२ कोरिन्‍थी 3:14 - नेवाः बाइबल

¹⁴ अबलय् इस्राएलीतय्‌गु नुगः छाः। थौं तक नं इमिसं व्‍यवस्‍था ब्‍वनीबलय् थुइके मफुनि, इमिगु नुगःयात जालिं भुनातः नि। अले इमिसं छुं हे थुइके फइ मखु। ख्रीष्‍टयात विश्‍वास याये धुंकाः थ्‍व जालि चिलावनी।

२ कोरिन्‍थी 3:14 ပူးပေါင်းရင်းမြစ်များ

भजनसंग्रहया सफू 69:23

इमिगु मिखा कां जुइमा, इमिगु दुगःक्‍वँय् चाःतुइमा।

यशैया 25:7

वय्‌कलं थ्‍व पर्वतय् फुक्‍क मनूतय्‌त फाय्‌का तःगु देवं व फुक्‍क जातियात त्‍वःपुया तःगु तन्‍ना चीकादी।

यशैया 44:18

धात्‍थें थज्‍याःपिं मनूत मूर्ख खः, इमिसं थु हे मथू! इमिगु मिखा तिनातःगु दु अले इमिसं छुं हे मखं। इमिगु नुगः नं तिनातःगु दु अले इमिसं छुं नं मथू।

यशैया 56:10

इस्राएलया फुक्‍क पिवाःत कांपिं खः। इपिं फुक्‍कं ज्ञां मदुपिं खः। इपिं उइ मफुपिं खाखः खिचात थें खः। इपिं ग्‍वारातुली अले म्‍हगस खनी। इपिं द्येने जक मास्‍तिवय्‌काच्‍वनी।

यशैया 59:10

कांपिं मनूत थें झीसं अंगलय् पचिपचि याना जुइ। मिखा मदुपिं थें झीसं थःगु लँपु माला जुइ। झीपिं न्‍हिनय् नं सन्‍ध्‍याकाः इलय् थें लुफिं हाइ। तसकं बल्‍लाःपिंनिगु दथुइ झीपिं सीपिं थें जुइ।

यशैया 6:10

अनंलि वय्‌कलं जितः धयादिल, छं थुपिं मनूतय्‌गु नुगः छाकाब्‍यु, इमिगु न्‍हाय्‌पं ख्‍वाँय् यानाब्‍यु, अले इमिगु मिखा कां यानाब्‍यु, मखुसा इमिसं मिखां खनी, न्‍हाय्‌पनं ताइ अले न्‍यना, सीकि थुइकी थुकथं इमिगु ल्‍वये लनाः जिपाखे लिहां वइ।”

यर्मिया 5:21

हे मूर्ख व बुद्धि मदुपिं मनूत, छिपिं मिखा दयाः नं मखंपिं, न्‍हाय्‌पं दयाः नं मताःपिं, थ्‍व खँ न्‍यँ!

इजकिएल 12:2

“अय् सीमानिम्‍ह मनू, छ छगू विद्रोही घरानाया दथुइ च्‍वनाच्‍वंगु दु। इमिके स्‍वयेगु मिखा ला दु अय्‌नं इमिसं मखं। इमिके न्‍यनेगु न्‍हाय्‌पं ला दु अय्‌नं इमिसं मताः छाय्‌धाःसा इपिं विद्रोही मनूत खः।

मत्ती 13:11

वय्‌कलं धयादिल – “स्‍वर्गयागु राज्‍ययागु गुप्‍ति खँ छिमित जक सीके ब्‍यूगु दु। इमित सीके मब्‍यू।

मत्ती 16:17

वय्‌कलं वयात धयादिल – “योनाया काय् सिमोन, छ धन्‍य खः, छाय्‌धाःसा छं थ्‍व खँ मनूतय्‌पाखें सय्‌काः धाःगु मखु, बरु स्‍वर्गय् च्‍वनादीम्‍ह जिमि बाःनं हे छन्‍त थ्‍व खँ धाय्‌कादीगु खः।

