२ कोरिन्‍थी 3:6 - नेवाः बाइबल

⁶ उकिं जिमित न्‍हूगु बाचा न्‍यंके फय्‌कादीम्‍ह परमेश्‍वर हे खः। थ्‍व न्‍हूगु बाचा च्‍वयातःगु नियम मखु, बरु थ्‍व आत्‍मां बियादीगु खः। च्‍वयातःगु नियमं मनूतय्‌त स्‍याइ, तर आत्‍मां जीवन बी।

२ कोरिन्‍थी 3:6 ပူးပေါင်းရင်းမြစ်များ

यर्मिया 31:31

परमप्रभुं धयादी, “इस्राएलयापिं व यहूदायापिंलिसे जिं न्‍हूगु बाचा चीत्‍यनागु ई वयाच्‍वंगु दु।

मत्ती 13:52

वय्‌कलं हानं धयादिल – “व्‍यवस्‍था स्‍यनीपिं व थुइकीपिं शास्‍त्रीत स्‍वर्गयागु राज्‍यय् चेला जूवल धाःसा इपिं छेँ थुवाः थें जुइ। छेँ थुवालं थःगु धुकुतिं न्‍हूगु व पुलांगु न्‍ह्यागुं लिकाये फइ।”

मत्ती 26:28

“थ्‍व न्‍हूगु बाचायागु जिगु हि खः। थ्‍व हे हिं यक्‍वसिगु पाप क्षमा जुइ।

मर्कूस 14:24

अले वय्‌कलं इमित धयादिल – “थ्‍व जिगु न्‍हूगु बाचायागु हि खः। थ्‍व हे हिं यक्‍वसिगु पाप क्षमा जुइ।

लूका 22:20

नये धुंकाः अथे हे ख्‍वला कयाः वय्‌कलं धयादिल – “थ्‍व ख्‍वला छिमिगु निंतिं जिगु हि हाय्‌कागु परमेश्‍वरयागु न्‍हूगु बाचा खः।

यूहन्‍ना 5:21

गथे बाःनं सीपिन्‍त म्‍वाकाः जीवन बियादी, अथे हे काय्‌यात यःपिन्‍त नं काय्‌नं जीवन बियादी।

यूहन्‍ना 6:63

परमेश्‍वरयागु आत्‍मां हे जक अनन्‍त जीवन बी। शरीर छुं यायेत नं ज्‍यालगय् मजू। जिं छिमित धयाच्‍वनागु खँ जीवन बीगु परमेश्‍वरयागु आत्‍मा खः।

रोमी 1:5

वय्‌कःयागु नां दक्‍व जात जातिया मनूतय्‌त न्‍यंकाः विश्‍वास याःपिन्‍सं वय्‌कःयात मानय् यायेमाः धकाः धया बीत वय्‌कलं हे जिमित दया माया यानाः प्रेरित दय्‌कादिल।

रोमी 3:20

व्‍यवस्‍थाय् च्‍वयातःगु नियम पालन यानाः सुं हे मनू धर्मी जुइ फइ मखु। व्‍यवस्‍थां ला पाप छु खः धकाः क्‍यनाबी।

रोमी 4:15

व्‍यवस्‍था मानय् याइपिन्‍सं व्‍यवस्‍था फुक्‍कं मानय् याये फइ मखु, उकिं इमिसं सजाँय फयेमाली। अय्‌जूगुलिं गन व्‍यवस्‍था धयागु हे मदु, अन सजाँय धयागु नं फयेमाली मखु।

रोमी 4:17

थ्‍व हे खँ थथे च्‍वयातःगु दु – “जिं छन्‍त यक्‍व जात जातिया अबु याये धुन।” अब्राहामं विश्‍वास यानाच्‍वंम्‍ह परमेश्‍वरं व झी अबु धकाः स्‍यू। परमेश्‍वरं सीम्‍हय्‌सित हानं म्‍वाके फु, अले द हे मदुगु चिज नं दय्‌कादी फु।

रोमी 7:6

आः झीपिं व्‍यवस्‍थायागु अधीनय् च्‍वनेमाःगु मन्‍त। झीत चिनातःगु व्‍यवस्‍थाया निंतिं झीपिं सी धुन। अय्‌जूगुलिं न्‍हापा थें व्‍यवस्‍थाया अधीनय् च्‍वनेमाःगु मन्‍त, बरु आवंलि ख्रीष्‍टयागु आत्‍मां धाःथें झीसं परमेश्‍वरयागु सेवा यायेमाः।

