२ कोरिन्‍थी 2:1 - नेवाः बाइबल

¹ छिमित मछिनी धकाः हे जिं थथे मवयेगु क्‍वःछिनागु खः।

२ कोरिन्‍थी 2:1 ပူးပေါင်းရင်းမြစ်များ

प्रेरित 11:29

अथे जूगुलिं अन च्‍वंपिं चेलातय्‌सं फक्‍व धिबा ल्‍हानाः यहूदियाय् च्‍वंपिं विश्‍वासीतय्‌त ग्‍वाहालि यायेगु क्‍वःछित।

प्रेरित 15:2

इमिसं थथे धकाः स्‍यंगुलिं पावल व बारनाबासं थ्‍व खँय् इपिं लिसे तसकं जवाःसवाः यात। लिपा पावल, बारनाबास व अनं सुं विश्‍वासीतय्‌त यरूशलेमय् छ्वयेगु, अले प्रेरितत व थकालिपिं लिसे थुकियात कयाः खँ ल्‍हायेगु क्‍वःछित।

प्रेरित 15:37

बारनाबासं मर्कूस धाःम्‍ह यूहन्‍नायात थःपिं नाप ब्‍वनायंकेत स्‍वल।

१ कोरिन्‍थी 2:2

छिपिंनाप च्‍वनाबलय् जिं क्रूसय् सिनादीम्‍ह येशू ख्रीष्‍टयागु खँ बाहेक मेगु फुक्‍क खँ ल्‍वःमंका छ्वयेगु पक्‍का यानागु खः।

१ कोरिन्‍थी 4:21

छिमित छु यः, आम्‍कन वयेबलय् जि कथि ज्‍वनावये कि क्‍वमिलु आत्‍मा व दया माया ज्‍वनावये?

१ कोरिन्‍थी 5:3

म्‍हं तापाःसां जिगु आत्‍मा छिपिंनाप दु। जिं झी प्रभु येशूया नामं थथे पाप याना च्‍वंम्‍हय्‌सिगु न्‍याय याये धुन।

२ कोरिन्‍थी 1:23

जिगु नुगलय् च्‍वंगु फुक्‍क खँ स्‍यूम्‍ह परमेश्‍वरयात साक्षी तयाः जिं धयाच्‍वना। छिमित ब्‍वःबियाः छिमिगु नुगः ख्‍वय्‌के मास्‍ति मवःगुलिं जि आम्‍कन कोरिन्‍थय् मवयागु खः।

२ कोरिन्‍थी 13:10

अय्‌जूगुलिं हे आम्‍कन वये न्‍ह्यः जिं छिमित थुकथं च्‍वयाच्‍वनागु खः। अले जक आम्‍कन वयाः जिं छिमित ब्‍वःबी नं माली मखु, सजाँय बी नं माली मखु, थथे यायेगु अधिकार प्रभुं जितः बियादीगु दु धकाः छिमित क्‍यनाबी माली मखु। प्रभुं जितः थथे यायेगु अधिकार बियादीगु छिमित स्‍यंकेत मखु बरु भिंकेत खः।

२ कोरिन्‍थी 2:4

तसकं हे नुगः मछिंकाः दुःख तायाः मिखाय् दंक ख्‍वबि तयाः छिमित पौ च्‍वयाहयागु खः। छिमित नुगलय् स्‍याकेत अथे च्‍वयाहयागु मखु, बरु जिं छिमित गुलि माया यानाच्‍वनागु दु धकाः सीकेत जक खः।

तीतस 3:12

जिं अर्तिमासयात जूसां तुखिकसयात जूसां छन्‍थाय् छ्वयाहये। इपिं थ्‍यनेवं छं निकोपोलिसय् जितः नापलाः वयेगु कुतः या, छाय्‌धाःसा जिं चिकुला ज्‍वःछि अन हे च्‍वनेगु मतिइ तयागु दु।