२ कोरिन्‍थी 12:10 - नेवाः बाइबल

¹⁰ थथे जूगुलिं ख्रीष्‍टयागु निंतिं बमलाःसां, बेइज्‍जत याःसां, मछिंसां, दुःखकष्‍ट जूसां, स्‍यंकेत स्‍वःसां, जि तसकं लय्‌ताः। गुबलय् जि बमलाइ अबलय् जितः बल्‍लाकी।

२ कोरिन्‍थी 12:10 ပူးပေါင်းရင်းမြစ်များ

लूका 6:22

मनूया काय् नाप जुयाः मनूतय्‌सं घृणा याकाजुइपिं धन्‍यपिं खः, अले पितिना तःपिं, मभिंका तःपिं व दुष्‍ट धाय्‌का च्‍वनेमाःपिं धन्‍यपिं खः।”

यूहन्‍ना 15:21

थुकथं जिगु नामं इमिसं छिमित सास्‍ती याइ। जितः छ्वया हःम्‍हय्‌सित म्‍हमस्‍यूगुलिं इमिसं थथे याना जूगु खः।

प्रेरित 5:41

थथे येशू ख्रीष्‍टयागु नामय् दाय्‌काः दुःख सी बहःपिं जूगुलिं प्रेरितत तसकं लय्‌लय्‌तायाः सभां पिहां वन।

रोमी 5:3

थुलि जक मखु, दुःखकष्‍ट जुयाच्‍वंबलय् नं झीपिं लय्‌ताः, छाय्‌धाःसा दुःखकष्‍टं धैर्य व सह यायेगु शक्ति दय्‌काबी।

१ कोरिन्‍थी 4:10

ख्रीष्‍टयागु निंतिं जिपिं मूर्खत थें जुइ धुन। ख्रीष्‍टयात विश्‍वास याःगुलिं छिपिं धाःसा बुद्धिमान थें जुइ धुन, मखु ला? जिपिं बमलाः, छिपिं बल्‍लाः। जिमित फुक्‍कसिनं क्‍वह्यंका तल, छिमित फुक्‍कसिनं तःधंका तल।

२ कोरिन्‍थी 1:4

जिमित दुःखकष्‍ट जुइबलय् वय्‌कलं हे सान्‍त्‍वना बियादी। थुकथं परमेश्‍वरं हे थथे जिमित सान्‍त्‍वना बियादीगुलिं जिमिसं नं दुःखकष्‍ट सियाच्‍वंपिन्‍त सान्‍त्‍वना बी फु।

२ कोरिन्‍थी 10:18

प्रभुं तःधं धाःम्‍ह मनू जक तःधंम्‍ह जुइ, थःत थःम्‍हं तःधं धकाः धया जुइवं व तःधं जुइ मखु।

२ कोरिन्‍थी 12:9

प्रभुं जितः थथे लिसः बियादिल – “जिं छन्‍त दया माया यानाच्‍वनागु द हे दु नि। छ बमलाःसां जिगु शक्तिं छन्‍त बल्‍लाकी।” थुकथं जि बमलाःसां तसकं लय्‌ताः, छाय्‌धाःसा जि बमलाइबलय् ख्रीष्‍टया शक्तिं जितः बल्‍लाकी।

२ कोरिन्‍थी 13:4

अथे ला वय्‌कःयात क्रूसय् यख्‍खायाः स्‍याःबलय् वय्‌कः कमजोर तिनि। तर आः परमेश्‍वरया शक्तिं वय्‌कः म्‍वानादीगु दु। जिपिं नं वय्‌कः थें कमजोर तिनि। तर परमेश्‍वरया शक्तिं जिपिं वय्‌कःलिसे म्‍वानाच्‍वने। थ्‍व हे शक्ति जिमिसं छिमिगु दथुइ क्‍यने।

२ कोरिन्‍थी 13:9

जिपिं बमलाःसां छिपिं जक बल्‍लाक विश्‍वास यानाः भिना वयेमा धकाः जिमिसं लय्‌तातां प्रार्थना यानाच्‍वनागु दु।

२ कोरिन्‍थी 4:17

छुं ई तक जक जिमिसं थन भचा जक दुःखकष्‍ट स्‍यूसां परमेश्‍वरं स्‍वर्गय् जिमित सदां दयाच्‍वनीगु आनन्‍द बियादी।

