२ कोरिन्‍थी 12:6 - नेवाः बाइबल

⁶ जिं फुइँ हे याये मास्‍ति वय्‌कूसां जि मूर्ख जुइ मखु, छाय्‌धाःसा जिं सत्‍य खँ जक धयाच्‍वनागु दु। अय्‌नं जिं फुइँ याना जुइ मखु, छाय्‌धाःसा जिं धाःगु खँ ताःपिन्‍सं व जिं याना जूगु ज्‍या खंपिन्‍सं जि गुलि ग्‍यं धकाः सि हे स्‍यू, थुलिं अप्‍वः सुनानं तःधंकूगु नं जितः मयः।

२ कोरिन्‍थी 12:6 ပူးပေါင်းရင်းမြစ်များ

अय्‍यूब 24:25

“थ्‍व थथे मखुसा, सुनां जितः फताहा ठहरय् याये फइ? अथवा सुनां जिगु वचन ज्‍यालगय् मजू धकाः क्‍यने फइ?”

रोमी 9:1

जि ख्रीष्‍टयाम्‍ह मनू जूगुलिं जिं सत्‍य खँ ल्‍हाना च्‍वना। जिं मखुगु खँ धयाच्‍वनागु मखु। जिके पवित्र आत्‍मा दीगुलिं जिगु विवेकं थ्‍व खँ धात्‍थें खः धकाः साक्षी बी।

१ कोरिन्‍थी 3:5

अपोल्‍लोस धाःम्‍ह सु खः धकाः? अथे हे पावल धाःम्‍ह सु खः धकाः? जिपिं निम्‍हं छिमित प्रभुयागु भिंगु खँ कनाः विश्‍वास याकापिं परमेश्‍वरया च्‍यःत जक खः। प्रभुं जिमित याकेबियादी थें जिमिसं यानाच्‍वनागु खः।

२ कोरिन्‍थी 1:18

गथे परमेश्‍वर विश्‍वास याये बहःम्‍ह खः, अथे हे जिमिसं नं म्‍हुतुं छता ज्‍यां छता याना मजुया।

२ कोरिन्‍थी 11:16

जिं हानं धाये – सुनानं जितः मूर्ख भाःपी मते। छिमिसं जितः मूर्ख हे खः धकाः मतिइ तःसां छिमिसं जिगु खँ मानय् या, अले भतिचा जक जूसां जिं फुइँ यायेथाय् दइ।

२ कोरिन्‍थी 11:31

जिं थथे धयाच्‍वनागु खँ मखुगु मखु धकाः सदां तःधंके बहःम्‍ह परमेश्‍वर प्रभु येशूया बाः नं स्‍यू।

२ कोरिन्‍थी 12:11

छिमिसं यानाः मूर्खम्‍ह मनुखं थें जिं छिमित थथे धया च्‍वनेमाली। धायेमाल धाःसा छिमिगुपाखें जि तःधने माःगु खः। जि छुं मखुसां छिमिसं जितः हनेमाःगु खः। तःधं धाःपिं प्रेरितत स्‍वयाः जि कम मजू।

२ कोरिन्‍थी 12:7

थज्‍याःगु अजू चायापुगु तःगू हे खँ खना धकाः जिं तःधंछुना जुइ धकाः जिगु म्‍हय् अतिकं तःधंगु दुःख बियादिल। थुकिं शैतानया मनुखं थें जितः म्‍हय् च्‍वाच्‍वां सुयाः तःधंछुइ मफय्‌का तल।

२ कोरिन्‍थी 5:13

थथे धाल धकाः जिपिं होश मदुपिं खः धयागु जूसा परमेश्‍वरयागु निंतिं खः। अले जिपिं होशय् दुपिं खः धयागु जूसा छिमिगु निंतिं खः।

२ कोरिन्‍थी 7:14

छिमिगु खँ जिं वयात फुइँ यानाः धया। जिं वयात फुइँ यानाः धया थें छिमिसं यानाक्‍यन। जिमिसं छिमित न्‍ह्याबलें सत्‍य खँ धयाच्‍वनागु दु। अथे हे तीतसयात जिमिसं धयागु खँ नं सत्‍य जुल।