२ कोरिन्‍थी 5:11 - नेवाः बाइबल

¹¹ अय्‌जूगुलिं प्रभुया भय कायेगु छु खः व जिमिसं बांलाक थूगुलिं मेपिं मनूतय्‌त नं प्रभुयात मानय् याकेत कुतः यानाच्‍वनागु खः। परमेश्‍वरं जिमित बांलाक म्‍हस्‍यू, छिमिसं नं जितः बांलाक म्‍हसी धयागु आशा यानागु दु।

२ कोरिन्‍थी 5:11 ပူးပေါင်းရင်းမြစ်များ

उत्‍पत्ति 35:5

इपिं अनं वँसेंलि परमेश्‍वरं इमिगु जवंखवं च्‍वंगु शहरयात ग्‍याःचिकुं भुनाबिल। अले सुनानं याकूब व वया मनूतय्‌त लीमफुत।

अय्‍यूब 18:11

वयागु छचाःखेरं आतंक दइ, अले पलाः पलाखय् वयात लिनायंकी।

अय्‍यूब 31:23

छाय्‌धाःसा जि परमेश्‍वरपाखें वःगु विपत्ति खनाः जि ग्‍याः। वय्‌कःया गौरवं यानाः जिं थथे याये फइ मखु।

अय्‍यूब 6:4

छाय्‌धाःसा दक्‍व शक्ति दुम्‍ह परमेश्‍वरयागु वाण जिगु दुने दु। जिगु आत्‍मां उमिगु बिख त्‍वनीगु, परमेश्‍वरयागु आतंक जिगु विरोधय् झ्‍वःलिंक दनाच्‍वंगु दु।

भजनसंग्रहया सफू 73:19

इपिं मिखा पीमलावं नाश जुयावनी। इपिं ग्‍यानापुक्‍क हे नाश जुयावनी।

भजनसंग्रहया सफू 76:7

हे परमप्रभु, छि हे छम्‍ह जक खः भय काये बहःम्‍ह। छि तंम्‍वइबलय् छिगु न्‍ह्यःने सु च्‍वने फु?

भजनसंग्रहया सफू 90:11

छिगु तंया शक्ति सुनां सीके फु? छिगु तं नं छिगु भय कायेगु ति हे तःधं धकाः सुनां स्‍यू?

यशैया 19:16

व दिंखुन्‍हु मिश्रीत मिसात थें कमजोर जुइ। दक्‍व शक्ति दुम्‍ह परमप्रभुं इमित सजाँय बीत ल्‍हाः ल्‍ह्वनादीगु खनाः मिश्रीत तसकं ग्‍यानाः थरथर खाइ।

यशैया 33:14

सियोनय् च्‍वंपिं पापीत ग्‍याःगु दु। परमप्रभु मदु धकाः धयाजुइपिं थरथर खानाः ग्‍याःगु दु। इमिसं धाइ, “भस्‍म याइगु मिनापं झीपिं सु जक च्‍वने फइ? सदां च्‍यानाच्‍वनीगु मिनापं झीपिं सु जक च्‍वने फइ?”

नहूम 1:6

वय्‌कःया तंया न्‍ह्यःने सु दने फइ? वय्‌कःयागु तच्‍वःगु तं सुनां सह याये फइ? वय्‌कःयागु च्‍यानाच्‍वंगु तं मि थें प्‍वंकी, अले वय्‌कःया न्‍ह्यःने ल्‍वहँधीत तज्‍याइगु जुइ।

मत्ती 10:28

“म्‍ह जक स्‍याये फुपिं, आत्‍मा स्‍याये मफुपिंलिसे छिपिं ग्‍याये मते। बरु छिमिगु म्‍ह व आत्‍मा नितांयात नरकय् छ्वयादी फुम्‍हलिसे जक ग्‍याना च्‍वँ।

मत्ती 25:46

“थुमित सदां सास्‍ती बिया तइ। अले परमेश्‍वरं धयादी थें यानाच्‍वंपिन्‍त जक अनन्‍त जीवन दइ।”

लूका 12:5

अय्‌नं सु नाप ग्‍यायेमाः व खँ जिं छिमित धाये – छिमिगु म्‍ह व आत्‍मा नितांयात नरकय् छ्वयादी फुम्‍ह परमेश्‍वरलिसे जक ग्‍याना च्‍वँ। खः, जिं धाये – वय्‌कःलिसे हे जक ग्‍याना च्‍वँ।

लूका 16:31

अले अब्राहामं हानं धाल – ‘मोशायागु व्‍यवस्‍था व अगमवक्तातय्‌गु सफूयात हे इमिसं वास्‍ता मयाःसा सीम्‍ह मनुखं म्‍वाना वनाः धाःगु खँ नं इमिसं विश्‍वास याइ मखु।’”

प्रेरित 13:43

सभा क्‍वचाय् धुंकाः यक्‍व हे यहूदीत व यहूदी जूपिं मनूत इपिं नाप वन। पावल व बारनाबासं परमेश्‍वरं धयादी थें याना च्‍वँ धकाः इमित बःबियाः धाल।

