२ कोरिन्‍थी 3:7 - नेवाः बाइबल

⁷ ल्‍वहंयागु ग्‍वरलय् व्‍यवस्‍था च्‍वयाः ब्‍यूबलय् परमेश्‍वरयागु जलं मोशायागु ख्‍वाः झल्‍ल थिनावल। अले इस्राएलीतय्‌सं वयागु ख्‍वाः तकं चूलाक स्‍वये मफुत। व हे जः खिउँया वनाच्‍वंगु दु। मनूतय्‌त स्‍याकीगु व्‍यवस्‍था ब्‍यूबलय् ला अथे झःझः धाः धाःसा

२ कोरिन्‍थी 3:7 ပူးပေါင်းရင်းမြစ်များ

उत्‍पत्ति 3:21

अले परमप्रभु परमेश्‍वरं आदम व वया कलाःया लागि छेंगूया वसः दय्‌काः पुंकेबिल।

नहेम्‍याह 9:13

“छि सीनै पर्वतय् क्‍वहां झायाः आकाशं इपिंलिसें खँ ल्‍हानादिल। अले इमित पाय्‌छिगु नियम, खःगु कानून व भिंगु विधि व आज्ञा बियादिल।

भजनसंग्रहया सफू 119:174

हे परमप्रभु! छिगु उद्धारया लागि जि प्‍याःचाः, अले छिं स्‍यनातःगु खँ जिगु लसता खः।

भजनसंग्रहया सफू 119:97

छिगु स्‍यनातःगु खँयात जिं गुलि माया याना! न्‍हिच्‍छि हे जिगु ध्‍यान उकी हे वनाच्‍वनी।

प्रस्‍थान 24:12

परमप्रभुं मोशायात धयादिल, “पर्वतय् जिथाय् थहां वा अले थन च्‍वँ। छं इमित स्‍यनेत जिं च्‍वयागु व्‍यवस्‍था व आज्ञायागु ल्‍वहंपौ छन्‍त बी।”

प्रस्‍थान 31:18

परमेश्‍वरं मोशा लिसें सीनै पर्वतय् खँ ल्‍हाये धुंकाः वय्‌कलं वयात थःगु पतिंचां च्‍वयादीगु निपाः ल्‍वहंपौ बियादिल।

प्रस्‍थान 32:19

मोशां छाउनी न्‍ह्यः वयेवं द्वहंचा व प्‍याखं हुलाच्‍वंगु खनाः तसकं तं पिकाल। अले वं ल्‍वहंपौत गुँया क्‍वय् वान्‍छ्वयाः तछ्यानाबिल।

प्रस्‍थान 34:1

परमप्रभुं मोशायात धयादिल, “न्‍हापा थें ल्‍वहंयागु निपाः पौ हजि। अले जिं उकी छं न्‍हापा तछ्याःगु पौतय् च्‍वयातःगु हे खँ च्‍वयाबी।

प्रेरित 6:15

महासभायापिन्‍सं स्‍तिफनसयात तुंक स्‍वःबलय् वयागु ख्‍वाः स्‍वर्गदूतयागु ख्‍वाः थें थियाच्‍वंगु खन।

रोमी 10:4

ख्रीष्‍टं हे व्‍यवस्‍था पूवंका दीगुलिं वय्‌कःयात हे विश्‍वास यानाः मनूत धर्मी जुइ।

रोमी 4:15

व्‍यवस्‍था मानय् याइपिन्‍सं व्‍यवस्‍था फुक्‍कं मानय् याये फइ मखु, उकिं इमिसं सजाँय फयेमाली। अय्‌जूगुलिं गन व्‍यवस्‍था धयागु हे मदु, अन सजाँय धयागु नं फयेमाली मखु।

रोमी 5:20

व्‍यवस्‍थां यानाः पाप अप्‍वः दयावल। अय्‌नं गन पाप यक्‍व दयावल, अन परमेश्‍वरयागु दया माया झन अप्‍वः दत।

रोमी 7:10

अले जि सित। जीवन बी धकाः धाःगु आज्ञा ला जितः स्‍याना छ्वइम्‍ह जुल।

रोमी 7:22

परमेश्‍वरयागु व्‍यवस्‍था दुनुगलंनिसें मानय् यानाच्‍वने दुसा जि लय्‌ताया।

रोमी 7:5

न्‍हापा झीपिं मनू स्‍वभाबया पापं जाःगु इच्‍छा कथं म्‍वाना च्‍वनापिं खः। उबलय् व्‍यवस्‍थां झीगु इच्‍छायात क्‍वत्‍यला तःगुलिं झीत पाप याकेबिल। थ्‍व फुक्‍क ज्‍या मृत्‍युयागु लँपु जक खः।

