२ कोरिन्‍थी 4:16 - नेवाः बाइबल

¹⁶ उकिं हे ला खः नि, जिमिसं आशा मत्‍वःतागु। जिमिगु म्‍ह झन झन स्‍यनावनाच्‍वंगु दु। अय्‌नं जिमिगु आत्‍मा धाःसा न्‍हियान्‍हिथं बल्‍लाना वयाच्‍वंगु दु।

२ कोरिन्‍थी 4:16 ပူးပေါင်းရင်းမြစ်များ

भजनसंग्रहया सफू 119:81

हे परमप्रभु, जि छिपाखें उद्धार कायेत प्‍याःचाः, जिं छिगु वचनय् आशा तयागु दु।

भजनसंग्रहया सफू 27:13

परमप्रभुयागु भिंगु ज्‍या जिं थ्‍व हे जीवनय् स्‍वये दइतिनि धकाः जितः विश्‍वास दु।

भजनसंग्रहया सफू 51:10

हे परमेश्‍वर, जिगु नुगःयात शुद्ध यानादिसँ। अले जिके हाकनं न्‍हूगु यानाः क्‍वातूगु आत्‍मा दय्‌कादिसँ।

भजनसंग्रहया सफू 73:26

जिगु म्‍ह व मन बमलाना वने फु तर जिगु शक्ति सदांया लागि परमेश्‍वर खः। अले वय्‌कः न्‍ह्याबलें जिम्‍ह खः।

यशैया 40:29

वय्‌कलं त्‍यानु चायाच्‍वंपिन्‍त व बल मदुपिन्‍त बल बियादी।

यशैया 40:31

तर परमप्रभुयाके भलसा तइपिनिगु बल हाकनं न्‍हूगु जुइ। इपिं इमा थें च्‍वय् च्‍वय् ब्‍वया जुइ अले ब्‍वाँय् वनाः नं त्‍यानुचाइ मखु। इपिं न्‍यासि वनाः नं मूर्च्‍छा जुइ मखु।

यर्मिया 45:3

छं धाल, ‘धिक्‍कार जितः! छाय्‌धाःसा परमप्रभुं जिगु दुःखय् दुःख तनादिल! झसुकाः ततं जि त्‍यानुइ धुंकल, जितः गनं नं आराम मदु।’

लूका 11:3

न्‍हियान्‍हिथं थें थौं नं जिमित नसा बियादिसँ।

रोमी 12:2

आवंनिसें थ्‍व संसारयापिं मनूतय्‌सं याना जू थें छिमिसं याना जुइ मते, बरु मनयात हीकाः न्‍हूपिं मनूत जुयाच्‍वँ। थुकथं याना जूसा परमेश्‍वरयागु इच्‍छा छु खः, अले भिंगु, वय्‌कःयात यःगु, व छु खँ ठीक जू छिमिसं बांलाक सीके थुइके फइ।

रोमी 7:22

परमेश्‍वरयागु व्‍यवस्‍था दुनुगलंनिसें मानय् यानाच्‍वने दुसा जि लय्‌ताया।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

२ कोरिन्‍थी 12:15

छिमित ग्‍वाहालि यायेत जिके दुगु फुक्‍कं बी। थथे याये दःसा जि लय्‌ताः। थुलि जक मखु, छिमिगु निंतिं सी माःसां जि लय्‌ताः। जिं छिमित थथे यक्‍व माया यानागुलिं हे छिमिपाखें जिं कम माया काये खंगु ला कि छु?

२ कोरिन्‍थी 4:1

थथे परमेश्‍वरं जिमित दया माया यानाः थ्‍व ज्‍या बियातःगु खः। उकिं जिमिसं आशा त्‍वःते मखु।

एफिसी 3:16

वय्‌कःयागु तःधंगु आशिषं व वय्‌कःयागु आत्‍मापाखें छिमित शक्ति दयेमा, अले व हे शक्तिं छिपिं दुनुगलंनिसें बल्‍लाना च्‍वनेमा धकाः जिं प्रार्थना यानाच्‍वनागु दु।

एफिसी 4:23

थुकिया पलेसा पवित्र आत्‍मां छिमिगु बिचाः व पहःयात न्‍हूगु यायेमा।

कलस्‍सी 3:10

छिपिं आः न्‍हूपिं जुइ धुंकल। आवंलि वय्‌कःयात बांलाक म्‍हसीके फयेमा धकाः परमेश्‍वरं छिमित थःथें हे यानाः न्‍ह्याबलें न्‍हूकथं हिलादी।

तीतस 3:5

वय्‌कलं झीत मुक्ति बियादिल। झीसं भिंगु भिंगु जक ज्‍या यानागुलिं झीत मुक्ति बियादीगु मखु, बरु वय्‌कलं दया यानाः झीत झीगु पाप सिलाः न्‍हूपिं यानाः व पवित्र आत्‍मायागु शक्तिं मुक्ति बियादीगु खः।

१ पत्रुस 3:4

बरु दुनुगलंनिसें क्‍वमिलु व शान्‍त जुयाच्‍वँ। थ्‍व गुबलें फुनावनी मखुगु आत्‍मायागु तिसा खः। थज्‍याःगु हे परमेश्‍वरया न्‍ह्यःने तसकं तःजिगु जुइ।

१ पत्रुस 4:14

ख्रीष्‍टयात विश्‍वास यानाः छिमित हेला यात धाःसा ला छिपिं धन्‍यपिं खः, छाय्‌धाःसा थुकिं हे छिमिके परमेश्‍वरयागु तःधंगु आत्‍मा दी धकाः सी दइ।