२ कोरिन्‍थी 11:9 - नेवाः बाइबल

⁹ जि छिपिंलिसे च्‍वना च्‍वनाबलय् धिबा मालं नं जिं छिमिके मफ्‍वना। अबलय् माकेडोनियां वःपिं दाजुकिजापिन्‍सं जितः माक्‍व हयाबिल। न्‍हापा नं जिं छिमिके छुं कयागु मदु, अथे हे लिपा नं जिं छिमिके छुं काये मखु।

२ कोरिन्‍थी 11:9 ပူးပေါင်းရင်းမြစ်များ

नहेम्‍याह 5:15

अय्‌नं जि स्‍वयाः न्‍हापायापिं राज्‍यपालतय्‌सं मनूतय्‌त क्‍वत्‍यलातःगु खः। अले इमिके मरि, दाखमद्य, अले थुपिंनापं पिइगू शेकेल वहः काइगु। इमि च्‍यःतय्‌सं नं मनूतय्‌त अत्‍याचार याःगु खः। अय्‌नं जिं थथे मयाना, छाय्‌धाःसा जि परमेश्‍वर खनाः ग्‍याः।

प्रेरित 18:3

व नं इपिं नाप हे च्‍वन, छाय्‌धाःसा व नं इपिं थें पाल दय्‌कीगु ज्‍या याइम्‍ह खः।

प्रेरित 18:5

माकेडोनियां सिलास व तिमोथी कोरिन्‍थय् थ्‍यंकः वये धुंकाः पावलं मुक्‍कं भिंगु खँ जक न्‍यंका जुइगु यात। वं येशू हे मुक्ति बीम्‍ह ख्रीष्‍ट खः धकाः यहूदीतय्‌त साक्षी बियाजुल।

प्रेरित 20:33

“स्‍वयादिसँ, जिं सुयाकें धिबा व वसः फ्‍वनागु मदु।

रोमी 15:26

यरूशलेमय् च्‍वंपिं चीमिपिं विश्‍वासीतय्‌त ग्‍वाहालि बीत माकेडोनियाय् व अखैयाय् च्‍वंपिं मण्‍डलीयापिन्‍सं लय्‌तातां भेटी बिल।

१ कोरिन्‍थी 16:17

स्‍तिफनास, फोर्टुनाटस व अखाइकसपिं जिथाय् वःगुलिं जि तसकं लय्‌ताः छाय्‌धाःसा इमिसं छिपिं मदुसां दु थें च्‍वंकाबिल।

२ कोरिन्‍थी 6:4

न्‍ह्यागु हे याःसां जिपिं परमेश्‍वरयागु ज्‍या याइपिं मनूत खः धकाः क्‍यना। सह यानाः सह याये मफयेगु दुःखकष्‍ट जुलं नं, नये मखनं नं, अले तसकं थाकुलं नं जिमिसं सह यानाच्‍वना।

२ कोरिन्‍थी 9:12

परमेश्‍वरया मनूतय्‌त थुकथं छिमिसं ग्‍वाहालि याःगुलिं इमित माक्‍व चू जक लाःगु मखु, थुकिं यानाः इमिसं दुनुगलंनिसें परमेश्‍वरयात नं सुभाय् बियाच्‍वनी।

फिलिप्‍पी 2:25

जितः ग्‍वाहालि याके छ्वयाहःम्‍ह किजा इपाफ्रोडिटसयात छिमिथाय् हे लिछ्वया हयेमाः थें जिं ताय्‌का। जिपिं निम्‍हय्‌सिनं नं नापं ज्‍या याना, अले भिंगु खँ न्‍यंकेगु ज्‍याय् नं जिपिंनापं हे जुया।

१ थेसलोनिकी 2:6

छिमिसं व मेपिन्‍सं नं जिमित तःधंकेमाः धकाः जिमिसं धयागु मदु।

१ थेसलोनिकी 2:9

दाजुकिजापिं, जिमिसं यक्‍व दुःखकष्‍ट सियाः ज्‍या यानागु ला छिमि लुमं हे जुइ। भिंगु खँ न्‍यंकः वयाबलय् जिमिसं छिपिं सुयातं थाकु मजुइमा धकाः चान्‍हि मद्यंसे ज्‍या याना।

हिब्रू 11:37

अले गुलिसितं ल्‍वहँतं कय्‌काः स्‍यात, गुलिसितं निकू जुइक कःतिं फायाबिल, गुलिसितं तरवारं पालाः स्‍यात। अले गुलि मनूतय्‌सं ला फै व दुगुयागु छेंगूयागु वसः दय्‌काः पुनाजुल। अले चीमि जुयाः, दुःखकष्‍ट सियाः, क्‍वत्‍यय्‌काः जुइ माल।