२ कोरिन्‍थी 4:5

थथे जिमिसं “जिपिं तःधं” धकाः न्‍यंकागु मखु, बरु येशू ख्रीष्‍ट “प्रभु खः” धकाः न्‍यंकागु खः। अय्‌जूगुलिं येशूयागु निंतिं जिपिं छिमि दासत थें जुयाच्‍वनागु दु।

२ कोरिन्‍थी 5:15

फुक्‍क मनूतय्‌गु निंतिं ख्रीष्‍ट सिनादिल। उकिं म्‍वानाच्‍वंपिं आः थःगु निंतिं मखु, बरु इमिगु निंतिं सिनाः म्‍वानादीम्‍ह ख्रीष्‍टयागु निंतिं म्‍वानाच्‍वनेमाः।

२ कोरिन्‍थी 5:20

अय्‌जूगुलिं जिपिं ख्रीष्‍टं छ्वयाहयादीपिं मनूत खः। जिमिगुपाखें परमेश्‍वर छिपिंनाप नवानाच्‍वनादीगु दु। ख्रीष्‍टयागु निंतिं जिमिसं थथे नवानाच्‍वनागु खः। छिपिं फुक्‍कसिनं पापी ज्‍याखँ यायेगु त्‍वःताः परमेश्‍वर नाप मिलय् जुइत वय्‌कःयाथाय् लिहां वा धकाः जिमिसं दुनुगलंनिसें छिमित बिन्‍ति यानाच्‍वनागु दु।

२ कोरिन्‍थी 6:4

न्‍ह्यागु हे याःसां जिपिं परमेश्‍वरयागु ज्‍या याइपिं मनूत खः धकाः क्‍यना। सह यानाः सह याये मफयेगु दुःखकष्‍ट जुलं नं, नये मखनं नं, अले तसकं थाकुलं नं जिमिसं सह यानाच्‍वना।

२ कोरिन्‍थी 7:4

छिमित जिं यक्‍व हे पत्‍याः यानाच्‍वनागु दु। छिमिगुपाखें जिं फुइँ यायेथाय् दु। छिमिगुपाखें सान्‍त्‍वना दयाः न्‍ह्यागु दुःखकष्‍ट जूसां जितः लय्‌ता वः।

एफिसी 6:10

पौ क्‍वचाय्‌के न्‍ह्यः जिं छिमित धाये – प्रभुयात विश्‍वास यानाः छिपिं वय्‌कःयागु शक्तिं बल्‍लाना च्‍वँ।

फिलिप्‍पी 1:29

ख्रीष्‍टयात विश्‍वास यानाच्‍वनेत जक मखु, वय्‌कःया निंतिं छिमिसं दुःखकष्‍ट नं सीमाः धकाः वय्‌कलं थथे यानादीगु खः।

कलस्‍सी 1:24

छिमिगु निंतिं थथे दुःखसिया च्‍वने दुगुलिं जितः तसकं लय्‌ता वः। ख्रीष्‍टयागु म्‍ह मण्‍डलीयागु निंतिं फये मानिगु वय्‌कःयागु दुःख जिं थःगु म्‍हय् फयाः पूवंके।

२ थेसलोनिकी 1:4

छिमिसं उलिमछि दुःखकष्‍ट सिया च्‍वनेमालं नं क्‍वात्तुक विश्‍वास यानाः सह यानाच्‍वंगु खँ जिमिसं थाय् थासय् परमेश्‍वरयागु मण्‍डलीइ च्‍वंपिन्‍त छ्यं धस्‍वाकाः कनेफु।

२ तिमोथी 3:11

जितः गुलि दुःखकष्‍ट बिल, जिं गुलि सास्‍ती नये माल, एन्‍टिओखियाय्, आइकोनियनय् अले लुस्‍त्राय् जितः छु छु जुल धयागु फुक्‍कं छं स्‍यू। गज्‍याः गज्‍याःगु दुःखकष्‍ट जिं फये माल अले प्रभुं फुक्‍क दुःखकष्‍टं जितः बचय् याना तयादिल।

याकूब 1:2

दाजुकिजापिं, छिमित न्‍ह्यागु कथंया दुःखकष्‍ट जू वसां लय्‌ताया च्‍वँ।

प्रकाश 2:3

जिगु नांयागु निंतिं छिमिसं सकतां सह याये फक्‍व स्‍वयाः नं अप्‍वः सह यानाच्‍वंगु अझ हे नं त्‍यानु मचासे सह यानाच्‍वंगु नं जिं स्‍यू।