रोमी 8:2

आः ला झीत येशू ख्रीष्‍टपाखें न्‍हूगु जीवन बियादीम्‍ह परमेश्‍वरया आत्‍मां पाप व मृत्‍युयागु व्‍यवस्‍थां मुक्त यानादीगु दु।

१ कोरिन्‍थी 11:25

नये धुंकाः वय्‌कलं अथे हे ख्‍वला कयाः थथे धयादिल – “थ्‍व ख्‍वला जिगु हि हाय्‌काः यानागु परमेश्‍वरयागु न्‍हूगु बाचा खः। जितः लुमंकेत थथे ख्‍वलां त्‍वनेगु यायेगु या।”

१ कोरिन्‍थी 12:28

अय्‌जूगुलिं परमेश्‍वरं मण्‍डलीइ सुयात गन गन तयेमाः अन अन हे तयादीगु दु। दकलय् च्‍वय् प्रेरितत, वयां ल्‍यू अगमवक्तात, वयां ल्‍यू गुरुत, अले अजू चायापुगु ज्‍या याइपिं, ल्‍वय् लाय्‌केगु वरदान दुपिं, मेपिन्‍त ग्‍वाहालि याइपिं, मेपिन्‍त सल्‍लाह बीपिं, अले हानं थीथी भाषां नवाये फुपिं तयादीगु दु।

१ कोरिन्‍थी 15:45

धर्मशास्‍त्रय् नं थथे च्‍वयातःगु दु – “दकलय् न्‍हापायाम्‍ह आदम जीवन काःम्‍ह जुल। दकलय् लिपायाम्‍ह आदम जीवन बीम्‍ह आत्‍मा जुल।”

१ कोरिन्‍थी 3:10

परमेश्‍वरया दया मायां यानाः जिं सःम्‍ह दकःमिं थें जग स्‍वना बिया, अले थ्‍व हे जगय् मेम्‍ह मनुखं छेँ दना वनी। छेँ दनिम्‍हय्‌सिनं गथे यानाः दनेमाः धकाः बांलाक बिचाः यायेमाः।

१ कोरिन्‍थी 3:5

अपोल्‍लोस धाःम्‍ह सु खः धकाः? अथे हे पावल धाःम्‍ह सु खः धकाः? जिपिं निम्‍हं छिमित प्रभुयागु भिंगु खँ कनाः विश्‍वास याकापिं परमेश्‍वरया च्‍यःत जक खः। प्रभुं जिमित याकेबियादी थें जिमिसं यानाच्‍वनागु खः।

२ कोरिन्‍थी 11:23

इपिं ख्रीष्‍टया च्‍यः खःसा जि झन इपिं स्‍वयाः भिंम्‍ह च्‍यः खः। थथे धायेबलय् जि वें थें च्‍वने फु। तर जिं थाकुक्‍क ज्‍या यानागु दु, तःकः मछि झ्‍यालखानाय् नं च्‍वना। तःकः मछि हे जितः कोर्रां दाःगु दु, तःकः मछि जितः सितुपातु वंक दाःगु दु।

२ कोरिन्‍थी 3:14

अबलय् इस्राएलीतय्‌गु नुगः छाः। थौं तक नं इमिसं व्‍यवस्‍था ब्‍वनीबलय् थुइके मफुनि, इमिगु नुगःयात जालिं भुनातः नि। अले इमिसं छुं हे थुइके फइ मखु। ख्रीष्‍टयात विश्‍वास याये धुंकाः थ्‍व जालि चिलावनी।

२ कोरिन्‍थी 3:3

छिपिं ख्रीष्‍टं च्‍वयाहःगु पौ खः। अले जिमिगुपाखें छ्वयागु खः। थ्‍व मसिं च्‍वयातःगु पौ मखु, अले ल्‍वहंयागु ग्‍वरलय् च्‍वयातःगु पौ नं मखु। थ्‍व पौ ला मनूतय्‌गु नुगलय् म्‍वाःम्‍ह परमेश्‍वरयागु आत्‍मां च्‍वयातःगु पौ खः।

