२ कोरिन्‍थी 2:3 - नेवाः बाइबल

³ अय्‌जूगुलिं हे खः जिं व पौ च्‍वयाः छ्वयाहयागु। जितः लय्‌ताय्‌कीपिंलिसे हे नुगलय् स्‍याके म्‍वाःलेमा धकाः जिं मवयेगु क्‍वःछिनागु खः, छाय्‌धाःसा जि लय्‌ताःसा हे जक छिपिं लय्‌ताइ धकाः जिं स्‍यू।

२ कोरिन्‍थी 2:3 ပူးပေါင်းရင်းမြစ်များ

१ कोरिन्‍थी 4:21

छिमित छु यः, आम्‍कन वयेबलय् जि कथि ज्‍वनावये कि क्‍वमिलु आत्‍मा व दया माया ज्‍वनावये?

२ कोरिन्‍थी 1:15

थ्‍व हे खं यानाः जि नं छिमिथाय् वयेत कुतः यानाच्‍वनागु खः। थुकिं यानाः छिमित निदुगं आशिष दइ।

२ कोरिन्‍थी 1:23

जिगु नुगलय् च्‍वंगु फुक्‍क खँ स्‍यूम्‍ह परमेश्‍वरयात साक्षी तयाः जिं धयाच्‍वना। छिमित ब्‍वःबियाः छिमिगु नुगः ख्‍वय्‌के मास्‍ति मवःगुलिं जि आम्‍कन कोरिन्‍थय् मवयागु खः।

२ कोरिन्‍थी 12:11

छिमिसं यानाः मूर्खम्‍ह मनुखं थें जिं छिमित थथे धया च्‍वनेमाली। धायेमाल धाःसा छिमिगुपाखें जि तःधने माःगु खः। जि छुं मखुसां छिमिसं जितः हनेमाःगु खः। तःधं धाःपिं प्रेरितत स्‍वयाः जि कम मजू।

२ कोरिन्‍थी 12:21

जि छिमिथाय् हानं वय्‌बलय् परमेश्‍वरं जितः छिमिगु न्‍ह्यःने लज्‍या चाये माय्‌कादी धकाः जि ग्‍यानाच्‍वना। अले जितः न्‍हापा पाप यानाः मह्यूपिं, न्‍हापा मभिंगु ज्‍या यानाः व्‍यभिचार यानाः व लाः लाः थें सनाः पश्‍चाताप मयाःपिं खनाः ख्‍वये वइ।

२ कोरिन्‍थी 13:10

अय्‌जूगुलिं हे आम्‍कन वये न्‍ह्यः जिं छिमित थुकथं च्‍वयाच्‍वनागु खः। अले जक आम्‍कन वयाः जिं छिमित ब्‍वःबी नं माली मखु, सजाँय बी नं माली मखु, थथे यायेगु अधिकार प्रभुं जितः बियादीगु दु धकाः छिमित क्‍यनाबी माली मखु। प्रभुं जितः थथे यायेगु अधिकार बियादीगु छिमित स्‍यंकेत मखु बरु भिंकेत खः।

२ कोरिन्‍थी 2:9

जिं धयागु खँ छिमिसं मानय् याः ला कि मयाः धकाः स्‍वयेत जिं थथे च्‍वयागु खः।

२ कोरिन्‍थी 7:12

थथे जिं पौ च्‍वयाहयागु दुःख बियाच्‍वंम्‍ह मनूया लागि मखु, अले दुःख फया च्‍वंम्‍हय्‌सिगु लागि नं मखु, बरु परमेश्‍वरया न्‍ह्यःने छिमिसं जितः गुलि तक माया याः धकाः ध्‍वाथुइकेत च्‍वयाहयागु खः।

२ कोरिन्‍थी 7:16

छिमिपाखें बांलाक भरोसा काये फुगुलिं जि तसकं लय्‌तायाच्‍वना।

२ कोरिन्‍थी 7:6

अय्‌नं नुगः ख्‍वःपिन्‍त सान्‍त्‍वना बियादीम्‍ह परमेश्‍वरं तीतसयात छ्वयाहयाः जिमित लय्‌ताय्‌कादिल।

२ कोरिन्‍थी 7:8

जिगु पौ ब्‍वनाः छिमिसं नुगलय् ला स्‍याकल हे जुइ, थ्‍व खँय् जि न्‍हापा पस्‍ताय् चायागु जूसां आः जि पस्‍ताय् चाये मखुत। छाय्‌धाःसा जिं स्‍यू, जिगु पौपाखें छिमित पलख जूसां नुगलय् स्‍याकूगु दु।

२ कोरिन्‍थी 8:22

अय्‌जूगुलिं जिमिसं इपिं नाप मेम्‍ह किजायात नं छ्वयाहयागु दु। तःकः जाँचय् यानाः स्‍वयाः जिमिसं वयात ज्‍या याये तसकं इच्‍छा दुम्‍ह धकाः सीका। अज्‍ज ला छिमिके अप्‍वः भरोसा दुगुलिं थौंकन्‍हय् व ग्‍वाहालि यायेत अप्‍वः न्‍ह्यचिलाच्‍वंगु दु।

गलाती 5:10

प्रभु नाप मिलय् जुयाच्‍वंगुलिं छिपिं अथे मेगु लँय् जुइ मखु धकाः जिं पत्‍याः यानाच्‍वनागु दु। अथेसां छिमित स्‍यंकेत स्‍वःपिं, न्‍ह्याम्‍ह हे जूसां, इमित परमेश्‍वरं सजाँय बियादी।

२ थेसलोनिकी 3:4

जिमिसं धया थें छिमिसं यानाच्‍वंगु दु, अले याना हे च्‍वनी धकाः जिमिसं प्रभुयाके भरोसा कयागु दु।

फिलेमोन 1:21

छं जिं धयागु स्‍वयाः नं अप्‍वः याइ धकाः विश्‍वास दुगुलिं थथे च्‍वयाच्‍वनागु खः।