२ कोरिन्‍थी 13:5 - नेवाः बाइबल

⁵ छिमिगु विश्‍वास गुलि बल्‍लाः धकाः स्‍वयेत छिमिसं थःम्‍हं थःत हे जाँचय् यानाः स्‍व। जाँचय् ताःलाःसा ख्रीष्‍ट छिपिंनाप दी धकाः छिमिसं सीमाःगु खः।

२ कोरिन्‍थी 13:5 ပူးပေါင်းရင်းမြစ်များ

भजनसंग्रहया सफू 119:59

जिं थःगु पहःचहःया बारे बिचाः यानागु दु, अले छिगु नियमपाखे थःगु पलाः न्‍ह्याकागु दु।

भजनसंग्रहया सफू 17:3

छिं चान्‍हय् जिगु बिचाःयात वालाः स्‍वयादीगु दु। अले जिगु नुगःयात दुवालादीगु दु। छिं जितः बांलाक जाँचय् यानादीगु दु। अले जिगु छुं दोष मदु धकाः सीकादीगु दु। जिगु म्‍हुतुं मखुगु व मभिंगु खँ पिहां वइ मखु धकाः जितः विश्‍वास दु।

भजनसंग्रहया सफू 26:2

हे परमप्रभु, जि गज्‍याःम्‍ह खः धकाः जिगु नुगः व बिचाःयात जाँचय् यानादिसँ।

यर्मिया 6:30

इमित खतं नःगु वहः धाइ। छाय्‌धाःसा जि परमप्रभुं इमित त्‍वःतागु दु।”

विलाप 3:40

झीसं थःगु पहःचहः बांलाक जाँचय् यानाः स्‍वये नु! अले झीपिं परमप्रभुयाथाय् लिहां वनेनु।

इजकिएल 18:28

वं बिचाः यानाः थःम्‍हं याःगु फुक्‍क अपराध लुमंकी अले व त्‍वःती। उकिं व धात्‍थें हे म्‍वाइ, व सी मखु।

हाग्‍गै 1:5

दक्‍व शक्ति दुम्‍ह परमप्रभुं थथे धयादी, “छिमित छु जुयाच्‍वन धयागु खँय् बांलाक बिचाः या।

हाग्‍गै 1:7

दक्‍व शक्ति दुम्‍ह परमप्रभुं थथे धयादी, “छिमित छु जुयाच्‍वन बांलाक बिचाः या।

यूहन्‍ना 14:23

वय्‌कलं लिसः बियादिल – “जितः माया याइम्‍हय्‌सिनं जिगु वचन नं मानय् याइ। अले बाःनं नं वयात माया यानादी। अले जिपिं वयाथाय् वये अले व नाप हे च्‍वने।

यूहन्‍ना 15:4

छिपिं जिके च्‍वनाच्‍वँ, जि नं छिमिके च्‍वने। गथे कचां दाखमाय् मच्‍वंकं दाख सय्‌के फइ मखु, अथे हे छिपिं नं जिके च्‍वना मच्‍वंसा फल सय्‌के फइ मखु।

यूहन्‍ना 17:23

छि जिके, अले जि इमिके दुगुलिं इपिं नं फुक्‍क छप्‍पँ जुइमा। थुकिं यानाः संसारं छिं जितः छ्वयाहयादीगु खः धकाः सी, अले जितः थें इमित नं छिं माया यानादी धकाः नं सी।”

यूहन्‍ना 17:26

जिं इमित छिगु नां म्‍हसीके बिया। अझ नं जिं सीके बीतिनि। छिं जितः माया यानादी थें इमिसं नं याये फयेमा, अले जि इमिके च्‍वने फयेमा।”

यूहन्‍ना 6:56

सुनां जिगु म्‍ह नइ अले हि त्‍वनी, व मनू जिके दइ, अले जि वयाके दइ।

यूहन्‍ना 6:6

वय्‌कलं थःम्‍हं छु यायेत्‍यंगु स्‍यूसां वयागु मन स्‍वयेत थथे धयादीगु खः।

रोमी 1:28

थज्‍याःपिन्‍सं परमेश्‍वरयात क्‍वह्यंकूगुलिं वय्‌कलं नं इमित दकलय् क्‍वह्यंगु मन व मभिंगु बांमलाःगु बिचालय् हे त्‍वःतादिल।

रोमी 8:10

ख्रीष्‍ट छिमिके च्‍वनादीगु दुसा पापं यानाः छिमिगु शरीर सी धुंकूसां परमेश्‍वरया न्‍ह्यःने धर्मी ठहरय् जूगुलिं छिमिगु आत्‍मा म्‍वानाच्‍वनी।

