२ कोरिन्‍थी 12:12 - नेवाः बाइबल

¹² दुःखकष्‍ट जूसां तःकः मछि अजू चायापुगु ज्‍या व चिं यानाः जि प्रेरित खः धकाः छिमित दसु क्‍यनागु दु।

२ कोरिन्‍थी 12:12 ပူးပေါင်းရင်းမြစ်များ

यूहन्‍ना 4:48

अले वय्‌कलं वयात धयादिल – “अजू चायापुगु ज्‍या व चिं मखंकं छिकपिन्‍सं विश्‍वास यानादी मखु।”

१ कोरिन्‍थी 14:18

छिमिसं स्‍वयाः जिं थीथी भाषां नवाये फु, उकिं जिं परमेश्‍वरयात सुभाय् बी।

२ कोरिन्‍थी 11:4

मेपिन्‍सं जिमिसं धा हे मधयाम्‍ह येशूयागु मखुगु मखुगु खँ न्‍यंकः वःसां छिमिसं लय्‌तायाः न्‍यनीगु जुयाच्‍वन। अथे हे जिमिसं मबियागु मेगु हे आत्‍मा व खँयात नं छिमिसं पत्‍याः याइगु जुयाच्‍वन।

२ कोरिन्‍थी 11:6

नवायेत जि बांलाक मसये फु, अय्‌नं जिके बुद्धि मगाः मजू। थ्‍व खँय् जिमिसं छिमित तःकः मछि धयाः थुइकाबी नं धुन।

२ कोरिन्‍थी 4:2

जिमिसं मछालापुसे च्‍वंगु ज्‍या मयाना। जिमिसं सुयातं झंगः लानाः मनया। परमेश्‍वरयागु वचनयात जिमिसं बांमलाका मजुया। जिपिं सत्‍यया जलय् परमेश्‍वरया न्‍ह्यःने म्‍वानाच्‍वना। अले सकसिनं खंक मनूतय्‌गु मिखा न्‍ह्यःने थःपिन्‍त न्‍ह्यब्‍वयाच्‍वना।