२ कोरिन्‍थी 3:12 - नेवाः बाइबल

¹² थ्‍व खँय् आशा यानाः हे जिमिसं मग्‍यासे थथे नवाये फुगु खः।

२ कोरिन्‍थी 3:12 ပူးပေါင်းရင်းမြစ်များ

यूहन्‍ना 10:24

वय्‌कःयाथाय् मुनाः यहूदीतय् नायःतय्‌सं थथे धाल – “गुबलय् तक छिं जिमित थथे दोमन याका तयेगु? छि मुक्ति बीम्‍ह ख्रीष्‍ट हे खः धयागु जूसा जिमित तप्‍यंक धयादिसँ।”

यूहन्‍ना 16:25

“थ्‍व खँ फुक्‍कं जिं छिमित चाःहिकाः मेकथं धयाच्‍वना। व ई नं वइ गुबलय् जिं छिमित बाःयागु खँ चाःहिकाः मकंसे ध्‍वाथुइक कनाबी।

यूहन्‍ना 16:29

वय्‌कःया चेलातय्‌सं धाल – “आः धाःसा छिं जिमित ध्‍वाथुइक हे धयादिल। ध्‍वामथुइक चाचाःहीकाः धयामदी।

प्रेरित 14:3

अय्‌नं इपिं मग्‍यासे प्रभुयागु वचन स्‍यँस्‍यं तःन्‍हु तक अन च्‍वनाच्‍वन। इमिसं नवाःगु प्रभुयागु वचन खः धकाः दसि बीत इमिसं यक्‍व अजू चायापुगु चिं व ज्‍या यानाक्‍यन।

प्रेरित 4:13

पत्रुस व यूहन्‍नां आखः मसःसां थथे मग्‍यासे लिसः ब्‍यूगु न्‍यनाः फुक्‍कं छक्‍क जुल। अले इपिं येशू नाप जूपिं खः धकाः नं इमिसं सिल।

प्रेरित 9:27

अले बारनाबासं वयात प्रेरिततय्‌थाय् ब्‍वना हयाः गथे लँय् वनाच्‍वंबलय् प्रभुं दर्शन बियाः शाऊल नाप नवानादिल, अले दमस्‍कसय् छफुति हे मग्‍यासे वं येशूयागु खँ न्‍यंकल धकाः कन।

प्रेरित 9:29

अले ग्रीक भाय् ल्‍हाइपिं यहूदीत नाप नं जवाःसवाः याः जुल। अय्‌जूगुलिं इमिसं वयात स्‍यायेत स्‍वल।

१ कोरिन्‍थी 14:19

मण्‍डली मुनाः सेवा यायेबलय् धाःसा द्वःछिगू खँग्‍वः नवायेगु स्‍वयाः मेपिन्‍सं थुइक न्‍यागू हे जक खँग्‍वलं स्‍यनेगु यः।

२ कोरिन्‍थी 10:1

छिमि दथुइ गुलिं गुलिंसिनं जि पौलय्‌ जक ततःधंगु खँ ल्‍हाइम्‍ह, धात्‍थें धाःसा ग्‍याफ्राम्‍ह धकाः धयाजूगु दु। स्‍वजाम्‍ह व दया माया दुम्‍ह ख्रीष्‍टयागु नामय् जि पावलं छिमित बिन्‍ति यानाच्‍वना,

२ कोरिन्‍थी 3:11

छुं ई तक जक दयाच्‍वनीगु ला उलि झःझः धाः धाल धाःसा सदां दयाच्‍वनीगु गुलि जक झःझः धाइगु जुइ?

२ कोरिन्‍थी 4:13

“जिं विश्‍वास यानागुलिं नवाना नं च्‍वना” धकाः धर्मशास्‍त्रय् च्‍वया तः थें जिमिसं नं विश्‍वास यानागुलिं नवाना नं च्‍वनागु खः।

२ कोरिन्‍थी 7:4

छिमित जिं यक्‍व हे पत्‍याः यानाच्‍वनागु दु। छिमिगुपाखें जिं फुइँ यायेथाय् दु। छिमिगुपाखें सान्‍त्‍वना दयाः न्‍ह्यागु दुःखकष्‍ट जूसां जितः लय्‌ता वः।

फिलिप्‍पी 1:14

थुलि जक मखु, जितः थथे कुनातःगुलिं यक्‍व हे दाजुकिजापिन्‍सं प्रभुयाके भरोसा तयाः छप्‍ति हे मग्‍यासे परमेश्‍वरयागु वचन न्‍यंकाजूगु दु।

फिलिप्‍पी 1:20

अय्‌जूगुलिं जि छुकी नं लज्‍या चाये माली मखु धकाः जितः आशा व भरोसा दु। अले न्‍ह्याबलें थें जि आः नं ग्‍याये मखु, सीसां म्‍वाःसां जिगुपाखें ख्रीष्‍टयागु नां जक तःधना च्‍वंसां जितः गाः।

कलस्‍सी 4:4

जिं गुकथं थुइके माःगु खः उकथं हे मेपिन्‍त थुइके फयेमा धकाः छिमिसं जिगु निंतिं प्रार्थना यानाब्‍यु।

१ थेसलोनिकी 2:2

आम्‍कन वये न्‍ह्यः फिलिप्‍पी च्‍वंपिन्‍सं जिमित दुःख बियाः नं जिमिगु इज्‍जत तकं काल धकाः ला छिमिसं सि हे स्‍यू। अय्‌नं परमेश्‍वरं जिमित साहस बियादीगुलिं जिमिसं न्‍ह्याक्‍व हे विरोधीत दःसां छिमित भिंगु खँ न्‍यंकेगु मत्‍वःता।

१ तिमोथी 3:13

बांलाक ज्‍या याइम्‍हय्‌सित फुक्‍कसिनं मानय् याइ। अले इमिसं येशू ख्रीष्‍टयात थःम्‍हं विश्‍वास यानागु खँ मेपिन्‍त नं मग्‍यासे धाये फइ।

फिलेमोन 1:8

विश्‍वासय् किजा जूगुलिं जिं छन्‍त माःमाःगु खँय् उजं बी फु।