनू ख्रीष्‍टनाप दु धाःसा व न्‍हूम्‍ह मनू जुइ। पुलांगु मदयावन, फुक्‍क न्‍हूगु जुल।

२ कोरिन्‍थी 5:17 ပူးပေါင်းရင်းမြစ်များ

भजनसंग्रहया सफू 51:10

हे परमेश्‍वर, जिगु नुगःयात शुद्ध यानादिसँ। अले जिके हाकनं न्‍हूगु यानाः क्‍वातूगु आत्‍मा दय्‌कादिसँ।

यशैया 45:17

तर हे इस्राएलीत, छिपिं धाःसा परमप्रभुपाखें सदां दइगु उद्धारं बचय् जुइ। छिपिं गुबलें नं लाजय् लाइ मखु, अले लिपाथ्‍यंक छिमिगु गुबलें बेइज्‍जत जुइ मखु।

इजकिएल 11:19

अले जिं इमित छगू हे मन बी। इमिके छगू न्‍हूगु आत्‍मा तयाबी। जिं इमिगु म्‍हं ल्‍वहंया नुगः लिकयाः इमित लायागु नुगः बी।

इजकिएल 18:31

छिमिसं यानाच्‍वनागु फुक्‍क अपराध त्‍वःति, न्‍हूगु नुगः व न्‍हूगु आत्‍मा का, अय् इस्राएलया घराना, छिपिं छाय् सीगु?

इजकिएल 36:26

जिं छिमित छगू न्‍हूगु नुगः बी, अले छिमिगु दुने जिं न्‍हूगु आत्‍मा तयाबी। छिमिगु म्‍हं ल्‍वहंया नुगः लिकयाः जिं छिमित लायागु नुगः बी।

मत्ती 12:33

“भिंगु सिमाय् जक भिंगु फल सइ। मभिंगु सिमाय् मभिंगु हे फल सइ। थुकथं सिमाय् सःगु फल स्‍वयाः सिमा भिं मभिं सीके फइ।

मत्ती 24:35

आकाश व पृथ्‍वी मदयावनी, अय्‌नं जिगु वचन मदयावनी मखु।

लूका 5:38

थथे मयासें, दाखमद्य न्‍हूगु म्‍हिचाय् तयेमाः।

यूहन्‍ना 14:20

उबलय् हे जक जि बाःयाके, छिपिं जिके, अले जि छिमिके दु धकाः छिमिसं सी।

यूहन्‍ना 15:2

जिके च्‍वंगु दाख मसःगु कचायात बाःनं ध्‍यनाः छ्वइ। अले सयाच्‍वंगु कचायात अझ यक्‍व सयेमा धकाः न्‍हायादी।

यूहन्‍ना 15:5

“जि दाखमा खः, अले छिपिं दाखमाय् च्‍वंगु कचा खः। सु जिके च्‍वनाच्‍वनी, अले जि वयाके च्‍वने, वं हे जक यक्‍व दाख सय्‌की। जिलिसें तापानाः छिमिसं छुं नं याये फइ मखु।

यूहन्‍ना 17:23

छि जिके, अले जि इमिके दुगुलिं इपिं नं फुक्‍क छप्‍पँ जुइमा। थुकिं यानाः संसारं छिं जितः छ्वयाहयादीगु खः धकाः सी, अले जितः थें इमित नं छिं माया यानादी धकाः नं सी।”

यूहन्‍ना 3:3

वय्‌कलं लिसः बियादिल – “जिं छितः खःगु खँ धाये – न्‍हूकथं हानं जन्‍म मजुइकं मनूतय्‌सं परमेश्‍वरयागु राज्‍य खनी मखु।”

यूहन्‍ना 3:5

वय्‌कलं लिसः बियादिल – “जिं छितः खःगु खँ धाये, मनूत लखं व परमेश्‍वरया आत्‍मां जन्‍म मजुइकं परमेश्‍वरयागु राज्‍यय् दुहां वने फइ मखु।

रोमी 16:10

ख्रीष्‍टयागु ज्‍या बांलाक याइम्‍ह धकाः म्‍हसीका तये धुंकूम्‍ह अपेल्‍लेसयात ज्‍वजलपा दु धकाः न्‍यंकाब्‍यु। अरिस्‍तोबुलसया जहानपिन्‍त नं ज्‍वजलपा दु धकाः न्‍यंकाब्‍यु।

रोमी 16:11

जिम्‍ह यहूदी किजा हेरोदियनयात ज्‍वजलपा दु धकाः न्‍यंकाब्‍यु। प्रभुयात विश्‍वास यानाच्‍वंपिं नर्किससया जहानपिन्‍त नं ज्‍वजलपा दु धकाः न्‍यंकाब्‍यु।

रोमी 16:3

जिनापं ख्रीष्‍ट येशूयागु ज्‍या याइपिं प्रिस्‍का व अकिलासपिन्‍त ज्‍वजलपा दु धकाः न्‍यंकाब्‍यु।

