२ कोरिन्‍थी 5:12 - नेवाः बाइबल

¹² हानं जिपिं भिंपिं मनूत खः धकाः धायेत छिमित थथे च्‍वयाच्‍वनागु मखु। बरु जिमिगु पंलिनाः छिपिं तःधं जुइ फयेमा धकाः थथे च्‍वयाच्‍वनागु खः। थथे मनूतय्‌गु नुगः मस्‍वसे, ख्‍वाःपाः जक स्‍वयाः खँ ल्‍हाइपिं मनूतय्‌त छिमिसं कुगाक्‍क लिसः बी फयेमा।

२ कोरिन्‍थी 5:12 ပူးပေါင်းရင်းမြစ်များ

हितोपदेश 27:2

थथःम्‍हं तःधना जुइ मते, बरु मेपिन्‍त तःधंके ब्‍यु।

२ कोरिन्‍थी 1:14

थौंकन्‍हय् छिमिसं जिमिगु खँ भचासां थुइ धुंकल। प्रभु येशू हानं झायादीबलय् छिपिं खनाः गथे जिमिसं छ्यं धस्‍वाके फइ अथे हे छिमिसं जिपिं खनाः छ्यं धस्‍वाके फइ।

२ कोरिन्‍थी 10:12

थःम्‍हं थःत तःधंका जुइपिं मनूतलिसे थःपिन्‍त दाना स्‍वयेगु व इमिगु ज्‍वलिंज्‍वलय् च्‍वनेत जिमिके आँट मदु। इमिसं थःम्‍हं थःत दाना स्‍वइ, अले लना स्‍वइ। इपिं छुं मस्‍यूपिं जुइ।

२ कोरिन्‍थी 10:18

प्रभुं तःधं धाःम्‍ह मनू जक तःधंम्‍ह जुइ, थःत थःम्‍हं तःधं धकाः धया जुइवं व तःधं जुइ मखु।

२ कोरिन्‍थी 10:7

पिनेयागु खनेदुगु खँय् जक छिमिसं मन तयाच्‍वन। छिमिथाय् “जि ख्रीष्‍टयाम्‍ह मनू खः” धया जुइम्‍ह सुं दुसा वं थ्‍व नं सीके माःगु खः – व गथे ख्रीष्‍टयाम्‍ह खः जिपिं नं अथे हे ख्रीष्‍टयापिं खः।

२ कोरिन्‍थी 10:8

परमेश्‍वरं जितः बियादीगु अधिकारया खँय् छुं भचा घमण्‍ड यानागु जूसां जि लज्‍या चाये मखु, छाय्‌धाःसा थथे यानागु छिमित हे भिंकेत खः, स्‍यंकेत मखु।

२ कोरिन्‍थी 12:11

छिमिसं यानाः मूर्खम्‍ह मनुखं थें जिं छिमित थथे धया च्‍वनेमाली। धायेमाल धाःसा छिमिगुपाखें जि तःधने माःगु खः। जि छुं मखुसां छिमिसं जितः हनेमाःगु खः। तःधं धाःपिं प्रेरितत स्‍वयाः जि कम मजू।

२ कोरिन्‍थी 3:1

जिमिसं थःपिन्‍त तःधंकागु मखु। मेपिं मनूत थें जिमित छिमिगुपाखें सिफारिस पौ कायेगु वा छिमित सिफारिस पौ बीमाःगु मदु।

२ कोरिन्‍थी 6:4

न्‍ह्यागु हे याःसां जिपिं परमेश्‍वरयागु ज्‍या याइपिं मनूत खः धकाः क्‍यना। सह यानाः सह याये मफयेगु दुःखकष्‍ट जुलं नं, नये मखनं नं, अले तसकं थाकुलं नं जिमिसं सह यानाच्‍वना।

फिलिप्‍पी 1:26

जि छिमिथाय् हाकनं वयेबलय् जि वःगुलिं छिमिसं ख्रीष्‍ट येशूयात अज्‍ज अप्‍वः तःधंकी।