२ कोरिन्‍थी 2:15 - नेवाः बाइबल

¹⁵ जिं न्‍यंकागु ख्रीष्‍टयागु भिंगु खँ परमेश्‍वरयात तःधंकेगु नस्‍वाः थें खः। थ्‍व मुक्ति काःपिं व नाश जुइपिनि दथुइ नं जिपिं परमेश्‍वरया निंतिं ख्रीष्‍टया नस्‍वाः खः।

२ कोरिन्‍थी 2:15 ပူးပေါင်းရင်းမြစ်များ

उत्‍पत्ति 8:21

उकिं लय्‌तायाः परमप्रभुं मनं मनं धयादिल, “मनूया नुगलय् मचांनिसें हे मभिंगु खँ बुयावःसां आः हाकनं जिं मनूया कारणं पृथ्‍वीयात सराः बी मखुत। अले न्‍हापा याना थें आः हाकनं ज्‍यान दुपिं फुक्‍कसितं नाश याये मखुत।

प्रस्‍थान 29:18

भ्‍याःचाया म्‍ह छम्‍हं वेदीइ छ्वय्‌काछ्व। थ्‍व परमप्रभुया निंतिं विशेष देछा, नस्‍वाःगु होमबलि खः।

प्रस्‍थान 29:25

अनंलि व फुक्‍कयात इमिगु ल्‍हातं कयाः परमप्रभुयात यःगु नस्‍वाःकथं वय्‌कःयात विशेष देछा, होमबलिया वेदीइ छ्वय्‌काब्‍यु। थ्‍व परमप्रभुयात मिं छाःगु बलि खः।

श्रेष्‍ठगीत 1:3

छिगु नस्‍वाःगु अत्तरय् तसकं लय्‌तायाः छिगु नां प्‍वंकातःगु नस्‍वाःगु अत्तर थें। अथे जुयाः ल्‍यासेपिन्‍सं छितः माया यायेगु अजू चायापुगु खँ मखु!

इजकिएल 20:41

जिं छिमित जाति जातितपाखें पित हयेबलय् अले छिमित छ्यालब्‍याल जुयाच्‍वंगु देशं छिमित मुंकेबलय् छिमित नस्‍वाःगु धुपाँय् थें नाले। अले जाति जातितय्‌गु न्‍ह्यःने जिं थःम्‍हं थःत छिमिगु दथुइ पवित्र क्‍यने।

गन्‍ती 15:3

छिमिसं परमप्रभुयात लय्‌ताय्‌कीगु नस्‍वाःकथं होमबलि व विशेष देछा बीबलय् सा द्वहंया बथां वा फैच्‍वलय्‌या बथांपाखें जुइमाः, अथे हे भाकलया बलि, थःयसें छाइगु बलि व नखःचखःया बलि बीबलय्

१ कोरिन्‍थी 1:18

परमेश्‍वरयात म्‍हमस्‍यूपिं मनूतय्‌त ला ख्रीष्‍ट क्रूसय् सिनादिल धयागु खँ मूर्ख खँ खः। झी बचय् यानातःपिन्‍त ला ख्रीष्‍ट क्रूसय् सिनादीगु खँ परमेश्‍वरयागु शक्ति खः।

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

फिलिप्‍पी 4:18

छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।

२ थेसलोनिकी 2:10

नाश जुया वनीपिन्‍त वं थथे यानाः मिखाय् धुलं छ्वाकि, छाय्‌धाःसा इमिसं मुक्ति बीगु सत्‍य खँयात मयय्‌कू।