मत्ती 6:23

छिमिगु मिखा स्‍यंसा छिमिगु म्‍ह छम्‍हं हे खिउँसे च्‍वनी। उकिं छिमिके दुगु जः हे खिउँसे च्‍वंसा खिउँगु झन गुलि खिउँसे च्‍वनीगु जुइ।

यूहन्‍ना 12:40

“परमेश्‍वरं इमिगु मिखा कां यानाः नुगः छाय्‌का बिल। थथे जूगुलिं इमिसं मिखां खनी मखु, अले मनं थुइके फइ मखु, अले लाय्‌केत जिथाय् लिफः स्‍वयाः वइ मखु।”

यूहन्‍ना 12:46

संसारय् जि जः जुया वयाम्‍ह खः, उकिं जितः विश्‍वास याःपिं मनूत खिउँथाय् जुइ माली मखु।

यूहन्‍ना 8:12

येशूं हानं मनूतय्‌त धयादिल – “जि संसारया जः खः। जि नाप जुइम्‍ह मनू खिउँथाय् जुइ माली मखु, बरु वयात जीवनया जः दइ।”

प्रेरित 13:15

व्‍यवस्‍थायागु सफू व अगमवक्तातय्‌गु सफू ब्‍वने धुंकाः थकालिपिन्‍सं इमित सःताः थथे धाल – “किजापिं, थ्‍व मनूतय्‌त छुं भिंगु खँ न्‍यंके मास्‍ति वःसा, धयादिसँ।”

प्रेरित 15:21

न्‍हापांनिसें शहर पतिकं धर्मशास्‍त्र स्‍यनीगु छेँय् विश्रामबार पतिकं मोशायागु व्‍यवस्‍था ब्‍वनाः न्‍यंका वयाच्‍वंगु दु।”

प्रेरित 16:14

थिआटीराय् च्‍वंम्‍ह रंग छिनातःगु थिकेगु कापः मिया जुइम्‍ह लिडिया नां दुम्‍ह मिसां नं जिमिगु खँ बांलाक न्‍यन। थ्‍व मिसां परमेश्‍वरयात मानय् याः। पावलं धाःगु खँ थुइमा धकाः प्रभुं वयागु नुगः चाय्‌कादिल।

प्रेरित 26:18

इमिगु मिखा चाय्‌का बीत, इमित खिउँथासं जलय् हयेत, अथे हे जितः विश्‍वास याकाः पाप क्षमा याकेत, शैतानपाखें लिगनाः परमेश्‍वरयाथाय् पवित्र याके हयेत जिं छन्‍त इमिथाय् छ्वयाच्‍वना।’”

रोमी 11:25

दाजुकिजापिं, थ्‍व गुप्‍ति खँ थुइकाः छिपिं थथः हे बुद्धिमान जुइगु स्‍वये मते। गुप्‍ति खँ थ्‍व हे खः – गुबलय् तक यहूदीमखुपिनिगु ल्‍याः गाइ मखु अबलय् तक यहूदीतय्‌गु मिखा चाली मखु।

२ कोरिन्‍थी 3:15

थौं तक नं इमिसं मोशाया व्‍यवस्‍था ब्‍वनीबलय् इमिगु नुगःयात थ्‍व जालिं भुनातः नि।

२ कोरिन्‍थी 3:6

उकिं जिमित न्‍हूगु बाचा न्‍यंके फय्‌कादीम्‍ह परमेश्‍वर हे खः। थ्‍व न्‍हूगु बाचा च्‍वयातःगु नियम मखु, बरु थ्‍व आत्‍मां बियादीगु खः। च्‍वयातःगु नियमं मनूतय्‌त स्‍याइ, तर आत्‍मां जीवन बी।

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

एफिसी 4:18

इमिगु नुगः अज्‍जं मचाःनि। परमेश्‍वरं बियादीगु न्‍हूगु जीवनं इपिं अज्‍जं तापाः नि, छाय्‌धाःसा इमिगु नुगः तसकं छाः, अले इमिसं छुं हे मस्‍यू।