२ कोरिन्‍थी 2:10 - नेवाः बाइबल

¹⁰ थुकथं छिमिसं सुयात क्षमा याइ वयात जिं नं क्षमा बी। छाय्‌धाःसा जिं सुयातं छुं खँय् क्षमा याये माःसा छिमिगु हे निंतिं ख्रीष्‍टया न्‍ह्यःने यानाबी।

२ कोरिन्‍थी 2:10 ပူးပေါင်းရင်းမြစ်များ

मत्ती 18:18

“जिं छिमित खःगु खँ धाये – छिमिसं पृथ्‍वीइ पना तःगुयात स्‍वर्गय् नं पना तइ। अले छिमिसं पृथ्‍वीइ त्‍वःता तःगुयात स्‍वर्गय् नं त्‍वःता तइ।

यूहन्‍ना 20:23

छिमिसं सुयागु पाप क्षमा यानाबी इमिगु पाप क्षमा जुइ। छिमिसं पाप क्षमा याना मब्‍यूसा इमिगु पाप क्षमा जुइ मखु।”

१ कोरिन्‍थी 5:4

छिपिं विश्‍वासीत फुक्‍कं छथाय् मुनीबलय् जिगु आत्‍मा नं छिपिंनाप हे दइ। झी प्रभु येशूं झीत बियादीगु शक्तिं

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

२ कोरिन्‍थी 5:20

अय्‌जूगुलिं जिपिं ख्रीष्‍टं छ्वयाहयादीपिं मनूत खः। जिमिगुपाखें परमेश्‍वर छिपिंनाप नवानाच्‍वनादीगु दु। ख्रीष्‍टयागु निंतिं जिमिसं थथे नवानाच्‍वनागु खः। छिपिं फुक्‍कसिनं पापी ज्‍याखँ यायेगु त्‍वःताः परमेश्‍वर नाप मिलय् जुइत वय्‌कःयाथाय् लिहां वा धकाः जिमिसं दुनुगलंनिसें छिमित बिन्‍ति यानाच्‍वनागु दु।

२ कोरिन्‍थी 6:6

जिमिसं यानागु भिंगु ज्‍यां व बुद्धिं यानाः सह याये फुगुलिं, दया माया यानाजुयागुलिं, पवित्र आत्‍मा दुगुलिं, धात्‍थेंगु माया यानाः जिपिं परमेश्‍वरयागु ज्‍या याइपिं मनूत खः धकाः क्‍यना।

एफिसी 4:32

गथे ख्रीष्‍टयात विश्‍वास याःगुलिं परमेश्‍वरं छिमित क्षमा यानादिल, अथे हे छिमिसं नं थःथवय् क्षमा बीगु यानाः दया माया याना च्‍वँ।