२ कोरिन्‍थी 12:9 - नेवाः बाइबल

⁹ प्रभुं जितः थथे लिसः बियादिल – “जिं छन्‍त दया माया यानाच्‍वनागु द हे दु नि। छ बमलाःसां जिगु शक्तिं छन्‍त बल्‍लाकी।” थुकथं जि बमलाःसां तसकं लय्‌ताः, छाय्‌धाःसा जि बमलाइबलय् ख्रीष्‍टया शक्तिं जितः बल्‍लाकी।

२ कोरिन्‍थी 12:9 ပူးပေါင်းရင်းမြစ်များ

२ राजा 2:15

व स्‍वयाच्‍वंपिं यरीहों वःपिं अगमवक्तातय्‌गु पुचलं धाल, “एलियाया आत्‍मा एलीशायाके क्‍वहां वःगु दु।” इपिं वयात नापलाः वन, अले वयागु न्‍ह्यःने भ्‍वसुल।

भजनसंग्रहया सफू 8:2

छिं थः विरोधीतय्‌गु कारणं यानाः शत्रुतय्‌गु म्‍हुतुप्‍वाः तिकेत मस्‍त व ह्याउँमस्‍तय्‌गु म्‍हुतुं थःत तःधंकादिल।

यशैया 11:2

परमप्रभुया आत्‍मा वयाके वइ – बुद्धि व दुग्‍यांया आत्‍मा, सल्‍लाह व शक्तिया आत्‍मा, ज्ञान व परमप्रभुया भयया आत्‍मा।

यशैया 43:2

छ तःजाःगु लखं जुयाः वनीबलय् जि छनापं हे दइ। छ खुसि जुयाः वनीबलय् उकिं छन्‍त त्‍वपुइ मखु। छ मिं जुयाः वनीबलय् उकिं छन्‍त थिइ मखु। उकिया मि जलं छन्‍त छ्वय्‌की मखु।

सपन्‍याह 3:17

परमप्रभु छिमि परमेश्‍वर छनापं दु। वय्‌कः वचय् याये फुम्‍ह खः। वय्‌कः छनापं तस्‍सकं लय्‌ता। वय्‌कलं थःगु प्रेमय् छन्‍त शान्‍त याइ। अले छंगु कारणं ततःसलं म्‍ये हालाः वय्‌कः तसक्‍कं लय्‌ताइ।”

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

लूका 21:15

छाय्‌धाःसा जिं छिमित थज्‍याःगु खँ व बुद्धि बी, गुकियात छिमि शत्रुतय्‌सं लिसः बी नं फइ मखु, त्‍वाःल्‍हाय् नं फइ मखु।

१ कोरिन्‍थी 10:13

मनूतय्‌सं सह याये मफइगु जाँचय् छिपिं लाःगु मदु। परमेश्‍वर विश्‍वास याये बहःम्‍ह खः। सह याये हे मफय्‌क छिमित वय्‌कलं जाँचय् लाकादी मखु। तर छिमिसं सह याये फयेमा धकाः जाँच नापनापं बचय् जुइगु लँ नं बियादी। थुकथं छिमिसं उकियात सह याये फइ।

१ कोरिन्‍थी 15:10

अथेसां परमेश्‍वरं जितः दया माया यानादीगुलिं जि थथे जुइ खन। वय्‌कलं जितः दया माया यानादीगु नं ला जिं सितिं मछ्वया। फुक्‍क प्रेरिततय्‌सं स्‍वयाः नं जिं यक्‍व दुःख सियाः ज्‍या यानाच्‍वनागु दु। जिं हे जक ला थथे ज्‍या यानाच्‍वनागु मखु, बरु जितः ज्‍या याकातःगु ला परमेश्‍वरयागु दया मायां खः।

१ कोरिन्‍थी 2:3

जि आम्‍कन वयाबलय् कमजोर जुयाः ग्‍याःगुलिं थरथर खात।

१ कोरिन्‍थी 2:5

अय्‌जूगुलिं छिमिसं मनूतय्‌गु ज्ञानयात विश्‍वास याःगु मखु, बरु परमेश्‍वरयागु शक्तियात विश्‍वास याःगु खः।

२ कोरिन्‍थी 11:30

जिं फुइँ हे याये माःसा, जि बमलाःगु खँय् फुइँ याना जुइ।

२ कोरिन्‍थी 12:1

फुइँ यानाः भिं जुइ मखु धकाः सीक सीकं नं जिं फुइँ याये माल। प्रभुं जितः क्‍यनादीगु दर्शन जिं आः कने।

२ कोरिन्‍थी 12:10

थथे जूगुलिं ख्रीष्‍टयागु निंतिं बमलाःसां, बेइज्‍जत याःसां, मछिंसां, दुःखकष्‍ट जूसां, स्‍यंकेत स्‍वःसां, जि तसकं लय्‌ताः। गुबलय् जि बमलाइ अबलय् जितः बल्‍लाकी।

२ कोरिन्‍थी 12:15

छिमित ग्‍वाहालि यायेत जिके दुगु फुक्‍कं बी। थथे याये दःसा जि लय्‌ताः। थुलि जक मखु, छिमिगु निंतिं सी माःसां जि लय्‌ताः। जिं छिमित थथे यक्‍व माया यानागुलिं हे छिमिपाखें जिं कम माया काये खंगु ला कि छु?

२ कोरिन्‍थी 12:5

थ्‍व मनूयागु खँय् धाःसा जिं फुइँ याये फु, थःगु खँय् धाःसा जिं फुइँ याये मफु। जि गुलि बमलाः धयागु खँय् जक जिं फुइँ याये फु।

एफिसी 3:16

वय्‌कःयागु तःधंगु आशिषं व वय्‌कःयागु आत्‍मापाखें छिमित शक्ति दयेमा, अले व हे शक्तिं छिपिं दुनुगलंनिसें बल्‍लाना च्‍वनेमा धकाः जिं प्रार्थना यानाच्‍वनागु दु।

फिलिप्‍पी 4:13

जितः शक्ति बियादीम्‍ह ख्रीष्‍टयापाखें जिं न्‍ह्यागुं याये फु।

कलस्‍सी 1:11

वय्‌कःयागु तसकं तःधंगु शक्तिं छिमित बल्‍लाकादीमा, अले छिमिसं न्‍ह्यागु खँय् लय्‌तातां सहयाना च्‍वने फयेमा धकाः जिमिसं प्रार्थना यानाच्‍वनागु दु।

१ तिमोथी 1:14

ख्रीष्‍ट येशूयात यानागु विश्‍वास व मायां यानाः वय्‌कलं जितः तसकं दया यानादिल।

हिब्रू 11:34

ह्वाना ह्वाना च्‍यानाच्‍वंगु मिं नं इमित छुं याये मफुत। तरवारं पालाः स्‍यायेत्‍यंबलय् नं इपिं बचय् जुल। बमलाःपिं इपिं, आः तसकं बल्‍लाना वल। भचा मग्‍यासे ल्‍वानाः इमिसं पिनें वःपिं शत्रुतय्‌त बिसिका छ्वत।

हिब्रू 4:16

अय्‌जूगुलिं झीपिं भचा हे मग्‍यासे परमेश्‍वरया सिंहासनया न्‍ह्यःने वनेनु। अले वय्‌कलं झीत दया यानाः माःबलय् माःकथं झीत ग्‍वाहालि यानादी।

यहोशू 1:9

जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”