२ कोरिन्‍थी 4:3 - नेवाः बाइबल

³ जिमिसं न्‍यंका जुयागु भिंगु खँ नाश जुइपिनिगु लागि जक त्‍वपुयातःगु दु।

२ कोरिन्‍थी 4:3 ပူးပေါင်းရင်းမြစ်များ

मत्ती 11:25

अबलय् येशूं धयादिल – “हे परमेश्‍वर बाः, स्‍वर्ग व पृथ्‍वीया प्रभु, जिं छितः सुभाय् बी, छाय्‌धाःसा छिं थ्‍व खँ सःस्‍यू व थू धाइपिन्‍त न्‍यंका मदिसे छुं मस्‍यूपिं मस्‍तय्‌त न्‍यंकादिल।

रोमी 2:16

परमेश्‍वरं न्‍याय यानादीबलय् वय्‌कलं फुक्‍क मनूतय्‌त जिं न्‍यंकाच्‍वनागु भिंगु खँय् च्‍वया तः थें ख्रीष्‍ट येशूपाखें फुक्‍क मनूतय्‌गु मनय् दुने च्‍वंगु खँया न्‍याय यानादी।

१ कोरिन्‍थी 1:18

परमेश्‍वरयात म्‍हमस्‍यूपिं मनूतय्‌त ला ख्रीष्‍ट क्रूसय् सिनादिल धयागु खँ मूर्ख खँ खः। झी बचय् यानातःपिन्‍त ला ख्रीष्‍ट क्रूसय् सिनादीगु खँ परमेश्‍वरयागु शक्ति खः।

१ कोरिन्‍थी 2:6

अय्‌नं परमेश्‍वरयागु खँ बांलाक सीके थुइके धुंकूपिन्‍त धाःसा जिं ज्ञानयागु खँ ल्‍हाना च्‍वना। थ्‍व खँ धाःसा संसारय् च्‍वंपिनिगु मखु, शासन याना च्‍वंपिनिगु नं मखु। इपिं याकनं नाश जुयावनी।

२ कोरिन्‍थी 2:12

ख्रीष्‍टयागु भिंगु खँ न्‍यंकेत जि त्रोआसय् वयाबलय् अन ज्‍या यायेत प्रभुं जितः लुखा चाय्‌कादिल।

२ कोरिन्‍थी 3:14

अबलय् इस्राएलीतय्‌गु नुगः छाः। थौं तक नं इमिसं व्‍यवस्‍था ब्‍वनीबलय् थुइके मफुनि, इमिगु नुगःयात जालिं भुनातः नि। अले इमिसं छुं हे थुइके फइ मखु। ख्रीष्‍टयात विश्‍वास याये धुंकाः थ्‍व जालि चिलावनी।

२ कोरिन्‍थी 4:4

थ्‍व संसारया द्यवं विश्‍वास मयाःपिनिगु मनयात छुं हे थुइके मफय्‌क कां यानातःगु दु। अथे जूगुलिं इमिसं भिंगु खँ थुइके फइ मखु। अले ख्रीष्‍टया महिमा गुलि तःधं व वय्‌कः हे झःझः धाःम्‍ह परमेश्‍वरयागु रूप खः धकाः इमिसं सी मखु।

१ थेसलोनिकी 1:5

छाय्‌धाःसा जिमिसं छिमित न्‍यंकागु वचन म्‍हुतुं जक न्‍यंकागु मखु, बरु शक्ति व पवित्र आत्‍मापाखें व दुनुगलंनिसें हे न्‍यंकागु खः। छिपिंनाप च्‍वनाबलय् जिपिं गज्‍याःपिं खः धकाः ला छिमिसं सि हे सिल।

१ तिमोथी 1:11

थ्‍व हे तसकं भिंगु खँ दकलय् तःधंम्‍ह परमेश्‍वरं जितः न्‍यंकेत बियादीगु खः।