२ कोरिन्‍थी 3:7

ल्‍वहंयागु ग्‍वरलय् व्‍यवस्‍था च्‍वयाः ब्‍यूबलय् परमेश्‍वरयागु जलं मोशायागु ख्‍वाः झल्‍ल थिनावल। अले इस्राएलीतय्‌सं वयागु ख्‍वाः तकं चूलाक स्‍वये मफुत। व हे जः खिउँया वनाच्‍वंगु दु। मनूतय्‌त स्‍याकीगु व्‍यवस्‍था ब्‍यूबलय् ला अथे झःझः धाः धाःसा

२ कोरिन्‍थी 3:9

मनूतय्‌गु पाप क्षमा यानाबी मफुगु व्‍यवस्‍था ब्‍यूबलय् ला अथे झःझः धाः धासेंलि झीत परमेश्‍वरया न्‍ह्यःने धर्मी यानादीम्‍ह आत्‍मा बियादीबलय् झन गुलि जक झःझः धाइगु जुइ।

गलाती 3:21

अय्‌सा छु व्‍यवस्‍था परमेश्‍वरयागु बाचाया अःखः जुल ला? मखु, व्‍यवस्‍था परमेश्‍वरयागु बाचाया अःखः मजू। मनूतय्‌त जीवन दयेमा धकाः व्‍यवस्‍था बियादीगु जूसा व्‍यवस्‍थां हे मनूत परमेश्‍वरया न्‍ह्यःने धर्मी ठहरय् जुइगु खः।

एफिसी 2:1

छिपिं थःगु अपराध व पापं यानाः सीपिन्‍त वय्‌कलं म्‍वाकादिल।

एफिसी 2:5

झीपिं सीपिं मनूत थें पापी जुया च्‍वंसां ख्रीष्‍टं झीगु पाप क्षमा यानादिल। परमेश्‍वरयागु तःधंगु दया मायां छिमित थथे मुक्ति बियादीगु खः।

एफिसी 3:7

परमेश्‍वरं दया यानाः हे जितः थथे भिंगु खँ न्‍यकं जुइम्‍ह यानादिल। थःगु शक्तिं वय्‌कलं जितः थथे यानादिल।

व्‍यवस्‍था 27:26

“थ्‍व व्‍यवस्‍थाया नियमयात स्‍वीकार मयाःम्‍ह व मानय् मयाःम्‍ह मनूयात सराः लायेमाः।” अले फुक्‍कसिनं “आमेन” धायेमाः।

१ तिमोथी 4:6

फुक्‍क दाजुकिजापिन्‍त थ्‍व खँ थुइकाबिल धाःसा छ येशू ख्रीष्‍टया भिंम्‍ह च्‍यः जुइ। अले थुकिं हे विश्‍वासयागु वचन व छं मानय् यानाच्‍वंगु खँय् छ गुलि तक बल्‍लानाच्‍वंगु दु धकाः सी दइ।

२ तिमोथी 1:11

थ्‍व हे भिगुं खँ न्‍यंकेत व स्‍यनेत जितः प्रेरित दय्‌कादीगु खः।

हिब्रू 12:24

छिपिं न्‍हूगु बाचा चिनाः परमेश्‍वर व मनूतय् दथुइ च्‍वनादीम्‍ह येशूयाथाय् व बदलाया लागि हालाच्‍वंगु हाबिलया हिया पलेसा क्षमा या निंतिं नवाइगु हाः हाः याःगु हिया थासय् वःगु दु।

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।

हिब्रू 7:22

थथे पाफयादीगुलिं येशू छगू भिंगु बाचायागु जमानी जुयादिल।

हिब्रू 8:13

न्‍हूगु बाचा धयादीगुलिं हे परमेश्‍वरं न्‍हापायागु बाचायात पुलां यानादिल। पुलां जुयावंगु जुक्‍व मदयावनी।

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।

१ यूहन्‍ना 1:1

न्‍हापांनिसें जीवन बीगु वचन दु। थ्‍व हे वचनया बारे जिमिसं च्‍वयाच्‍वनागु दु। थ्‍व हे वचन जिमिसं न्‍यनागु नं दु। जिमिगु हे मिखां खनागु नं दु, बांलाक स्‍वयागु नं दु, ल्‍हातं थियागु नं दु।