१ कोरिन्‍थी 13:10

पूवंगु वल कि पूमवंगु फुक्‍क मदयावनी।

२ कोरिन्‍थी 3:3

छिपिं ख्रीष्‍टं च्‍वयाहःगु पौ खः। अले जिमिगुपाखें छ्वयागु खः। थ्‍व मसिं च्‍वयातःगु पौ मखु, अले ल्‍वहंयागु ग्‍वरलय् च्‍वयातःगु पौ नं मखु। थ्‍व पौ ला मनूतय्‌गु नुगलय् म्‍वाःम्‍ह परमेश्‍वरयागु आत्‍मां च्‍वयातःगु पौ खः।

२ कोरिन्‍थी 3:6

उकिं जिमित न्‍हूगु बाचा न्‍यंके फय्‌कादीम्‍ह परमेश्‍वर हे खः। थ्‍व न्‍हूगु बाचा च्‍वयातःगु नियम मखु, बरु थ्‍व आत्‍मां बियादीगु खः। च्‍वयातःगु नियमं मनूतय्‌त स्‍याइ, तर आत्‍मां जीवन बी।

२ कोरिन्‍थी 3:8

मनूतय्‌गु पाप क्षमा यानाबी फुम्‍ह आत्‍मा बियादीबलय् झन गुलि जक झःझः धाइगु जुइ?

गलाती 3:10

व्‍यवस्‍थाय् जक भलसा तया च्‍वंपिं मनूत सराः फयाच्‍वंपिं खः। थ्‍व हे खँ धर्मशास्‍त्रय् थथे च्‍वयातःगु दु – “व्‍यवस्‍थाय् च्‍वयातःगु फुक्‍कं सदां मानय् यानाच्‍वने मफुपिं मनूतय्‌सं सराः फयेमाली।”

गलाती 3:21

अय्‌सा छु व्‍यवस्‍था परमेश्‍वरयागु बाचाया अःखः जुल ला? मखु, व्‍यवस्‍था परमेश्‍वरयागु बाचाया अःखः मजू। मनूतय्‌त जीवन दयेमा धकाः व्‍यवस्‍था बियादीगु जूसा व्‍यवस्‍थां हे मनूत परमेश्‍वरया न्‍ह्यःने धर्मी ठहरय् जुइगु खः।

व्‍यवस्‍था 4:13

वय्‌कलं छिमित थःगु बाचा व झिगू आज्ञा न्‍यंकादिल। उकियात मानय् यायेगु आज्ञा छिमित बियादिल। अले वय्‌कलं उपिं आज्ञायात ल्‍वहंयागु निपाः पौलय् च्‍वयादिल।

व्‍यवस्‍था 4:8

जिं छिमित थौं बीगु नियम थें पाय्‌छिगु धार्मिक विधि व नियम दुपिं मेगु छुं नं तःधं जाति दु ला?

व्‍यवस्‍था 5:22

थुपिं वचन परमप्रभुं पर्वतय् मि व खिउँगु हाकुगु सुपाँय्‌या दथुं छिमि फुक्‍क खलःयात तस्‍सलं धयादिल। वय्‌कलं मेगु छुं धयामदी। अले उपिं आज्ञा निपाः ल्‍वहं पौलय् च्‍वयाः जितः बियादिल।

व्‍यवस्‍था 9:15

अथे जुयाः ल्‍हातय् बाचाया निपा ल्‍वहं पौ ज्‍वनाः जि पर्वतं क्‍वय् कुहां वया। उबलय् पहाडय् मि च्‍यानाच्‍वन।

हिब्रू 12:18

छिपिं परमेश्‍वरयाथाय् वनेगु थी फइगु सीनै पर्वतय् वये थें मखु। इस्राएलीत धाःसा मित्‍याः पिहां वयाच्‍वंगु सीनै पर्वतय् वःगु खः। अन हाकुगु सुपाचं त्‍वपुयातःगु व ग्‍वःफय् वयाः खिउँसे च्‍वनाच्‍वंगु खः।

हिब्रू 3:3

छेँ स्‍वयाः छेँ दय्‌कूम्‍हय्‌सिया इज्‍जत तःधं जुइ। अथे हे मोशा स्‍वयाः येशू यक्‍व अप्‍वः इज्‍जत याये बहःम्‍ह जुयादिल।

हिब्रू 9:4

थन लुँयागु गुँगू थनेगु वेदी व लुं भुनातःगु बाचा चिनादीगु सनू दु। व सनू दुने लुँयागु थलय् मन्‍न तयातःगु दु, अले चुलि ह्वयाच्‍वंगु हारूनयागु तुतां छपु, व व्‍यवस्‍था च्‍वयातःगु ल्‍वहं पौ निपाः तयातःगु दु।