२ कोरिन्‍थी 11:7 - नेवाः बाइबल

⁷ परमेश्‍वरयागु भिंगु खँ न्‍यंकः वयाबलय् जिं छिमिके छुं नं कयागु मदु। छिमित तःधं यायेत जि चिधं जुया बिया। छु जिं द्वंकागु जुल ला?

२ कोरिन्‍थी 11:7 ပူးပေါင်းရင်းမြစ်များ

प्रेरित 20:33

“स्‍वयादिसँ, जिं सुयाकें धिबा व वसः फ्‍वनागु मदु।

प्रेरित 20:34

थ्‍व हे निपा ल्‍हातं ज्‍या यानाः जिं नयाच्‍वना, अले जि नाप दुपिन्‍त नं ग्‍वाहालि यानाच्‍वनागु ला छिकपिन्‍सं सि हे स्‍यू।

रोमी 1:1

येशू ख्रीष्‍टया दास जि पावलयात परमेश्‍वरयागु भिंगु खँ न्‍यंकेत वय्‌कलं हे प्रेरित दय्‌कादिल।

१ कोरिन्‍थी 9:12

मेपिन्‍सं ला छिमिके अथे कयाच्‍वंगु दु धासेंलि जिमिसं जक काये मथ्‍याः ला? जिमिसं ला छिमिके छुं कयागु मदुनि। ख्रीष्‍टयागु भिंगु खँ न्‍यंका जुइबलय् छुं पंगः मवय्‌मा धकाः जिमिसं थथे सह यानाच्‍वनागु खः।

१ कोरिन्‍थी 9:6

बारनाबासं व जिं जक ज्‍या यानाः नया जुइमाः धयागु दु ला?

२ कोरिन्‍थी 10:1

छिमि दथुइ गुलिं गुलिंसिनं जि पौलय्‌ जक ततःधंगु खँ ल्‍हाइम्‍ह, धात्‍थें धाःसा ग्‍याफ्राम्‍ह धकाः धयाजूगु दु। स्‍वजाम्‍ह व दया माया दुम्‍ह ख्रीष्‍टयागु नामय् जि पावलं छिमित बिन्‍ति यानाच्‍वना,

२ कोरिन्‍थी 10:16

अले छिमिगु लागां पुला वनाः मेमेगु देशय् नं जिमिसं भिंगु खँ न्‍यंके खनी। अले मेपिं मनूतय्‌सं यानाच्‍वंगु ज्‍याय् जिमिसं घमण्‍ड याये माली मखु।

२ कोरिन्‍थी 12:13

जिं छिमित थःत नयेत्‍वने मयाकेगु बाहेक मेगु मण्‍डलीयापिन्‍त स्‍वयाः छुकिं नं चिधंकेत स्‍वयागु मदु। खः का, जिं छिमिगुपाखें नयेत्‍वने मयाना। जिं द्वंके लात, जितः माफ यानाब्‍यु।

२ कोरिन्‍थी 2:12

ख्रीष्‍टयागु भिंगु खँ न्‍यंकेत जि त्रोआसय् वयाबलय् अन ज्‍या यायेत प्रभुं जितः लुखा चाय्‌कादिल।

१ थेसलोनिकी 2:9

दाजुकिजापिं, जिमिसं यक्‍व दुःखकष्‍ट सियाः ज्‍या यानागु ला छिमि लुमं हे जुइ। भिंगु खँ न्‍यंकः वयाबलय् जिमिसं छिपिं सुयातं थाकु मजुइमा धकाः चान्‍हि मद्यंसे ज्‍या याना।

२ थेसलोनिकी 3:8

जिमिसं सुयाकें सितिं कयाः नयागु मदु, बरु छिमित थाकु मजुइमा धकाः जिमिसं चां न्‍हिं सिनाः सिनाः ज्‍या याना।