२ कोरिन्‍थी 4:4 - नेवाः बाइबल

⁴ थ्‍व संसारया द्यवं विश्‍वास मयाःपिनिगु मनयात छुं हे थुइके मफय्‌क कां यानातःगु दु। अथे जूगुलिं इमिसं भिंगु खँ थुइके फइ मखु। अले ख्रीष्‍टया महिमा गुलि तःधं व वय्‌कः हे झःझः धाःम्‍ह परमेश्‍वरयागु रूप खः धकाः इमिसं सी मखु।

२ कोरिन्‍थी 4:4 ပူးပေါင်းရင်းမြစ်များ

१ राजा 22:22

“परमप्रभुं न्‍यनादिल, ‘गथे याना?’ “आत्‍मां लिसः बिल, ‘जि वनाः वया फुक्‍क अगमवक्तातय्‌गु म्‍हुतुइ मखुगु खँ ल्‍हाइगु आत्‍मा जुये।’ “परमप्रभुं धयादिल, वयात हेय्‌केत छ ताःलाइ। ‘हुँ, वनाः अथे हे या।’”

भजनसंग्रहया सफू 50:2

तसकं बांलाःगु सियोन पर्वतं परमेश्‍वर थिनावइ।

यशैया 6:10

अनंलि वय्‌कलं जितः धयादिल, छं थुपिं मनूतय्‌गु नुगः छाकाब्‍यु, इमिगु न्‍हाय्‌पं ख्‍वाँय् यानाब्‍यु, अले इमिगु मिखा कां यानाब्‍यु, मखुसा इमिसं मिखां खनी, न्‍हाय्‌पनं ताइ अले न्‍यना, सीकि थुइकी थुकथं इमिगु ल्‍वये लनाः जिपाखे लिहां वइ।”

मत्ती 13:22

परमेश्‍वरयागु वचन न्‍यनाः नं धन सम्‍पत्तियागु माया कयाजुइपिं व संसारयागु खँय् च्‍यूताः तया जुइपिं मनूत कंमा दुथाय् लाःगु पुसा थें खः। थुमिसं परमेश्‍वरयागु वचनयात गुम्‍से यानाबी। अले थुकिं अन्‍न सय्‌की मखु।

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

यूहन्‍ना 1:18

परमेश्‍वरयात सुनानं गुबलें हे खंगु मदु। अय्‌नं बाः नाप च्‍वंम्‍ह याकः काय्‌नं हे वय्‌कःयात क्‍यनादीगु दु।

यूहन्‍ना 12:31

आः थ्‍व संसारयागु न्‍याय जुइ। आः थ्‍व संसारयाम्‍ह शासकयात पितिनाछ्वइ।

यूहन्‍ना 12:35

वय्‌कलं इमित धयादिल – “छिकपिन्‍थाय् आः छुं ई तक जक जः खयाच्‍वनी, जः दतले छिकपिं सना जु, मखुसा छिकपिन्‍त खिउँगुलिं त्‍वपुइ। खिउँथाय् जुइपिन्‍सं थः गन वनाच्‍वना धयागु तकं सी मखु।

यूहन्‍ना 12:40

“परमेश्‍वरं इमिगु मिखा कां यानाः नुगः छाय्‌का बिल। थथे जूगुलिं इमिसं मिखां खनी मखु, अले मनं थुइके फइ मखु, अले लाय्‌केत जिथाय् लिफः स्‍वयाः वइ मखु।”

यूहन्‍ना 12:45

अथे हे जितः खंम्‍हय्‌सिनं जितः खंगु मखु, बरु जितः छ्वया हयादीम्‍हय्‌सित खंगु खः।

यूहन्‍ना 14:30

“थ्‍व संसारयात शासन याइम्‍ह वयाच्‍वंगु दु, उकिं जि छिपिंनाप अप्‍वः खँ ल्‍हाना च्‍वने मखुत। वलिसे जिगु छुं स्‍वापु मदु।

यूहन्‍ना 15:24

सुनानं मयाःगु ज्‍या जिं इमिगु न्‍ह्यःने यानाः मक्‍यंगु जूसा इमित पाप लाइ मखुगु। तर इमिसं थ्‍व अजू चायापुगु ज्‍या स्‍वयाः नं जितः व जिमि बाःयात नं हेला यात।