रोमी 16:7

यहूदी दाजुकिजापिं, अले जि नाप झ्‍यालखानय् च्‍वनेधुंकूपिं एन्‍ड्रोनिकस व युनियसयात ज्‍वजलपा दु धकाः न्‍यंकाब्‍यु। इपिं प्रेरितत थें नांजाःपिं खः। इपिं जि स्‍वयाः नं न्‍हापालाक ख्रीष्‍टयात विश्‍वास यानाच्‍वंपिं मनूत खः।

रोमी 16:9

झी नाप नापं ख्रीष्‍टयागु ज्‍या यानाच्‍वंम्‍ह उर्बानस व जितः यःम्‍ह स्‍ताखुसयात ज्‍वजलपा दु धकाः न्‍यंकाब्‍यु।

रोमी 7:6

आः झीपिं व्‍यवस्‍थायागु अधीनय् च्‍वनेमाःगु मन्‍त। झीत चिनातःगु व्‍यवस्‍थाया निंतिं झीपिं सी धुन। अय्‌जूगुलिं न्‍हापा थें व्‍यवस्‍थाया अधीनय् च्‍वनेमाःगु मन्‍त, बरु आवंलि ख्रीष्‍टयागु आत्‍मां धाःथें झीसं परमेश्‍वरयागु सेवा यायेमाः।

रोमी 8:1

अय्‌जूगुलिं ख्रीष्‍ट येशू नाप मिलय् जुयाच्‍वंपिं दोषी जुइ मखु।

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

१ कोरिन्‍थी 13:11

मचाबलय् जिं मस्‍तय्‌सं थें नवायेगु, मस्‍तय्‌सं थें मतिइ तयेगु, मस्‍तय्‌सं थें बिचाः यायेगु। आः जि तःधि जुइ धुन, उकिं जिं मचाबलय्‌यागु फुक्‍कं त्‍वःताछ्वये धुन।

२ कोरिन्‍थी 12:2

झिंप्‍यदँ न्‍ह्यः छम्‍ह विश्‍वासीयात ज्‍वनाः स्‍वंगूगु स्‍वर्गय् थत यंकल, व मनूयात जिं म्‍हस्‍यू। थथे वयात म्‍हनापं यंकल कि म्‍ह मदय्‌क व जिं मस्‍यू, परमेश्‍वरं जक स्‍यू।

२ कोरिन्‍थी 5:16

अय्‌जूगुलिं आवंलि जिमिसं सुयातं ख्‍वाः स्‍वयाः लने मखुत। खः ला, छकः ख्रीष्‍टयात हे जिमिसं अथे ख्‍वाः स्‍वयाः लनेधुन। आः वय्‌कःयात जिमिसं अथे लनेगु त्‍वःतेधुन।

२ कोरिन्‍थी 5:19

ख्रीष्‍टपाखें फुक्‍क मनूतय्‌त परमेश्‍वरं थःनाप मिलय् यानाच्‍वंगु दु धकाः जिमिसं न्‍यंकाच्‍वनागु दु। मनूतय्‌सं याःगु पापया ल्‍याः तयामदिसे वय्‌कलं सकसितं थःलिसे मिलय् यानादीगु खँ मेमेपिन्‍त नं न्‍यंकेत जिमित धयादीगु दु।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।

गलाती 5:6

झीपिं ख्रीष्‍टनाप मिलय् जुइ धुन धाःसा म्‍हय् चिं तःसां मतःसां छुं नं पाइ मखु। झीत माःगु ला विश्‍वास खः। थ्‍व हे विश्‍वासं यानाः झीसं माया याये फइ।

गलाती 6:15

म्‍हय् चिं तःसां मतःसां छुं मपा। दक्‍वसिबय् तःधंगु ला न्‍हूम्‍ह जुयाः म्‍वानाच्‍वनेगु खः।

एफिसी 2:10

छाय्‌धाःसा झीपिं भिंगु ज्‍याया निंतिं ख्रीष्‍ट येशूपाखें सृष्‍टि यानातःपिं वय्‌कःया ल्‍हाःया सीप खः। वय्‌कलं न्‍हापांनिसें दय्‌कातःगु भिंगु ज्‍याखँ झीगुपाखें जुइ फयेमा धकाः झीत तयार यानादीगु खः।

एफिसी 2:15

थथे यायेत वय्‌कलं यहूदीतय्‌गु व्‍यवस्‍थाय् च्‍वंगु आज्ञा व नियम त्‍वथुलादिल। अले यहूदीतय्‌त नं यहूदीमखुपिन्‍त नं थःत विश्‍वास याकाः मिलय् यानाः छम्‍ह हे यानादिल। थुकथं वय्‌कलं झीत शान्‍ति बियादिल।

फिलिप्‍पी 4:21

फुक्‍क विश्‍वासीतय्‌त जिं न्‍यनाहःगु दु धकाः धयाब्‍यु। जि नाप थन दुपिं दाजुकिजापिन्‍सं नं छिमित न्‍यनाहःगु दु।