२ कोरिन्‍थी 13:9 - नेवाः बाइबल

⁹ जिपिं बमलाःसां छिपिं जक बल्‍लाक विश्‍वास यानाः भिना वयेमा धकाः जिमिसं लय्‌तातां प्रार्थना यानाच्‍वनागु दु।

२ कोरिन्‍थी 13:9 ပူးပေါင်းရင်းမြစ်များ

रोमी 15:2

झी फुक्‍कसिनं थः जःलाखःलापिन्‍त भिं जुइगु मतिइ तयेमाः, अले जक इमिगु विश्‍वास बल्‍लानावइ।

१ कोरिन्‍थी 1:10

यःपिं दाजुकिजापिं, झी प्रभु येशू ख्रीष्‍टया नामय् छिमित जिगु बिन्‍ति दु – छिपिं सकसिनं छगू हे खँ ल्‍हायेगु या। छिमिगु दथुइ ल्‍वापु मजुइमा बरु छिपिं फुक्‍कं मिलय् जुयाः छगू हे बिचाः व छगू हे मन जुयाच्‍वनेगु त्‍वःते मते।

१ कोरिन्‍थी 2:3

जि आम्‍कन वयाबलय् कमजोर जुयाः ग्‍याःगुलिं थरथर खात।

१ कोरिन्‍थी 4:10

ख्रीष्‍टयागु निंतिं जिपिं मूर्खत थें जुइ धुन। ख्रीष्‍टयात विश्‍वास याःगुलिं छिपिं धाःसा बुद्धिमान थें जुइ धुन, मखु ला? जिपिं बमलाः, छिपिं बल्‍लाः। जिमित फुक्‍कसिनं क्‍वह्यंका तल, छिमित फुक्‍कसिनं तःधंका तल।

२ कोरिन्‍थी 11:30

जिं फुइँ हे याये माःसा, जि बमलाःगु खँय् फुइँ याना जुइ।

२ कोरिन्‍थी 13:11

यःपिं दाजुकिजापिं, लय्‌ताया च्‍वँ। मभिंगु लँपु त्‍वःताः भिंगु लँपु ज्‍वनाच्‍वँ। जिं धयागु खँ नुगलय् तयाति। छिपिं सकलें मिलय् जुयाच्‍वँ। अले माया यानादीम्‍ह व शान्‍ति बियादीम्‍ह परमेश्‍वर छिपिंनाप च्‍वनादी।

२ कोरिन्‍थी 13:4

अथे ला वय्‌कःयात क्रूसय् यख्‍खायाः स्‍याःबलय् वय्‌कः कमजोर तिनि। तर आः परमेश्‍वरया शक्तिं वय्‌कः म्‍वानादीगु दु। जिपिं नं वय्‌कः थें कमजोर तिनि। तर परमेश्‍वरया शक्तिं जिपिं वय्‌कःलिसे म्‍वानाच्‍वने। थ्‍व हे शक्ति जिमिसं छिमिगु दथुइ क्‍यने।

२ कोरिन्‍थी 4:12

थुकथं जिमित कालं त्‍वपुयातःगु दु। छिमिसं धाःसा जीवन कयाच्‍वंगु दु।

२ कोरिन्‍थी 7:1

यःपिं दाजुकिजापिं, झीत थ्‍व बचं बियादीगुलिं म्‍ह व आत्‍मायात अशुद्ध याइगु फुक्‍क खँपाखें झीसं थःत पवित्र याये नु। अले परमेश्‍वरया भय कयाः झीसं पवित्र जुयाच्‍वनेगु कुतः याये नु।

कलस्‍सी 1:28

उकिं जिमिसं फुक्‍कसितं ख्रीष्‍टयागु खँ न्‍यंका जुयागु खः। फुक्‍कसितं ख्रीष्‍टयात क्‍वात्तुक विश्‍वास याकाः परमेश्‍वरया न्‍ह्यःने यंकेत जिमिसं ख्‍याच्‍वः बिया अले स्‍यनेकने यानाः वयाच्‍वनागु दु।

कलस्‍सी 4:12

छिमिथाय् हे च्‍वंम्‍ह ख्रीष्‍ट येशूया मेम्‍ह दास इपाफ्रासं नं छिमित ज्‍वजलपा धयाहःगु दु। छिमिसं क्‍वात्तुक विश्‍वास यानाः परमेश्‍वरयात यःकथं जक यानाच्‍वने फयेमा धकाः वं छिमिगु निंतिं न्‍ह्याबलें प्रार्थना यानाच्‍वंगु दु।

१ थेसलोनिकी 3:10

चान्‍हिं जिमिसं दुनुगलंनिसें आम्‍कन वये दयेमा धकाः परमेश्‍वरयाके फ्‍वनाच्‍वनागु दु। थुकथं छिमिगु विश्‍वासय् मगाः मचाःगु नं तना बीदइगु खः।

२ तिमोथी 3:17

परमेश्‍वरया मनूतय्‌सं न्‍ह्याथें ज्‍याःगु भिंगु ज्‍याखँ नं याये फयेमा धकाः धर्मशास्‍त्र बियातःगु खः।

हिब्रू 12:23

अन स्‍वर्गय् नां च्‍वयातःपिं, परमेश्‍वरया दकलय् तःधिकःम्‍ह काय्‌यात विश्‍वास याना च्‍वंपिनिगु पुचलय् छिपिं दुथ्‍याःगु दु। फुक्‍क मनूतय्‌त न्‍याय यानादीम्‍ह परमेश्‍वर दीथाय् छिपिं वःगु दु। अन धर्मी मनूया सिद्ध जुइ धुंकूपिं आत्‍मात नं दु।

हिब्रू 13:21

थ्‍व हे परमेश्‍वरं छिमित वय्‌कःयात लय्‌ताय्‌केत माक्‍व भिंगु बांलाःगु फुक्‍कं बियादीमा। थुकथं येशू ख्रीष्‍टपाखें झीपिं वय्‌कःयात यय्‌क म्‍वानाच्‍वने फयेमा। वय्‌कः सदां तःधना च्‍वनेमा। आमेन।

हिब्रू 6:1

अय्‌जूगुलिं ख्रीष्‍टयागु न्‍ह्यखँ जक सय्‌का च्‍वनेगु त्‍वःताः मेमेगु दुग्‍यंगु व ततःधंगु खँ नं सीकेमाः। मखुगु, मभिंगु व परमेश्‍वरयात मयःगु ज्‍याखँ यायेगु त्‍वःताः पश्‍चाताप यायेगु, वय्‌कःयात विश्‍वास यानाच्‍वनेगु,

१ पत्रुस 5:10

थथे दुःखकष्‍ट सीधुंकाः झी परमेश्‍वरं छिमित सःताः भिंका व बल्‍लाकादी। थ्‍व हे भिंम्‍ह दया माया दुम्‍ह परमेश्‍वरं येशू ख्रीष्‍टयात झीथाय् छ्वयाहयाः वय्‌कः नाप स्‍वर्गय् च्‍वनेत झीत सःतादीगु खः।