२ कोरिन्‍थी 5:10 - नेवाः बाइबल

¹⁰ न्‍याय यानादी खुन्‍हु झीपिं सकलें ख्रीष्‍टया न्‍ह्यःने दंवने मानि। अबलय् थन संसारय् च्‍वनाः भिंगु यानावंपिन्‍त भिंक हे, अले मभिंगु यानावंपिन्‍त मभिंक हे न्‍याय यानादी।

२ कोरिन्‍थी 5:10 ပူးပေါင်းရင်းမြစ်များ

उत्‍पत्ति 18:25

छिं मभिंपिं मनूतलिसें भिंपिं मनूतय्‌त नं स्‍यानादी मखु। थथे जुल धाःसा ला भिंपिन्‍सं नं मभिंपिन्‍सं थें हे सजाँय फये मालिगु जुल। संसारया न्‍याय याइम्‍हय्‌सिनं खःकथं न्‍याय यानामदी ला?”

१ राजा 8:32

छिं स्‍वर्गं न्‍यनाः वकथं हे यानादिसँ। थः दासतय्‌गु दथुइ न्‍याय यानादिसँ। दोषीयात पाय्‌छिगु सजाँय बियादिसँ, दोषी मखुम्‍हय्‌सित त्‍वःतकादिसँ।

१ राजा 8:39

इमिगु प्रार्थना न्‍यनादिसँ। स्‍वर्गय् थः च्‍वनादीगु थासय् छिं इमिगु प्रार्थना न्‍यनादिसँ अले इमित क्षमा यानादिसँ, इमित ग्‍वाहालि यानादिसँ। छिं जक सकलें मनूतय्‌गु बिचाः स्‍यू। उकिं वयागु ज्‍याकथं वयात लिच्‍वः बियादिसँ।

अय्‍यूब 34:11

छाय्‌धाःसा वय्‌कलं ला मनूयात वयागु ज्‍या स्‍वयाः फल बियादी, वयागु पहःचहःकथं फल बियादी।

भजनसंग्रहया सफू 62:12

सदां दयाच्‍वनीगु माया नं जिगु हे खः।” हे परमप्रभु छिं मनूतय्‌गु ज्‍या स्‍वयाः सिरपाः बियादी।

भजनसंग्रहया सफू 98:9

थ्‍व परमप्रभुया न्‍ह्यःने जुइमा। छाय्‌धाःसा वय्‌कः पृथ्‍वीइ राज्‍य यायेत झायादीत्‍यंगु दु। वय्‌कलं धार्मिकतां सुयागु पँ मलीसें संसारयापिं मनूतय्‌गु न्‍याय यानादी।

उपदेशक 11:9

हे ल्‍याय्‌म्‍हम्‍ह मनू, ल्‍याय्‌म्‍हबलय् हे लय्‌ताया च्‍वँ! छंगु नुगलय् थःगु ल्‍याय्‌म्‍हसूबलय् लय्‌तायाच्‍वने फयेमा। छंगु मिखां खंगुलिइ व छंगु नुगःया खँया ल्‍यूल्‍यू जु! तर बांलाक बिचाः या! परमेश्‍वरं थुपिं फुक्‍क खँया न्‍याय यानादी।

उपदेशक 12:14

झीसं यानागु ज्‍या, भिं जुइमा वा मभिं जुइमा, सुला याःगु ज्‍यानापं फुक्‍क खँया न्‍याय परमेश्‍वरं यानादी।

इजकिएल 18:30

“अथे जुयाः अय् इस्राएलया घराना, जिं छिपिं छम्‍ह छम्‍हय्‌सिगु न्‍याय वयागु पहःचहःकथं याये, जि, परमप्रभु परमेश्‍वर न्‍ववानागु दु। पस्‍ताय् चा, थःगु फुक्‍क अपराधपाखें लिहां वा, अले छिमिगु पाप छिमिगु पतनया कारण जुइ मखु।

मत्ती 16:27

आः याकनं हे परमेश्‍वरं मनूया काय्‌यात झःझः धाय्‌क स्‍वर्गदूतत नाप छ्वयाहयादी। अले वय्‌कलं छम्‍ह छम्‍ह मनूयात इमिगु ज्‍या स्‍वयाः सिरपाः बियादी।

प्रेरित 10:42

व हे येशूं जिमित थ्‍व भिंगु खँ न्‍यंका जुइत व परमेश्‍वरं वय्‌कःयात हे सीपिनि व म्‍वाःपिनि न्‍यायाधीश यानादीगु दु धकाः न्‍यंका जुइत उजं बियादिल।

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

रोमी 2:16

परमेश्‍वरं न्‍याय यानादीबलय् वय्‌कलं फुक्‍क मनूतय्‌त जिं न्‍यंकाच्‍वनागु भिंगु खँय् च्‍वया तः थें ख्रीष्‍ट येशूपाखें फुक्‍क मनूतय्‌गु मनय् दुने च्‍वंगु खँया न्‍याय यानादी।

रोमी 6:19

छिमिसं बांलाक थुइके थाकुइ धकाः जिं मनूतय्‌सं थें धयाच्‍वनागु खः। न्‍हापा छकः छिमिसं पापी ज्‍याखँ जक यायेगुलिं अप्‍वः मन तया जुइ धुंकू थें आः भिंगु ज्‍याखँय् अप्‍वः मन तया जु। आः पवित्र जुइत छिमिगु जीवन परमेश्‍वरया निंतिं लःल्‍हानाब्‍यु।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

२ कोरिन्‍थी 7:3

छिमित दोष बीत जिं थथे धयाच्‍वनागु मखु। छिपिं ला जिमित तसकं यः। सीसां म्‍वाःसां झीपिंनापं हे जुइ।

एफिसी 6:8

दास जूसां मजूसां भिंगु ज्‍या याःपिं न्‍ह्याम्‍हय्‌सित नं परमेश्‍वरं सिरपाः बियादी धकाः ला छिमिसं सि हे स्‍यू।

हिब्रू 9:27

मनू छकः सी, अले सीधुंकाः वयागु न्‍याय जुइ।

१ पत्रुस 4:5

इमिसं सी धुंकूपिन्‍त नं म्‍वानाच्‍वंपिन्‍त नं न्‍याय यानादीम्‍ह परमेश्‍वरयात लिसः बी माली।

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।

प्रकाश 22:12

“स्‍व, जि याकनं हे वयेत्‍यनागु दु। मनूतय्‌गु ज्‍या स्‍वयाः जिं इमित बीमाःगु इनाम बी।

१ शमूएल 2:10

परमप्रभुया विरोध याइपिं नाश जुयावनी, वय्‌कः इमिगु विरोधय् स्‍वर्गं नँ न्‍याःगु सलं हालादी। पृथ्‍वीया कुंकुलामय् तक नं वय्‌कलं न्‍याय यानादी। “वय्‌कलं जितः शक्ति बियादीगु दु अले थम्‍हं अभिषेक यानाम्‍हय्‌सिगु छ्यं धस्‍वाकादी।”

१ शमूएल 2:3

“छं घमण्‍ड यायेगु त्‍वःताछ्व अले तःधंछुया न्‍वंवायेगु त्‍वःताछ्व। छाय्‌धाःसा परमप्रभु फुक्‍क खँ स्‍यूम्‍ह परमेश्‍वर खः। अले मनूतय्‌सं याःगु फुक्‍क ज्‍याया न्‍याय यानादी।