यूहन्‍ना 16:11

वय्‌कलं परमेश्‍वरया न्‍याय छु खः क्‍यनादी, छाय्‌धाःसा थ्‍व संसारया शासक न्‍हापा हे दोषी खः धकाः न्‍याय याये धुंकल।”

यूहन्‍ना 8:12

येशूं हानं मनूतय्‌त धयादिल – “जि संसारया जः खः। जि नाप जुइम्‍ह मनू खिउँथाय् जुइ माली मखु, बरु वयात जीवनया जः दइ।”

प्रेरित 26:18

इमिगु मिखा चाय्‌का बीत, इमित खिउँथासं जलय् हयेत, अथे हे जितः विश्‍वास याकाः पाप क्षमा याकेत, शैतानपाखें लिगनाः परमेश्‍वरयाथाय् पवित्र याके हयेत जिं छन्‍त इमिथाय् छ्वयाच्‍वना।’”

प्रेरित 26:23

इमिसं धाःगु खँ थ्‍व हे खः – ‘मुक्ति बीम्‍ह ख्रीष्‍ट सी हे माः, अले हानं दकलय् न्‍हापा वय्‌कःयात हे सीम्‍हं म्‍वाकादी। वय्‌कलं हे यहूदी व यहूदीमखुपिं सकसितं बचय् यानाः जः बियादी।’”

१ कोरिन्‍थी 10:20

जिं धायेत्‍यनागु खँ छु धाःसा मूर्तियात छाःगु फुक्‍कं भूतआत्‍मातय्‌त छाःगु खः, परमेश्‍वरयात छाःगु मखु। अय्‌जूगुलिं छिपिं भूतआत्‍मा नाप मिलय् जुयाच्‍वने मते धयागु जिगु धापू खः।

२ कोरिन्‍थी 2:11

झीसं थथे क्षमा याःसा शैतानं झीत स्‍यंके फइ मखु। शैतानं झीत न्‍ह्याथे यानाः सां क्‍वथलेत स्‍वयाच्‍वंगु खँ झीसं स्‍यू।

२ कोरिन्‍थी 2:12

ख्रीष्‍टयागु भिंगु खँ न्‍यंकेत जि त्रोआसय् वयाबलय् अन ज्‍या यायेत प्रभुं जितः लुखा चाय्‌कादिल।

२ कोरिन्‍थी 3:11

छुं ई तक जक दयाच्‍वनीगु ला उलि झःझः धाः धाल धाःसा सदां दयाच्‍वनीगु गुलि जक झःझः धाइगु जुइ?

२ कोरिन्‍थी 3:14

अबलय् इस्राएलीतय्‌गु नुगः छाः। थौं तक नं इमिसं व्‍यवस्‍था ब्‍वनीबलय् थुइके मफुनि, इमिगु नुगःयात जालिं भुनातः नि। अले इमिसं छुं हे थुइके फइ मखु। ख्रीष्‍टयात विश्‍वास याये धुंकाः थ्‍व जालि चिलावनी।

२ कोरिन्‍थी 3:18

थुकथं झीगु ख्‍वाः उलातःगुलिं प्रभुयागु जलं झल झल थिनाच्‍वंगु दु। प्रभुयागु जलं झीपिं नं न्‍हियान्‍हिथं प्रभु थें जुइत छगू जलं मेगु जलय् हिला वनाच्‍वनागु दु।

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

गलाती 1:4

थ्‍व मभिंगु इलं बचय् यायेत झीगु पापयागु निंतिं झी परमेश्‍वर बाःनं धयादी थें येशू थः हे सिनादिल।

एफिसी 2:2

थ्‍व संसारयापिं मनूतय्‌सं थें छिमिसं नं पापी ज्‍याखँ याना जूगु खः। अले मभिंगु ज्‍याखँया नायः शैतानं धाःथें जुयाच्‍वंगु खः। थ्‍व शैतानं परमेश्‍वरयात विश्‍वास मयाःपिन्‍त थःगु ल्‍हातय् कयातःगु दु।

