२ कोरिन्‍थी 12:7 - नेवाः बाइबल

⁷ थज्‍याःगु अजू चायापुगु तःगू हे खँ खना धकाः जिं तःधंछुना जुइ धकाः जिगु म्‍हय् अतिकं तःधंगु दुःख बियादिल। थुकिं शैतानया मनुखं थें जितः म्‍हय् च्‍वाच्‍वां सुयाः तःधंछुइ मफय्‌का तल।

२ कोरिन्‍थी 12:7 ပူးပေါင်းရင်းမြစ်များ

उत्‍पत्ति 32:25

व मनुखं याकूबयात बुके मफुगुलिं याकूबया प्‍यंपाय् लाक दाल। उकिं यानाः वया प्‍यंपाया साहा ब्‍यन।

उत्‍पत्ति 32:31

वयागु प्‍यंपाया साहा ब्‍यंगुलिं व खू काकां न्‍यासि वनाः पनीएल पुले धुंकाः सूर्य लुल।

२ इतिहास 26:16

तर उज्‍जियाह बल्‍लायेधुंकाः वयागु घमण्‍डं वयात नाश यात। वं गुँगू थनेगु वेदीइ गुँगू थनेत परमप्रभुया देगलय् दुहां वनाः परमप्रभु थः परमेश्‍वरया विरोधय् अपराध यात।

२ इतिहास 32:31

तर बेबिलोनयापिं शासकतय्‌सं छ्वयाहःपिं दूतत देशय् खनेदुगु अजू चायापुगु चिंया बारे न्‍यंवःबलय् परमेश्‍वरं वयात जाँच यायेत व वयागु मनय् च्‍वंगु फुक्‍क खँ क्‍यनेत वयात त्‍वःतादिल।

अय्‍यूब 2:6

अले परमप्रभुं शैतानयात धयादिल, “का सा, अथे जूसा व छंगु ल्‍हातय् दु। तर वयागु ज्‍यान धाःसा त्‍वःताः ब्‍यु।”

अय्‍यूब 2:7

अले शैतान परमप्रभुया न्‍ह्यःनं वनाछ्वत। शैतानं अय्‍यूबयागु म्‍हय् तुति पालिंनिसें छेनय् तक हे स्‍याइगु कै पिकयाबिल।

इजकिएल 28:24

“‘आवंलि इस्राएलयापिं मनूतय् सिउँडी व च्‍वामुगु कँ दुपिं ईख याइपिं जःलाखःलात दइ मखुत। अले इमिसं जि हे परमप्रभु परमेश्‍वर खः धकाः सी।

दानिएल 5:20

तर वय्‌कः तःधंछु, जिराहा जूगुलिं राजगद्दीं लिकाल अले वय्‌कःयागु शान वय्‌कःपाखें लाकाकाल।

होशे 2:6

अथे जुयाः जिं वयात कंयागु बार तयाः कुनाबी अले छगू पःखाः दय्‌काः वयागु लँ पनाबी।

गन्‍ती 33:55

“‘अय्‌नं छिमिसं व देशयापिं मनूतय्‌त लिनामछ्वसे, छिमिसं अन च्‍वने ब्‍यूपिं मनूत छिमिगु मिखाय् च्‍वंगु कं व म्‍हय् कँथं कयेगु थें जुइ। छिपिं व देशय् न्‍ह्याथाय् च्‍वंसां इमिसं छिमित दुःख बी।

मत्ती 26:67

इमिसं वय्‌कःयागु ख्‍वालय् थुकलं बिल, दाल। अले गुलिसिनं ला न्‍यतालय् दायाः

मत्ती 4:10

अले वय्‌कलं धयादिल – “अय् शैतान, जिगु न्‍ह्यःने च्‍वने मते, हुँ। थथे नं च्‍वयातःगु दु – “‘छं छिम्‍ह परमप्रभु परमेश्‍वरयागु जक सेवा यायेमाः। वय्‌कःयात जक मानय् यायेमाः।’”

लूका 13:16

अले छु, अब्राहामया म्‍ह्याय् थ्‍व मिसायात झिंच्‍यादँ तक शैतानं चिनातल। छु थ्‍वयात विश्रामबार जुल धायेवं त्‍वःताबी म्‍वाः ला?”

१ कोरिन्‍थी 4:11

आः तक नं जिमिसं नयेत्‍वने मखं, भ्‍वाथःगु वसतं पुनाच्‍वनागु दु। अले जिमिसं कसाः नयाच्‍वनागु दु, अले छेँबुँ मदय्‌का च्‍वनागु दु।

१ कोरिन्‍थी 5:5

थज्‍याःम्‍ह मनूयात शैतानयागु ल्‍हातय् लःल्‍हानाब्‍यु, अले वयागु म्‍ह स्‍यना वंसां ख्रीष्‍ट येशू झायाः न्‍याय यानादीबलय् आत्‍मा धाःसा बचय् जुइ।

२ कोरिन्‍थी 10:10

छिमि दथुइ गुलिं गुलिंसिनं थथे धयाच्‍वंगु दु – “पावलया पौ क्‍वात्तुसे च्‍वं, अले तसकं कडा। तर मनू धाःसा ग्‍याफ्रा, अले नवाये नं मफु।”

२ कोरिन्‍थी 10:5

परमेश्‍वरयागु खँ अःखः यायेत स्‍वइपिन्‍त नं जिमिसं बुकाच्‍वनागु दु। फुक्‍क बिचाःयात बसय् कयाः ख्रीष्‍टयात मानय् याकेत स्‍वयाच्‍वनागु दु।

२ कोरिन्‍थी 11:20

धात्‍थें हे सुनानं छिमित क्‍वत्‍यला तःसां, थगय् याःसां, लुतय् यानाकाःसां, थःत तःधंकूसां, ख्‍वालय् हे दाःसां छिमिसं सह यानाच्‍वनी।

२ कोरिन्‍थी 12:1

फुइँ यानाः भिं जुइ मखु धकाः सीक सीकं नं जिं फुइँ याये माल। प्रभुं जितः क्‍यनादीगु दर्शन जिं आः कने।

गलाती 4:13

दकलय् न्‍हापा छिमित भिंगु खँ न्‍यंकाबलय् जि म्‍हंमफु धयागु खँ छिमिसं लुमंकातःगु दयेमाः।

व्‍यवस्‍था 17:20

थुकिं वयात थः दाजुकिजापिं स्‍वयाः तःधं भापिके बी मखु। अले व्‍यवस्‍थापाखें फहिला जव खव वनेबी मखु। थुकथं वं व वया सन्‍तानं जुजु जुयाः ताःई तक इस्राएलय् शासन याइ।

व्‍यवस्‍था 8:14

छिपिं तःधंछु जुयाः छिमित दासत्‍वया देश मिश्रं पितहयादीम्‍ह परमप्रभु छिमि परमेश्‍वरयात ल्‍वःमंके मते।

१ तिमोथी 3:6

थज्‍याःम्‍ह मनू नकतिनि जक विश्‍वास याःम्‍ह नं जुइ मज्‍यू। मखुसा व नं अप्‍वः तःधंछुयाः शैतान थें नाश जुयावनी।

न्‍यायकर्ता 2:3

अथे जुयाः जिं छिमित धाये, जिं इमित ख्‍याना छ्वये मखु। इपिं छिमिगु निंतिं कँ अले इमि द्यःत छिमित तक्‍यंकीगु जाः जुइ।”