२ कोरिन्‍थी 4:18 - नेवाः बाइबल

¹⁸ अय्‌जूगुलिं मिखां खंगुलिइ जिमिसं मन तयाच्‍वनागु मखु, बरु मिखां मखंगुलिइ मन तयाच्‍वनागु खः। छाय्‌धाःसा मिखां खनेदुगु छुं ईया लागिं खः, मिखां खने मदुगु धाःसा सदां दयाच्‍वनी।

२ कोरिन्‍थी 4:18 ပူးပေါင်းရင်းမြစ်များ

मत्ती 25:46

“थुमित सदां सास्‍ती बिया तइ। अले परमेश्‍वरं धयादी थें यानाच्‍वंपिन्‍त जक अनन्‍त जीवन दइ।”

२ कोरिन्‍थी 5:7

अय्‌जूगुलिं हे जिपिं विश्‍वासं म्‍वानाच्‍वनागु खः, मिखां खंगुलिइ मखु।

२ थेसलोनिकी 2:16

प्रभु येशू ख्रीष्‍टं हे व झीत माया यानादीम्‍ह व दया माया याना गुबलें सिना मवनीगु साहस व भिंगु आशा बियादीम्‍ह परमेश्‍वर बाःनं

हिब्रू 11:1

आशा यानागु खँ दइ धकाः ढुक्‍क जुइगु व मखंगु खँ धात्‍थें दु धकाः धायेगु हे विश्‍वास खः।

हिब्रू 11:13

इपिं फुक्‍कं विश्‍वास जक यानाः परमेश्‍वरं बी धकाः धयादीगु काये मखंकं सिनावन। अथेसां परमेश्‍वरं बी धकाः धयादीगु खँय् इमिसं विश्‍वास याः। इमिसं थःपिन्‍त पृथ्‍वीया लँजुवाःत जक ताय्‌कल।

हिब्रू 9:11

ख्रीष्‍ट ला थन दुगु फुक्‍क भिंगु खँया दकलय् तःधंम्‍ह पुजाहारी जुयाः झायादीगु दु। वय्‌कः झन तःधंगु व सिद्धगु थासय् दुहां झायादीगु दु। थ्‍व मनूतय्‌सं दय्‌कूगु मखु, अले सृष्‍टि यानातःगु थ्‍व संसारयागु नं मखु।

१ यूहन्‍ना 2:25

ख्रीष्‍टं झीत बी धकाः धयादीगु अनन्‍त जीवन थ्‍व हे खः।