२ कोरिन्‍थी 5:1 - नेवाः बाइबल

¹ झीगु थ्‍व म्‍ह झीपिं च्‍वनेगु संसारयागु छेँ थें खः। गुबलय् झीपिं सी अबलय् परमेश्‍वरं झीत मेगु न्‍हूगु म्‍ह बियादी। न्‍हूगु म्‍ह मनूतय्‌सं दय्‌कातःगु छेँ थें मखु। सदां दयाच्‍वनीगु स्‍वर्गयागु छेँ थें खः।

२ कोरिन्‍थी 5:1 ပူးပေါင်းရင်းမြစ်များ

उत्‍पत्ति 3:19

चाय् तना मवंतले छं हिचःति हाय्‌काः नयेमाली। छाय्‌धाःसा छन्‍त चां हे दय्‌कूगु खः। छ चा खः, अले चा हे जुयावनी।”

अय्‍यूब 30:22

छिं जितः ज्‍वनाः फय्‌या न्‍ह्यःने वान्‍छ्वयादी। छिं जितः ग्‍वःफसय् फुत्त वान्‍छ्वयादी।

अय्‍यूब 4:19

चायागु छेँय् च्‍वंपिन्‍के छाय् झन अप्‍वः दोष लुइकामदी? इमिगु लिधंसा ला धू हे खः, गुगु लापाचा थें काच्‍याक कुच्‍युक याये फइ।

भजनसंग्रहया सफू 56:9

जिं ग्‍वाहालिया निंतिं छितः प्रार्थना यायेबलय् जिमि शत्रुत बिस्‍युं वनी। परमेश्‍वर जिलिसें हे दु धकाः जिं स्‍यू।

यशैया 38:12

जवाःतय्‌गु पाल थें जिगु जीवन जिपाखें लाकायंकल। तान थाइम्‍हं कापः तु थें जिं जिगु जीवन तुलागु दु अले वय्‌कलं जितः तानं चानादीगु दु। न्‍हिच्‍छि व चच्‍छिं हे छिं जिगु जीवनयात अन्‍त यानादीगु दु।

मर्कूस 14:58

“थ्‍व मनुखं थथे धाःगु ला जिमिसं ताया – ‘ल्‍हातिं दय्‌कातःगु थ्‍व देगःयात जिं थुनाः स्‍वन्‍हुं हे हानं ल्‍हातिं दय्‌किगु मखुगु देगः दना बी।’”

प्रेरित 7:48

अय्‌जूसां दकलय् तःधंम्‍ह परमेश्‍वर मनूतय्‌गु ल्‍हातं दय्‌कूगु देगलय् च्‍वनादी मखु धकाः अगमवक्तातय्‌सं थथे च्‍वया थकूगु दु –

१ कोरिन्‍थी 3:9

जिपिं ला परमेश्‍वरयागु ज्‍या याः जुइपिं ज्‍यामित जक खः, अले छिपिं परमेश्‍वरयागु बुँ खः। छिपिं परमेश्‍वरयागु छेँनं खः।

२ कोरिन्‍थी 4:7

चायागु थलय् तःजिगु धन तः थें परमेश्‍वरं जिमिगु मनय् झल्‍ल मत थीकादिल। थुकिं हे जिमिगु शक्ति मखु, बरु वय्‌कःयागु शक्ति खः धकाः सी दइ।

२ कोरिन्‍थी 5:4

थ्‍व संसारय् झीपिं म्‍वाना च्‍वंतले झीत तसकं दुःखकष्‍ट जुया च्‍वनीगुलिं झीगु मन ख्‍वः। अथे धकाः झीपिं सीत आय्‌बुयाच्‍वनागु मखु, बरु स्‍वर्गय् च्‍वंगु न्‍हूगु म्‍ह फीत आय्‌बुयाच्‍वनागु खः।

कलस्‍सी 2:11

छिमिसं ख्रीष्‍टयात विश्‍वास यानाच्‍वंगु हे धात्‍थें म्‍हय् चिं तःगु खः। थ्‍व चिं मनूतय्‌गु ल्‍हातं तःगु मखु, बरु पापं लिफ्‍याइगु ख्रीष्‍टयागु हे चिं खः।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

हिब्रू 11:10

अब्राहाम ला सदां दयाच्‍वनीगु जगय् परमेश्‍वरं हे दय्‌कादीगु शहरय् च्‍वनेत पियाच्‍वंम्‍ह खः।

हिब्रू 9:11

ख्रीष्‍ट ला थन दुगु फुक्‍क भिंगु खँया दकलय् तःधंम्‍ह पुजाहारी जुयाः झायादीगु दु। वय्‌कः झन तःधंगु व सिद्धगु थासय् दुहां झायादीगु दु। थ्‍व मनूतय्‌सं दय्‌कूगु मखु, अले सृष्‍टि यानातःगु थ्‍व संसारयागु नं मखु।

हिब्रू 9:24

ख्रीष्‍ट मनूतय्‌सं स्‍वर्गयागु किपालु थें जक यानाः दय्‌कातःगु महा-पवित्रगु थाय् दुने मखु, बरु झीगु निंतिं स्‍वर्गय् हे परमेश्‍वरया न्‍ह्यःने झायादीगु दु।

१ पत्रुस 1:4

परमेश्‍वरं वय्‌कःया मनूतय्‌त स्‍वर्गय् गुबलें आशां मद्याइगु, न्‍हना मवनीगु, फुना मवनीगु सम्‍पत्ति तयादीगु दु।

२ पत्रुस 3:11

थथे फुक्‍कं नाश जुया वनीगुलिं छिपिं गज्‍याःपिं मनूत जुयाः म्‍वानाच्‍वनेमाः? छिमिसं पवित्र जुयाः, थःत परमेश्‍वरयात देछायाः म्‍वानाच्‍वनेमाः।

१ यूहन्‍ना 3:14

झी मृत्‍युं जीवनय् न्‍ह्याये धुन धयागु थुकिं हे सी दु। झीसं थः दाजुकिजापिन्‍त माया याना। थः दाजुकिजापिन्‍त माया मयाइम्‍ह मनू कालयागु ल्‍हातय् हे लानाच्‍वनी।

१ यूहन्‍ना 3:19

थुकिं हे झीपिं सत्‍यपिं खः धकाः सीका धायेफु। अले परमेश्‍वरया न्‍ह्यःने ढुक्‍कं च्‍वने फु।

१ यूहन्‍ना 3:2

अय् जि यःपिं मस्‍त, आः ला झीपिं परमेश्‍वरया सन्‍तान खः धकाः झीसं स्‍यू। अय्‌नं लिपा झीपिं गज्‍याःपिं जुइ धयागु खँ झीत कना मदीनि। अय्‌सां ख्रीष्‍ट झायादीबलय् झीपिं वय्‌कः थें हे जुइतिनि धकाः झीसं स्‍यू। अले तिनि वय्‌कः गथे च्‍वं धकाः झीसं खनी।