प्रेरित 18:13

“थ्‍व मनुखं व्‍यवस्‍थाया विरोधय् परमेश्‍वरयागु सेवा यायेगु खँ स्‍यनाः मनूतय्‌त स्‍यंकाच्‍वन।”

प्रेरित 18:4

पावलं विश्रामबार पतिकं धर्मशास्‍त्र स्‍यनीगु छेँय् वनाः यहूदीतय् नायःतय्‌त व ग्रीकतय्‌त विश्‍वास याकेत स्‍वयाच्‍वन।

प्रेरित 19:26

एफिससय् जक मखु, सारा एशियाय् हे थ्‍व पावलं मनूतय्‌त ल्‍हातं दय्‌कूम्‍ह द्यः ला द्यः हे मखु धकाः स्‍यनाः विश्‍वास याकाः ल्‍हातय्‌ कया जूगु ला छिकपिन्‍सं सि हे स्‍यू, अले न्‍यंगु नं द हे दु।

प्रेरित 26:26

अग्रिपास जुजुं नं थ्‍व खँ स्‍यू। जिं वय्‌कःयात मग्‍यासे धायेफु। वय्‌कलं थ्‍व खँ बांलाक हे स्‍यू, छाय्‌धाःसा थ्‍व खँ सुं मदुथाय् धाःगु मखु।

प्रेरित 28:23

अले इमिसं छन्‍हु पावलया खँ न्‍यनेगु क्‍वःछित। क्‍वःछिना तःखुन्‍हु हे इपिं फुक्‍क पावल च्‍वनाच्‍वंगु छेँय् मुंवल। उखुन्‍हु वं सुथंनिसें बहनी तकं इमित परमेश्‍वरयागु राज्‍ययागु खँ बांलाक ध्‍वाथुइक कन। मोशायागु व्‍यवस्‍था व अगमवक्तातय्‌गु सफुलिं ग्‍वाहालि कयाः वं येशूयागु खँ नं ध्‍वाथुइक कन।

२ कोरिन्‍थी 2:17

व्‍यापार याये थें जिमिसं परमेश्‍वरयागु भिंगु खँ न्‍यंकाच्‍वनागु मखु। जिमित परमेश्‍वरं हे छ्वया हयादीगुलिं ख्रीष्‍टया च्‍यःतय्‌सं थें जिमिसं खःगु खँ जक नवानाजुयागु दु।

२ कोरिन्‍थी 5:20

अय्‌जूगुलिं जिपिं ख्रीष्‍टं छ्वयाहयादीपिं मनूत खः। जिमिगुपाखें परमेश्‍वर छिपिंनाप नवानाच्‍वनादीगु दु। ख्रीष्‍टयागु निंतिं जिमिसं थथे नवानाच्‍वनागु खः। छिपिं फुक्‍कसिनं पापी ज्‍याखँ यायेगु त्‍वःताः परमेश्‍वर नाप मिलय् जुइत वय्‌कःयाथाय् लिहां वा धकाः जिमिसं दुनुगलंनिसें छिमित बिन्‍ति यानाच्‍वनागु दु।

२ कोरिन्‍थी 6:1

परमेश्‍वर नाप जिमिसं थथे ज्‍या यानाच्‍वनागुलिं वय्‌कःयागु दया माया छिमिसं सितिं छ्वयेगु स्‍वये मते धकाः जिमिसं इनाप यानाच्‍वनागु खः।

गलाती 1:10

जिं थथे धयाच्‍वनागु छु मनूतय्‌त लय्‌ताय्‌केत खः ला? मखु! जिं ला परमेश्‍वरयात हे लय्‌ताय्‌केत थथे यानाच्‍वनागु खः। जिं मनूतय्‌त लय्‌ताय्‌केत यानागु जूसा जि येशू ख्रीष्‍टया सेवा याइम्‍ह दास हे जुइ फइ मखु।

एफिसी 5:21

ख्रीष्‍टयात मानय् यानाच्‍वंपिं जुयाः छिमिसं छम्‍हं मेम्‍हय्‌सिगु खँ न्‍यनेगु या।

हिब्रू 10:31

म्‍वाःम्‍ह परमेश्‍वरया ल्‍हातिइ लायेगु तसकं ग्‍यानापुगु खँ खः।

हिब्रू 12:29

झीम्‍ह परमेश्‍वर भस्‍म याना छ्वइम्‍ह मि खः।

यहूदा 1:23

मिइ क्‍वब्‍वाय् त्‍यंपिन्‍त साला का। पाप याइपिन्‍त नं दया या। अथेसां बांलाक होश या, थथे यायेबलय् छिमित हे पापयागु च्‍याः मथायेमा।

प्रकाश 20:15

जीवनयागु सफुलिइ नां च्‍वया मतःपिं फुक्‍कसितं मि गालय् वांछ्वल।