१ कोरिन्‍थी 11:28

थथे जूगुलिं फुक्‍क मनूतय्‌सं थथःगु मन जाँचय् याना स्‍व। अले जक मरि न, ख्‍वलाय् च्‍वंगु नं त्‍वँ।

१ कोरिन्‍थी 11:31

झीसं थथःगु मन जाँचय् याना स्‍वःगु जूसा परमेश्‍वरयागु सजाँय फयेमाली मखुगु।

१ कोरिन्‍थी 3:16

छिपिं परमेश्‍वरयागु देगः खः, उकिं पवित्र आत्‍मा छिमिके च्‍वनादी धकाः छिमिसं मस्‍यू ला?

१ कोरिन्‍थी 6:15

छिमिगु म्‍ह ख्रीष्‍टयागु म्‍हब्‍व खः धकाः छिमिसं मस्‍यू ला? थथे खः धयागु जूसा ख्रीष्‍टयागु म्‍हब्‍वयात वेश्‍यायागु म्‍हब्‍व यायेगु ला? थथे ला जुइ हे मफइगु खँ खः।

१ कोरिन्‍थी 6:19

छिमिगु म्‍ह पवित्र आत्‍मा च्‍वनादीगु देगः खः धकाः मस्‍यू ला? उकिं छिमिगु म्‍हय् परमेश्‍वरं छ्वयाहयादीम्‍ह पवित्र आत्‍मा च्‍वनादी। अय्‌जूगुलिं छिमिगु म्‍ह छिमिगु थःगु मखु।

१ कोरिन्‍थी 6:2

परमेश्‍वरया मनूतय्‌सं हे संसारया न्‍याय याइतिनि धकाः छिमिसं मस्‍यू ला? छिमिसं हे थ्‍व संसारया न्‍याय याइतिनि धासेंलि थज्‍याःगु चिधंगु ल्‍वापु छिने मफु ला?

१ कोरिन्‍थी 9:24

ब्‍वाँय् वनेगु कासाय् फुक्‍क मनूत ब्‍वाँय् वनी, तर न्‍हापांगु सिरपाः धाःसा छम्‍हय्‌सित जक दइ धकाः छिमिसं मस्‍यू ला? उकिं सिरपाः कायेत ब्‍वाँय् वनेगु कुतः याना च्‍वँ।

१ कोरिन्‍थी 9:27

जिं थःगु म्‍हयात दायाः दायाः बसय् तयाच्‍वना। थथे मयाःसा मेपिन्‍त जक भिंगु खँ न्‍यंकाः जि थः हे सिरपाः काये बहःम्‍ह जुइ मखु।

२ कोरिन्‍थी 6:16

परमेश्‍वरयागु देगःलिसे मूर्तियागु छु स्‍वापु? झीपिं हे म्‍वाःम्‍ह परमेश्‍वर च्‍वनीगु देगः खः। थथे ला परमेश्‍वरं हे धयादीगु दु – “जि इपिंनापं च्‍वने, अले इपिंनापं जुइ। जि इमि परमेश्‍वर जुइ अले इपिं जिमि मनूत जुइ।”

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

गलाती 4:19

छिपिं ख्रीष्‍ट थें मजुतले जितः मचाबू ब्‍यथा थें दुःख जुयाच्‍वनी।

गलाती 6:4

सकसिनं थःम्‍हं थःगु ज्‍यायात जाँचय् याना स्‍व। थःम्‍हं यानागु भिंगु ज्‍याय् लय्‌ताया च्‍वँ। मेपिन्‍सं स्‍वयाः बांलाक यानागु दु धकाः तःधंछुना जुइ मते।

एफिसी 3:17

उकिं विश्‍वासं यानाः ख्रीष्‍ट छिमिगु नुगलय् च्‍वनादी। छिमिगु नुगलय् मायां हा काय् फयेमा, अले छिपिं मायायागु लिधंसाय् च्‍वने फयेमा धकाः जिं प्रार्थना यानाच्‍वनागु दु।

कलस्‍सी 1:23

उकिं छिमिसं भिंगु खँयागु आशा मत्‍वःतुसे दुनुगलंनिसें क्‍वात्तुक विश्‍वास याना च्‍वँ। थ्‍व हे भिंगु खँ संसारय् च्‍वंपिं फुक्‍कसितं न्‍यंकूगु दु। थ्‍व ज्‍याय् प्रभुं जि पावलयात च्‍यः यानादीगु खः।

