२ कोरिन्‍थी 3:9 - नेवाः बाइबल

⁹ मनूतय्‌गु पाप क्षमा यानाबी मफुगु व्‍यवस्‍था ब्‍यूबलय् ला अथे झःझः धाः धासेंलि झीत परमेश्‍वरया न्‍ह्यःने धर्मी यानादीम्‍ह आत्‍मा बियादीबलय् झन गुलि जक झःझः धाइगु जुइ।

२ कोरिन्‍थी 3:9 ပူးပေါင်းရင်းမြစ်များ

यशैया 46:13

जिं थःगु धार्मिकता लिक्‍क हयाच्‍वनागु दु। व तामपाः, छिमिगु लिक्‍क हे दु। जिगु उद्धारं लिबाकी मखु। जिं सियोनयात उद्धार बी, अले इस्राएलयात जिगु महिमा क्‍यने।

यर्मिया 23:6

वयागु इलय् यहूदाया मनूतय्‌त बचय् याइ। अले इस्राएल सुरक्षित जुयाच्‍वनी। परमप्रभुं वयागु नां ‘परमप्रभु जिमिगु धार्मिकता’ तयादी।”

रोमी 4:11

थथे चिं तये न्‍ह्यः हे विश्‍वासं यानाः वं धर्मी ठहरय् जुइगु छाप अथवा चिं काल। चिं मतःसां धर्मी ठहरय् जू धकाः परमेश्‍वरं धायेका जुइ धुंकूपिं सकल मनूतय् अबु यायेत वयात थथे यानादीगु खः।

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

१ कोरिन्‍थी 15:41

सूर्यया जः छगू कथंयागु, तिमिलाया जः मेगु कथंयागु। अथे हे नगुतय्‌गु जः नं मेगु कथंयागु जुइ। नगुतय् नं थीथी कथंया जः दु।

२ कोरिन्‍थी 3:8

मनूतय्‌गु पाप क्षमा यानाबी फुम्‍ह आत्‍मा बियादीबलय् झन गुलि जक झःझः धाइगु जुइ?

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

गलाती 3:10

व्‍यवस्‍थाय् जक भलसा तया च्‍वंपिं मनूत सराः फयाच्‍वंपिं खः। थ्‍व हे खँ धर्मशास्‍त्रय् थथे च्‍वयातःगु दु – “व्‍यवस्‍थाय् च्‍वयातःगु फुक्‍कं सदां मानय् यानाच्‍वने मफुपिं मनूतय्‌सं सराः फयेमाली।”

व्‍यवस्‍था 27:26

“थ्‍व व्‍यवस्‍थाया नियमयात स्‍वीकार मयाःम्‍ह व मानय् मयाःम्‍ह मनूयात सराः लायेमाः।” अले फुक्‍कसिनं “आमेन” धायेमाः।

फिलिप्‍पी 3:9

व्‍यवस्‍थां धाःथें यानाजुयागुलिं जि धर्मी ठहरय् जूगु मखु बरु येशू ख्रीष्‍टयात विश्‍वास यानागुलिं परमेश्‍वरं हे जितः धर्मी ठहरय् यानादीगु खः।

२ पत्रुस 1:1

येशू ख्रीष्‍टया दास व प्रेरित सिमोन पत्रुसयापाखें झी परमेश्‍वर व झीत मुक्ति बियादीम्‍ह येशू ख्रीष्‍टयागु धार्मिकतां यानाः जिमिसं थें तःजिगु विश्‍वास काये खंपिं फुक्‍कसित ज्‍वजलपा।