२ कोरिन्‍थी 4:10 - नेवाः बाइबल

¹⁰ येशू ख्रीष्‍ट जिमिगु जीवनय् प्रकट जुइमा धकाः वय्‌कः थें सीमातले नं जिमिसं न्‍हियान्‍हिथं दुःखकष्‍ट फयाच्‍वना।

२ कोरिन्‍थी 4:10 ပူးပေါင်းရင်းမြစ်များ

यूहन्‍ना 14:19

भचा जाय्‌काः संसारं जितः खनी मखुत। अय्‌नं छिमिसं धाःसा जितः खनी, छाय्‌धाःसा जि न्‍ह्याबलें दु, अले छिपिं नं न्‍ह्याबलें दइ।

रोमी 6:5

वय्‌कः सी थें झीपिं नं सी धुंकल धयागु खःसा वय्‌कः सीम्‍हं म्‍वाना वः थें झीपिं नं सीसां म्‍वाना वइतिनि।

रोमी 6:8

थुकथं ख्रीष्‍टलिसे झीपिं सी धुंकल धाःसा वय्‌कःनापं च्‍वने दइगु विश्‍वास झीके दु।

रोमी 8:36

थ्‍व हे खँ भजन सफुलिइ नं थथे च्‍वयातःगु दु – “अय्‌नं जिपिं छिगु लागि न्‍हियान्‍हिथं सी मालाच्‍वंगु दु। स्‍यायेत हःपिं फैचातय्‌त थें जिमित व्‍यवहार याइगु।”

२ कोरिन्‍थी 1:5

ख्रीष्‍टं यक्‍व दुःखकष्‍ट सियादी थें तुं जिमिसं नं दुःखकष्‍ट सियाच्‍वनागुलिं थ्‍व हे ख्रीष्‍टपाखें जिमित नं सान्‍त्‍वना दइतिनि।

२ कोरिन्‍थी 1:9

जिमिसं ला “सि हे सित” धाये धुनागु। थःके भरोसा मतसे सीपिन्‍त म्‍वाकादीम्‍ह परमेश्‍वरयाके भरोसा तयेमा धकाः क्‍यनेत थथे जूगु खः।

२ कोरिन्‍थी 13:4

अथे ला वय्‌कःयात क्रूसय् यख्‍खायाः स्‍याःबलय् वय्‌कः कमजोर तिनि। तर आः परमेश्‍वरया शक्तिं वय्‌कः म्‍वानादीगु दु। जिपिं नं वय्‌कः थें कमजोर तिनि। तर परमेश्‍वरया शक्तिं जिपिं वय्‌कःलिसे म्‍वानाच्‍वने। थ्‍व हे शक्ति जिमिसं छिमिगु दथुइ क्‍यने।

२ कोरिन्‍थी 4:11

जिमिगु थ्‍व सीमाःगु म्‍हय् येशू ख्रीष्‍ट प्रकट जुइमा धकाः हे जिपिं थथे वय्‌कःया निंतिं न्‍हियान्‍हिथं म्‍वायेगु आशा त्‍वःताः जुयाच्‍वना।

गलाती 6:17

आः थ्‍व खँय् सुनानं जितः दुःखकष्‍ट बी मते, छाय्‌धाःसा येशूया दास खः धकाः क्‍यनेगु घाःखू जिं थःगु म्‍हय् फये धुन।

कलस्‍सी 1:24

छिमिगु निंतिं थथे दुःखसिया च्‍वने दुगुलिं जितः तसकं लय्‌ता वः। ख्रीष्‍टयागु म्‍ह मण्‍डलीयागु निंतिं फये मानिगु वय्‌कःयागु दुःख जिं थःगु म्‍हय् फयाः पूवंके।

२ तिमोथी 2:11

थथे धयातःगु धात्‍थें खः – “वय्‌कः नाप सीसा वय्‌कः नाप हे म्‍वाये दइ।

१ पत्रुस 4:13

येशू ख्रीष्‍टं थें थथे दुःख फये दयाः छिपिं लय्‌ताया च्‍वँ। वय्‌कः झाइबलय् छिपिं तसकं लय्‌ताये दइ।

१ पत्रुस 4:14

ख्रीष्‍टयात विश्‍वास यानाः छिमित हेला यात धाःसा ला छिपिं धन्‍यपिं खः, छाय्‌धाःसा थुकिं हे छिमिके परमेश्‍वरयागु तःधंगु आत्‍मा दी धकाः सी दइ।

प्रकाश 1:17

वय्‌कःयात खनेवं जि सीम्‍ह थें जुयाः वय्‌कःयागु तुतिइ भ्‍वपू वना। अले वय्‌कलं जिगु छेनय् जव ल्‍हाः तयाः धयादिल – “ग्‍याये मते। जि शुरु व अन्‍त खः।