२ कोरिन्‍थी 12:1 - नेवाः बाइबल

¹ फुइँ यानाः भिं जुइ मखु धकाः सीक सीकं नं जिं फुइँ याये माल। प्रभुं जितः क्‍यनादीगु दर्शन जिं आः कने।

२ कोरिन्‍थी 12:1 ပူးပေါင်းရင်းမြစ်များ

इजकिएल 11:24

अनंलि आत्‍मां जितः च्‍वय् थकयादिल, अले परमेश्‍वरया आत्‍मां जितः दर्शनय् ज्‍वनाः बेबिलोनय् हःपिन्‍थाय् लितहयादिल। अले जिं खनागु व दर्शन जिपाखें थाहां वन।

गन्‍ती 12:6

वय्‌कलं धयादिल, “जिगु खँ न्‍यँ! “छिमिगु दथुइ सुं अगमवक्ता दुसा अले जिं थःत वयात दर्शनय् क्‍यनेगु जिं व नाप म्‍हगसय् खँ ल्‍हायेगु।

यूहन्‍ना 16:7

न्‍ह्यागु जूसां जिं सत्‍य खँ धाये, जि वनेगु हे छिमिगु निंतिं भिं जुइ। जि मवंकं छिमित ग्‍वाहालि बीम्‍ह छिमिथाय् झायादी मखु। अय्‌जूगुलिं जिं वनाः वय्‌कःयात छ्वयाहया बी।

यूहन्‍ना 18:14

झी मनूतय्‌गु निंतिं छम्‍ह मनू सीगु हे बांलाः धकाः यहूदीतय् नायःतय्‌त सल्‍लाह ब्‍यूम्‍ह कैयाफा हे खः।

प्रेरित 18:9

छन्‍हु चान्‍हय् दर्शन बियाः प्रभुं पावलयात थथे धयादिल – “ग्‍याये म्‍वाः, मग्‍यासे नवाना च्‍वँ, सुम्‍क च्‍वने मते।

प्रेरित 23:11

उखुन्‍हु हे चान्‍हय् प्रभुं पावलयाथाय् झायाः धयादिल – “साहस या, यरूशलेमय् च्‍वंपिन्‍त थें रोमय् च्‍वंपिन्‍त नं छं जिगु साक्षी बी मानि।”

१ कोरिन्‍थी 10:23

गुम्‍हय्‌सिनं थथे नं धाइ – “झीसं थःत यःगु न्‍ह्यागुं याये ज्‍यू।” अथे खःसां झीत फुक्‍क ज्‍यां भिंकी मखु। “झीसं थःत यःगु न्‍ह्यागुं याये ज्‍यू।” अथे खःसां फुक्‍क खं झीत बांलाकी मखु।

१ कोरिन्‍थी 14:6

अय्‌जूगुलिं यःपिं दाजुकिजापिं, छिमिथाय् वयाः जिं थीथी भाषां नवाःसा छिमित छु ज्‍यालगय् जुइ? थीथी भाषां नवायेगु स्‍वयाः परमेश्‍वरं जितः क्‍यनादीगु खँ, ज्ञानयागु खँ, अगमवाणी, अले शिक्षा न्‍यंकुसा हे जक छिमित ज्‍यालगय् जुइ।

१ कोरिन्‍थी 6:12

“जि यःथें याये दु” धकाः छिपिं मध्‍ये सुनानं धायेफु। थ्‍व खँ ला खः, अय्‌सां फुक्‍क ज्‍यां म्‍हयात भिंकी मखु। “जितः यःथें जिं नं याना जुइ दु” धकाः जिं नं धायेफु। अय्‌सां जिं छुकियात नं जितः अधीन याकेबी मखु।

२ कोरिन्‍थी 12:11

छिमिसं यानाः मूर्खम्‍ह मनुखं थें जिं छिमित थथे धया च्‍वनेमाली। धायेमाल धाःसा छिमिगुपाखें जि तःधने माःगु खः। जि छुं मखुसां छिमिसं जितः हनेमाःगु खः। तःधं धाःपिं प्रेरितत स्‍वयाः जि कम मजू।

२ कोरिन्‍थी 12:5

थ्‍व मनूयागु खँय् धाःसा जिं फुइँ याये फु, थःगु खँय् धाःसा जिं फुइँ याये मफु। जि गुलि बमलाः धयागु खँय् जक जिं फुइँ याये फु।

२ कोरिन्‍थी 12:7

थज्‍याःगु अजू चायापुगु तःगू हे खँ खना धकाः जिं तःधंछुना जुइ धकाः जिगु म्‍हय् अतिकं तःधंगु दुःख बियादिल। थुकिं शैतानया मनुखं थें जितः म्‍हय् च्‍वाच्‍वां सुयाः तःधंछुइ मफय्‌का तल।

२ कोरिन्‍थी 12:9

प्रभुं जितः थथे लिसः बियादिल – “जिं छन्‍त दया माया यानाच्‍वनागु द हे दु नि। छ बमलाःसां जिगु शक्तिं छन्‍त बल्‍लाकी।” थुकथं जि बमलाःसां तसकं लय्‌ताः, छाय्‌धाःसा जि बमलाइबलय् ख्रीष्‍टया शक्तिं जितः बल्‍लाकी।

२ कोरिन्‍थी 8:10

दच्‍छि न्‍ह्यः छूगु ज्‍या पूवंकि धकाः जिं छिमित सल्‍लाह बियाच्‍वना। ग्‍वाहालि बीत जक मखु, छिपिं ज्‍या यायेगु इच्‍छा यायेत नं न्‍हापां जुल।

गलाती 1:12

सुं मनुखं थ्‍व खँ जितः ना धकाः ब्‍यूगु नं मखु, अले सुनानं थ्‍व खँ जितः स्‍यंगु नं मखु। थ्‍व भिंगु खँ जितः बियादीम्‍ह ला येशू ख्रीष्‍ट खः।

गलाती 2:2

परमेश्‍वरं जितः अन वने हे माः धकाः धयादीगुलिं जि वनागु खः। जिं न्‍हापा यानागु व आः यानाच्‍वनागु ज्‍या सितिं मवनेमा धकाः यहूदीमखुपिन्‍त भिंगु खँ न्‍यंकागु खँ मण्‍डलीया थकालिपिन्‍त जक कना।

एफिसी 3:3

परमेश्‍वरं वय्‌कःयागु गुप्‍ति खँ जितः सीके बियादिल। थ्‍व हे खँ जिं न्‍हापा नं चिहाकय्‌क च्‍वये धुन।

१ थेसलोनिकी 4:15

प्रभुं धयादी थें जिमिसं स्‍यनाच्‍वनागु खः। प्रभु झायादीबलय् झीपिं म्‍वानाच्‍वंपिन्‍सं सी धुंकूपिन्‍त गुगुं कथं नं लिलाके फइ मखु।

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।