२ कोरिन्‍थी 13:10 - नेवाः बाइबल

¹⁰ अय्‌जूगुलिं हे आम्‍कन वये न्‍ह्यः जिं छिमित थुकथं च्‍वयाच्‍वनागु खः। अले जक आम्‍कन वयाः जिं छिमित ब्‍वःबी नं माली मखु, सजाँय बी नं माली मखु, थथे यायेगु अधिकार प्रभुं जितः बियादीगु दु धकाः छिमित क्‍यनाबी माली मखु। प्रभुं जितः थथे यायेगु अधिकार बियादीगु छिमित स्‍यंकेत मखु बरु भिंकेत खः।

२ कोरिन्‍थी 13:10 ပူးပေါင်းရင်းမြစ်များ

१ कोरिन्‍थी 4:21

छिमित छु यः, आम्‍कन वयेबलय् जि कथि ज्‍वनावये कि क्‍वमिलु आत्‍मा व दया माया ज्‍वनावये?

१ कोरिन्‍थी 5:4

छिपिं विश्‍वासीत फुक्‍कं छथाय् मुनीबलय् जिगु आत्‍मा नं छिपिंनाप हे दइ। झी प्रभु येशूं झीत बियादीगु शक्तिं

२ कोरिन्‍थी 10:2

जि आम्‍कन वयेबलय् जिमित संसारया पहःचहःकथं जुइपिं धकाः धाइपिनिगु न्‍ह्यःने कडा पहः क्‍यने म्‍वाःलेमा।

२ कोरिन्‍थी 10:4

थ्‍व संसारयागु हतियार ज्‍वनाः जिपिं ल्‍वानाच्‍वनागु मदु, बरु परमेश्‍वरं बियादीगु शक्तिं म्‍वाःमदुगु खँ ल्‍हानाजुइपिन्‍त जिमिसं बुकाबियागु दु।

२ कोरिन्‍थी 10:8

परमेश्‍वरं जितः बियादीगु अधिकारया खँय् छुं भचा घमण्‍ड यानागु जूसां जि लज्‍या चाये मखु, छाय्‌धाःसा थथे यानागु छिमित हे भिंकेत खः, स्‍यंकेत मखु।

२ कोरिन्‍थी 13:2

निक्‍वः खुसि छिमिथाय् वयाबलय् थथे पाप यानाच्‍वंपिन्‍त जिं ख्‍याच्‍वः बियागु खः। थ्‍व हे खँ जिं छिमित हाकनं लुमंकेबी। मखुसा आः हानं वयेबलय् जिं इमित व मेपिं पापीतय्‌त नं त्‍वःते मखु।

२ कोरिन्‍थी 13:8

जिमिसं सत्‍ययागु पंलिनाः जक ज्‍या यानाच्‍वना, सत्‍ययागु विरोधय् ज्‍या यायेगु जिमिके शक्ति मदु।

२ कोरिन्‍थी 2:3

अय्‌जूगुलिं हे खः जिं व पौ च्‍वयाः छ्वयाहयागु। जितः लय्‌ताय्‌कीपिंलिसे हे नुगलय् स्‍याके म्‍वाःलेमा धकाः जिं मवयेगु क्‍वःछिनागु खः, छाय्‌धाःसा जि लय्‌ताःसा हे जक छिपिं लय्‌ताइ धकाः जिं स्‍यू।

२ कोरिन्‍थी 6:6

जिमिसं यानागु भिंगु ज्‍यां व बुद्धिं यानाः सह याये फुगुलिं, दया माया यानाजुयागुलिं, पवित्र आत्‍मा दुगुलिं, धात्‍थेंगु माया यानाः जिपिं परमेश्‍वरयागु ज्‍या याइपिं मनूत खः धकाः क्‍यना।

तीतस 1:13

थ्‍व खँ धात्‍थें खः। अय्‌जूगुलिं इमित तसकं ब्‍वःब्‍यु, अले जक इपिं विश्‍वासय् बल्‍लाना च्‍वनी।