२ कोरिन्‍थी 3:1 - नेवाः बाइबल

¹ जिमिसं थःपिन्‍त तःधंकागु मखु। मेपिं मनूत थें जिमित छिमिगुपाखें सिफारिस पौ कायेगु वा छिमित सिफारिस पौ बीमाःगु मदु।

२ कोरिन्‍थी 3:1 ပူးပေါင်းရင်းမြစ်များ

प्रेरित 18:27

अपोल्‍लोसं अखैयाय् वने मास्‍ति वय्‌कूगुलिं विश्‍वासीतय्‌सं वयात साहस बियाः अखैयायापिं विश्‍वासीतय्‌त वयात बांलाक लसकुस या धकाः पौ च्‍वया छ्वल। अपोल्‍लोसं अन थ्‍यंकाः परमेश्‍वरयागु दया मायां विश्‍वास याये खंपिन्‍त यक्‍व हे ग्‍वाहालि बिल।

रोमी 16:1

किंक्रियाय् च्‍वंगु मण्‍डलीइ सेवा याइम्‍ह फिबी झी केहेँ खः।

१ कोरिन्‍थी 10:33

जिं यानाच्‍वना थें तुं छिमिसं नं यायेगु स्‍व। जिं थःत जक भिंकेगु मस्‍वसे न्‍ह्यागु याःसां कर्पिन्‍त निं भिंकेगु स्‍वयाच्‍वना। गथे यानाः इपिं फुक्‍कसिनं परमेश्‍वरयात विश्‍वास याये फइ धकाः मतिइ तयाः जिं फुक्‍कसितं भिनिगु ज्‍याखँ यानाच्‍वना।

१ कोरिन्‍थी 16:3

जि आम्‍कन वयेबलय् छिमिगु भेटी यरूशलेमय् बीके छ्वयेत छिमि हे यःपिं मनूतय्‌त पौ बियाः छ्वयाबी।

१ कोरिन्‍थी 3:10

परमेश्‍वरया दया मायां यानाः जिं सःम्‍ह दकःमिं थें जग स्‍वना बिया, अले थ्‍व हे जगय् मेम्‍ह मनुखं छेँ दना वनी। छेँ दनिम्‍हय्‌सिनं गथे यानाः दनेमाः धकाः बांलाक बिचाः यायेमाः।

१ कोरिन्‍थी 4:15

छिमित ख्रीष्‍टयागु भिंगु खँ स्‍यनीपिं द्वलंद्वः दःसां छिमि तःम्‍ह मछि ला अबु दइ मखु। छिमित ख्रीष्‍ट येशूयागु भिंगु खँ कनाः ख्रीष्‍ट येशूयात म्‍हसीका बियाम्‍ह जि छिमि अबु जुयागु दु।

२ कोरिन्‍थी 10:12

थःम्‍हं थःत तःधंका जुइपिं मनूतलिसे थःपिन्‍त दाना स्‍वयेगु व इमिगु ज्‍वलिंज्‍वलय् च्‍वनेत जिमिके आँट मदु। इमिसं थःम्‍हं थःत दाना स्‍वइ, अले लना स्‍वइ। इपिं छुं मस्‍यूपिं जुइ।

२ कोरिन्‍थी 10:18

प्रभुं तःधं धाःम्‍ह मनू जक तःधंम्‍ह जुइ, थःत थःम्‍हं तःधं धकाः धया जुइवं व तःधं जुइ मखु।

२ कोरिन्‍थी 10:8

परमेश्‍वरं जितः बियादीगु अधिकारया खँय् छुं भचा घमण्‍ड यानागु जूसां जि लज्‍या चाये मखु, छाय्‌धाःसा थथे यानागु छिमित हे भिंकेत खः, स्‍यंकेत मखु।

२ कोरिन्‍थी 12:11

छिमिसं यानाः मूर्खम्‍ह मनुखं थें जिं छिमित थथे धया च्‍वनेमाली। धायेमाल धाःसा छिमिगुपाखें जि तःधने माःगु खः। जि छुं मखुसां छिमिसं जितः हनेमाःगु खः। तःधं धाःपिं प्रेरितत स्‍वयाः जि कम मजू।

२ कोरिन्‍थी 12:19

जिमिसं थःपिं बचय् जुइत थथे धयाच्‍वंगु धकाः छिमिसं मतिइ तल जुइ। यःपिं, अथे मखु, छिमित हे भिंकेत जिमिसं थथे धयाच्‍वनागु खः धकाः परमेश्‍वर व ख्रीष्‍टं स्‍यू।

२ कोरिन्‍थी 2:17

व्‍यापार याये थें जिमिसं परमेश्‍वरयागु भिंगु खँ न्‍यंकाच्‍वनागु मखु। जिमित परमेश्‍वरं हे छ्वया हयादीगुलिं ख्रीष्‍टया च्‍यःतय्‌सं थें जिमिसं खःगु खँ जक नवानाजुयागु दु।

२ कोरिन्‍थी 5:12

हानं जिपिं भिंपिं मनूत खः धकाः धायेत छिमित थथे च्‍वयाच्‍वनागु मखु। बरु जिमिगु पंलिनाः छिपिं तःधं जुइ फयेमा धकाः थथे च्‍वयाच्‍वनागु खः। थथे मनूतय्‌गु नुगः मस्‍वसे, ख्‍वाःपाः जक स्‍वयाः खँ ल्‍हाइपिं मनूतय्‌त छिमिसं कुगाक्‍क लिसः बी फयेमा।