२ कोरिन्‍थी 3:16 - नेवाः बाइबल

¹⁶ तर गुबलय् मनू प्रभुयाथाय् लिहां वइ उबलय् वयागु नुगलं जालि उला वनी।

२ कोरिन्‍थी 3:16 ပူးပေါင်းရင်းမြစ်များ

प्रस्‍थान 34:34

मोशा परमप्रभुया न्‍ह्यःने वय्‌कः नापं खँ ल्‍हायेत वनीबलय् धासाः वं पिने पिहां मवतले थःगु ख्‍वाः उलिगु याइ। अले परमप्रभुं वयात छु उजं बियादी पिने वयाः वं इस्राएलीतय्‌त न्‍यंकी।

यशैया 25:7

वय्‌कलं थ्‍व पर्वतय् फुक्‍क मनूतय्‌त फाय्‌का तःगु देवं व फुक्‍क जातियात त्‍वःपुया तःगु तन्‍ना चीकादी।

यशैया 29:18

व दिंखुन्‍हु ख्‍वाँय्‌नं सफूया थूपतिकं च्‍वयातःगु वचन न्‍यनी, अले तसकं खिउँसे च्‍वंगुपाखें कांनं मिखां खनी।

यशैया 54:13

छिमि सकलें काय्‌पिन्‍त परमप्रभुं हे स्‍यनेगु याइ, अले छिमि काय् म्‍ह्याय्‌पिन्‍त सुख शान्‍ति दइ।

यर्मिया 31:34

‘प्रभुयात म्‍हसीकी’ धकाः इमिसं थः जःलाखःलापिन्‍त व दाजुकिजापिन्‍त नं स्‍यना जुइ माली मखु, छाय्‌धाःसा चिधिकःपिन्‍संनिसें कयाः तःधिकःपिन्‍सं तकं जितः म्‍हसी। इमिसं याःगु मभिंगु बांमलाःगु ज्‍याखँ फुक्‍कं जिं क्षमा यानाबी। अले इमिगु पाप नं जिं लुमंके मखु,” परमप्रभुं धयादी।

विलाप 3:40

झीसं थःगु पहःचहः बांलाक जाँचय् यानाः स्‍वये नु! अले झीपिं परमप्रभुयाथाय् लिहां वनेनु।

रोमी 11:23

इमिसं परमेश्‍वरयात हानं विश्‍वास यानाः लिहां वल धाःसा परमेश्‍वरं आः नं इमित स्‍वानादी फुनि।

२ कोरिन्‍थी 3:15

थौं तक नं इमिसं मोशाया व्‍यवस्‍था ब्‍वनीबलय् इमिगु नुगःयात थ्‍व जालिं भुनातः नि।

व्‍यवस्‍था 30:10

छिमिसं व्‍यवस्‍थाया थ्‍व सफुलिइ च्‍वयातःगु वय्‌कःया आज्ञा व विधि मानय् यात धाःसा अले दुनुगलंनिसें व थःगु प्राणं वय्‌कःयागु सेवा यात धाःसा अले परमप्रभु छिमि परमेश्‍वरपाखे छिपिं लिहां वल धाःसा थथे जुइ।

व्‍यवस्‍था 4:30

लिपांगु इलय् छिमित आपत जुइबलय् अले थुपिं फुक्‍क खँ छिमित वइबलय् छिपिं थः परमप्रभु परमेश्‍वरपाखे लिहां वइ अले छिमिसं वय्‌कःया खँ मानय् याइ।