कलस्‍सी 1:27

थथे व गुप्‍ति खँ मनूतय्‌त ध्‍वाथुइकादीगु परमेश्‍वरया ग्‍वसाः खः। अले गुप्‍ति खँ थ्‍व हे खः – “ख्रीष्‍ट छिपिं यहूदीमखुपिन्‍के नं दी। अले परमेश्‍वरलिसे छिपिं नं तःधनी।”

कलस्‍सी 2:19

थुमिसं ख्रीष्‍टयात क्‍वात्तुक ज्‍वनी मखु, गुम्‍ह मण्‍डलीया छ्यं खः। छेनं यानाः हे फुक्‍क म्‍हब्‍व मिलय् जुइ फइ, अले म्‍ह छम्‍हं स्‍वाना च्‍वने फइ। अले जक परमेश्‍वरया यःकथं म्‍ह थाहां वये फइ।

कलस्‍सी 2:7

वय्‌कःयाके हा कयाः ब्‍वलना च्‍वँ। अले छिमिसं वय्‌कःयात हे थःगु जग भाःपियाः छिमित स्‍यनातःथें विश्‍वासय् क्‍वात्तुक च्‍वनाः न्‍ह्याबलें सुभाय् बिया च्‍वँ।

१ तिमोथी 2:15

अय्‌नं मिसातय्‌सं क्‍वात्तुक विश्‍वास व माया यानाः पवित्र जुयाच्‍वन धाःसा मचा बुइकीबलय् इपिं कष्‍टं बचय् जुइ।

२ तिमोथी 3:8

यान्‍नेस व याम्‍ब्रेसं मोशायात मभिंका जू थें इमिसं नं सत्‍य खँयात मभिंका जुइ। इमिगु बुद्धि स्‍यने धुंकल, अले इमिके विश्‍वास हे मदये धुंकल।

तीतस 1:13

थ्‍व खँ धात्‍थें खः। अय्‌जूगुलिं इमित तसकं ब्‍वःब्‍यु, अले जक इपिं विश्‍वासय् बल्‍लाना च्‍वनी।

तीतस 1:16

इमिसं परमेश्‍वरयात म्‍हस्‍यू धकाः धयाजुइ, इमिगु ज्‍यां धाःसा इमिसं परमेश्‍वरयात म्‍हमस्‍यू धकाः क्‍यनी। इपिं घच्‍चायापुपिं, धयागु खँ मन्‍यनीपिं व छुं नं भिंगु ज्‍या यायेत मल्‍वःपिं खः।

तीतस 2:2

बुरातय्‌सं थातं च्‍वनेगु, हनेबहः जुइक सना जुइगु, थःत कःघाना च्‍वनेगु, विश्‍वास यानाच्‍वनेगु, माया यायेगु व न्‍ह्यागु खँय् नं सह यानाच्‍वनेगु यायेमाः धकाः स्‍यनेकने या।

हिब्रू 12:15

होश या, सुनानं परमेश्‍वरयागु दया माया काये मखंकाः च्‍वने म्‍वाःलेमा। मखुसा, बिख मां नुगलय् हा कयाः छिमित स्‍यंकाबी।

हिब्रू 4:1

थथे झासु लंके बियादी धकाः परमेश्‍वरं पाफयादीगु झीगु निंतिं नं खः। उकिं होश या, छिपिं मध्‍ये सुं नं झासु लने मखंकाः च्‍वने म्‍वाःलेमा।

हिब्रू 6:8

कं व घाँय् जक बुयावल धाःसा व बुँ ज्‍यालगय् जुइ मखु। उकी ला परमेश्‍वरयागु सराः लाइ, अले मि तइ।

याकूब 4:4

हे विश्‍वास त्‍वःतूपिं मनूत, संसारयात माया याइपिं परमेश्‍वरया शत्रु खः धकाः छिमिसं मस्‍यू ला? संसार नाप मिलय् जुइपिन्‍सं परमेश्‍वरयात शत्रु याइ।

१ पत्रुस 5:9

विश्‍वासय् बल्‍लानाः शैतानयागु विरोध या। थ्‍व संसारय् च्‍वंपिं दाजुकिजापिन्‍सं नं छिमिसं थें दुःखकष्‍ट सियाच्‍वंगु दु धकाः छिमिसं सि हे स्‍यू।

प्रकाश 2:5

उकिं छिमिसं गनथाय् द्वंकागु खः लुमंकाः पश्‍चाताप यानाः न्‍हापा न्‍हापा याःथें थौंकन्‍हय् नं याये माल। मखुसा जि हे वयाः छिमिगु त्‍वाःदेवा उकिया थासं लिकयाबी। उकिं छिमिसं पश्‍चाताप याये हे माः।