एफिसी 6:12

झीगु ल्‍वापु मनूतलिसे मखु। बरु आकाशय् च्‍वंगु दुष्‍ट आत्‍माया शक्ति, थ्‍व खिउँगु संसारया शक्ति अले थ्‍व संसारया शासकत व अधिकार दुपिनिगु फौज लिसे खः।

फिलिप्‍पी 2:6

ख्रीष्‍ट येशू परमेश्‍वर हे जुयाः नं वय्‌कलं थःत परमेश्‍वर भाःपिया मदी।

कलस्‍सी 1:15

येशू ख्रीष्‍ट हे खने मदुम्‍ह परमेश्‍वरयागु खनेदुगु रूप खः। वय्‌कः थ्‍व संसार हे सृष्‍टि मयाःनिबलय् निसें दुम्‍ह खः।

कलस्‍सी 1:27

थथे व गुप्‍ति खँ मनूतय्‌त ध्‍वाथुइकादीगु परमेश्‍वरया ग्‍वसाः खः। अले गुप्‍ति खँ थ्‍व हे खः – “ख्रीष्‍ट छिपिं यहूदीमखुपिन्‍के नं दी। अले परमेश्‍वरलिसे छिपिं नं तःधनी।”

१ तिमोथी 1:11

थ्‍व हे तसकं भिंगु खँ दकलय् तःधंम्‍ह परमेश्‍वरं जितः न्‍यंकेत बियादीगु खः।

तीतस 2:13

झीत मुक्ति बियादीम्‍ह, झीम्‍ह तःधंम्‍ह परमेश्‍वर येशू ख्रीष्‍ट हानं झाइतिनि। झीपिं थ्‍व हे तःधंगु आशायागु लँ स्‍वयाच्‍वने।

हिब्रू 1:3

वय्‌कलं नवानादीगु खँय् हे थ्‍व संसार न्‍ह्यानाच्‍वंगु दु। परमेश्‍वरयागु महिमाया जः वय्‌कःयाके दु। वय्‌कः व परमेश्‍वर उतिग्‍यं। वय्‌कःया शक्ति दुगु वचनं हे थ्‍व संसार न्‍ह्यानाच्‍वंगु दु। मनूतय्‌त पापं छुतय् यानादी धुंकाः वय्‌कः दक्‍वसिबय् तःधंम्‍ह परमेश्‍वरयागु जवय् च्‍वनादीगु दु।

हिब्रू 6:4

छकः परमेश्‍वरयागु जः काये धुंकूपिं, स्‍वर्गयागु वरदान काये धुंकूपिं व पवित्र आत्‍मां जाये धुंकूपिन्‍त हानं पश्‍चाताप याके फइ मखु।

२ पत्रुस 1:19

अय्‌जूगुलिं न्‍हापायापिं अगमवक्तातय्‌गु खँ सत्‍य खः धकाः जिमिसं झन बांलाक सिल। थ्‍व खँ छिमिसं न्‍यंगु नं तसकं हे बांलात, छाय्‌धाःसा इमिसं धयावंगु खँ ला सुथ मजुतले खिउँथाय् च्‍यानाच्‍वंगु मत थें खः। अले छिमिगु नुगलय् थिनाच्‍वंगु सुथसिगु नगु खः।

१ यूहन्‍ना 2:11

अय्‌नं दाजुकिजापिन्‍त हेला यानाजुइम्‍ह मनू खिउँथाय् लाइ। अले खिउँथाय् हे जुइ। वं थः गन वनाच्‍वना धकाः सी मखु, छाय्‌धाःसा वयागु मिखा खिउँगुलिं कां जुइ।

१ यूहन्‍ना 2:8

अय्‌नं थन धाःसा जिं छिमित छगू न्‍हूगु हे आज्ञा च्‍वयाच्‍वनागु दु। थ्‍व सत्‍य खः धकाः ख्रीष्‍टपाखें हे सी दःवःगु दु, छाय्‌धाःसा खिउँ तना वनाच्‍वंगु दु, अले धात्‍थेंगु जः लुयावःगु दु।

१ यूहन्‍ना 5:19

झीपिं परमेश्‍वरया सन्‍तान खः, अले थ्‍व संसारय् च्‍वंपिं मेपिं फुक्‍क मनूत शैतानया मनूत खः धकाः नं झीसं स्‍यू।